عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اسعد الله اوقاتكم جميعا
النهارده هقدم لكم صينية المكرونة بالباشميل مع طبق بفتيك لذيذ من مطبخى واتمنى تنال اعجابكم
اولا نسلق مكرونة قلم على حسب مقاس الصينية اللى هنعملها
وبعدين نحضر الباشاميل
وهو عبارة عن 4 ملاعق من الدقيق نحمرهم فى قليل من السمن حتى يصبح اللون ذهبيا ثم نضيف اللبن بالتدريج مع التقليب المستمر حتى لا يتكلكع الباشاميل وممكن كمان نضيف شوربة ساخنة مع اللبن بتدى طعم حلو مع اضافة الملح والفلفل الاسمر
وبعدين نحضر الصينية المناسبة وندهنها بالسمن ونضع كمية من الباشاميل فى القاع
ثم نضع نصف كمية المكرونة المسلوقة ونساويها فى الصينية ونكون محضرين لحمة مفرومة معصجة بالطريقة العادية
ونضع الحمة المفرومة فوق المكرونة ثم نضيف باقى المكرونة
نحضر بقى الباشاميل ونكسر عليه 4 بيضات او اكثر ونقلبه ونضيفه فوق المكرونة
وندخلها الفرن الى ان تستوى وبعدين نشغل الشواية على الوجه عدة دقائق حتى يصبح لونه ذهبى
وده طبق ليكم عشان تدوقوها وتقولولى رأيكم
ودى طريقة البفتيكنروح عند الجزار ونقوله عايزين لحم بفتيك مش فاكره اسم العرق اللى بيتقطع منه بالضبط
ويكون مقطعهالنا شرايح
نجيب شاكوش البفتيك وندق كل شريحة عشان نرققها ويكون سواها مضبوط
ونحضر التتبيلة وهى عبارة عن ( بصلتين مبشورين او عصيرهم وملح وخل وفلفل اسمر وبهارات لحم )
ونرص الشرايح فوق بعضها وبين كل شريحة وشريحة ملعقة من التتبيلة الى ان ننتهى ثم نضعهم فى الثلاجة ويباتو فى التتبيل
ونقليهم بالبيض والفيجيتار او البقسماط المطحون فى الزيت حتى ينضج على نار هادئة ونطى الطاسة عشان تستوى اللحمة كويس
وده شكله النهائى
وبالهنا والشفا 😳
