عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام على اغلى فراشات
وش اقول وش احكي وش اكتب بنتي حكت ..بنتي تكلمت ..
حسبي الله ونعم الوكيل على اللي كان السبب الله لايحلله ولايبيحه
السالفه
سافر زوجي الاسبوع اللي فات ورحت لاهلي ويوم الخميس قعدت اترجا في ابوي الله يطول عمره ويخليه لنا يارب العالمين
قلت ابروح للاستراحه ورفض رفضا باتا قال زوجك مارضى ..واخاف فيها احد ..واعذار وراء اعذار وانا اقول ما يخالف ..انا ابدخل ..انا ابمسح..انا ابكلم اللي فيها ..وكل ماجاب عذر ..جبت حل ..في النهايه قال عقب الصلاه..
ورحت انا وامي الله يخليها لي ..امين وضعينا الاستراحه ومن هنا وهنا ويالله الساعه 1ونص وصلنا على انها قريبه من بيت اهلي ..
المهم مالقينا فيها احد بس العامل دخلنا ودخل معنا قلت له اطلع ابي اشوف الاستراحه زين قال لا بيجي المستاجر الان ونادى خويه (طينها زياده)اتوقع شك فينا لان مدري شكلي انا وامي مريب..
ما الومه المسئوليه عليه ضعيف المهم بعد المحاولات رفض ورفض ورفض ..شافه ابوي كذا قال اطلع يابن الحلال واعلمك السالفه وطلع وتركني امسح والله اني امسح من قلب حسبي الله عليهم
ماخليت شي مسحت كل شي وطلعت البيت اهلي وحممت بنتي منها والله ان نفسيتها تغيرت صارت تلعب ما شاء الله وتنطط كنه سحر الله حسيبي عليهم
صارت تسولف معي صحيح تتاتىء بس خف والله ان التاتاه خفت 80% ماشاء الله
كله بفضل الله ثم فضل نصايحكم والله اني كني عميا وفتحت ..ابطلب منكم طلب ادعو ان الله يثبتها ويشافيها ويرجعها شهد حياتي الله لايحرمني منها ولا من اخواتها ولاتنسونها من دعواتكم..
وتكفون حصنو عيالكم لاتاخذكم الدنيا مثلي ..
عن roro alyahyawi
شاهد أيضاً
هل تعرفي أم عندها …” توأم ” ؟؟؟ تعالى قولي لنا كيف رتبت حياتها معاهم ؟؟
السلام عليكم ورحمة الله وبركاته أخواتي الغاليات نبغى منكم قصص عن أي أحد تعرفوه ..امهات …