من ابي اتزوج .. الى كل الشكر لحملة المتفائلات …

كيف حالكم وش اخباركم….!!
انا وان كان ما تعرفوني أنا كنت وحده منكم ..!!

ابحث عن الزوج والزواج بعدسه …!
ولا عندي سالفه او اي شغله الا ابي اتزوج
(خصوصا يوم كنت صغيره في عمر ال 19 كنت مخطوبه لاكثر من سنه.. وماصار نصيب )

ابحث عن خطابات ..
مافي خطابه بالغربيه حتى الرياض الا كلمتهاااا
جوالي صار (خ.ام فلان)

كل الي عندهم متزوجين والا مطلقين والا مليون عيب فيهم
صرت اقنع اهلي بمتزوج ابي اتزوج وافتك

مع اهلي بخير ومو مخلين عليا قاصر

بس احساسي بالنقص انو ليش ما تزوجت << بالرغم انو مو نقص ولا شي

ما خليت خطابه كل صحباتي يعرفون اني ابي اتزوج واسوي اي شي عشان الزواج
صار في استغلال كثير مقابل انووو ممكن يجيبوو لي عريس

الله يسامحهم

تعبت نفسياً انوو هذا الموضوع مسيطر عليااا

فضفت هنااا

http://satfrequencies.com/girls/alfrasha28/thread828215/

جاتني عروووض زواج كثيره وكثير اخذ ايميلي عشان يتواصلووو ويخطبوني

وسويت خلطة روز الجنوب المشهوره وسبحان الله ما جاء اسبوع الا يجيني عريس
بس ما يتم
قمت سلمت امري عن هالموضوع وصرت اسعى للوظيفه
ادور يمين يسار
صرت ادخل مواقع حقت السير الذاتيه وتوظفت من طريق شخص في الادارة العليااا
بمكان العمل
بس اللي وظفني صار يستبزني ويهددني وصار ملاحقني
ويبي مقابله شي ما ينعطى
بالرغم مافي اي اختلاط بس ملفه عندي فيلوو كل الاثباتات
وصارت لي مشاكل حاولت اني اسوي اشياء ما تسوى
لكن الحمدلله على كل حال

واستخرت وتركت الوظيفه وانا اطلب الله ان يبدلني باخير منها
بالرغم راتبها المغري وسهوله التعامل

والحمدلله ربي رزقني بالزوج من اقرب الناس لنا
ما يقرب لي بس من نفس القبيلة
اهله شافوني من قبل 7 سنوات واعجبو فيني بس ماكان في موضوع زواج
وعمتهم دلتهم علينااا بدي الفتره

تزوجت في اقل من شهرين
والحمدلله ربي عوضني للان وانا احمد ربي على عوضه لصبري
زوجي ليس متزوج وعمره مناسب لعمري بالثلاثينيات

الزواج متعب جداً بس اتذكر يومياااتي سابقا احمد اله واشكره الف مره

لا اقول حياتي مثاليه بس لاني عانيت …
تنازلت كثيراً ..
لم اطلب زواج مرفهه …
ولم اطلب سفر
ولم اطلب
ولم اطلب
الحمدلله على قناعتي

ملخص ما كتبته :
*ان مع العسر يسر
*وبعد الضيق الفرج
*وان الرزق من الله ولا يأتي الا بالدعاء
*وممكن يكون كل تأخيره فيها خيره
تاخير زواجي .. اكسبنني كثيييير من القناعة بالمقارنه عن صديقاتي اللي تزوجوو بعمر طبيعي
*حملة المتفائلات جداً رائعه
http://satfrequencies.com/girls/alfrasha126/thread1119552/وقتها لم يسعفني ان ارد عليهم
كأن شعارهم جميل كتبته في ورقه كبيره معلقه في غرفتي
(( علمت ان رزقي لم يأخذه غيري فأطمن قلبي))