ابني حبيبي ومشكلته اللي تعبتني ؟

السلام عليكم بناااات
ابني عمره سنة و3 شهور متل مو باين بالشريط تبعه
من يوم ما بلشت معاه الاكل وهو معذبني عذاااااب شديد ما بحب الاكل ابدا بس انا بضل حاول معو حتى ياكل وجبته يعني صابرة عليه كتييييييييير والحمد لله على كل حال
ولو بدي اتركه على راحته ما بياكل شي بنوووووووووووب 😐 بس صحتو ماشي الحال والحمد لله
المهم انو مو هي المشكلة بس .. لا المشكلة انو كمان ما بياكل الاكل إلا مطحون حتى الآن حتى البسكويت تبع الاطفال اللي بدوب بالتم بسهولة مابياكله وياما جربت اعطيه بسكوتة بإيده وتشردق فيها واستفرغ كل اللي ببطنه ..
يعني لا بيحب ياكل ولا بياكل قطع لا صغيرة ولا كبيرة بس آخر فترة صرت اعمل له الموزة بالشوكة مع عصير وياكلها 😛 بس بكل لقمة غصة 👿
يا ترى يعني هالشي طبيعي ولا لا وكمان اخدناه على الدكتورة وفحصته وقالت كلو طبيعي بس الولد حساس وعلى هيك ما لي عارفة لإيمتى رح يضل هيك ورح ضل اطحنلو الاكل بالخلاط
وسمعت انو كتير اطفال بياكلو اكل اهاليهم بالبيت يعني طبخ وقطع وكلو عادي ما شاء الله …طيب بس كيف ؟ 😎
اللي عندها فكرة تساعدني وشكرا الكم والله يجزيكم الخيركلكم :(ويحفظ اولادنا جميعا من كل سوء يارب