عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اليوم صاترت لي حادثه بي لا يوريها لاحد منكم
كنت انا وبناتي 3 سنوات و6 سنوات في طالعين
نزل ابوهم البقاله يشتري اغراض قبل نرجع البيت
في السياره زر يقفل ازرار فتح النوافذ الخلفيه عشان الاطفال
هو قفل الزر وفتح النوافذ الى النص ونزل
وكلها ثواني واسمع بكا بنتي الصغيره والتفت وراسها حاشر بين النافذه والحافه العلويه
حاولت اطلعه ماطلع قمت ومديت يدي على باب ابوها ابنزل النافذه بس ماادري ليه مانزلت النوافذ
انا هاللحظه حسيت ان السياره خرفت وصارت تسكر النافذه بكيفها لان الازرار الخلفيه مقفله مع كذا اتسكرت النافذه على البنت والازرار اللي عندي مو شغاله هي البنت اصلا تسكر النافذه برجلها وانا مو داريه
انا هاللحظه صرخت انادي ابوهم شوي الا تصرخ البنت والتفت الا النافذه ارتفعت اكثر وصار راسها برى وجسمها داخل ورقبتها حاشره بين النافذه
انا اسودت الدنيا بعيني حاولت انزل من السياره انادي اي احد مو قادره افتح الباب مو شايفه قدامي اتحسس الباب بيدي مو لاقيه يد الباب بعدين نزلت الا سمعت بنت وامها من ناحية بنتي يصرخوا افتحي النافذه افتحي البنت بتموت
رجعت وصرخت مااقدر اخاف اسكر عليها قالوا طيب كلمي ابوها شوي الا واحد من اولاد الحلال عمره يمكن 16 -18 قال للحريم بعدوا ومد يده ونزل النافذه ووراه على طول جا ابوها
عرفت شلون التوتر والربكه يعمون ويشتتون البال
بس الحمد لله رب العالمين الروحوم الرحيم اللطيف بعباده
كل ماتخيلت السالفه وكل ماتخيلت ان لو البنت ضغطت الزر مره ثالثه برجلها كان صار اللي مااحد يتحمله
بس الحمد لله ارحم الراحمين
الله يحفظ بناتي وكل الاطفال من كل مكروه يارب العالمين
