عالم البنات النسائي كل ما يخص المرأة العربية من ازياء وجمال والحياة الزوجية والمطبخ
:رسايل جوال بالغلط
😆
طبعا الكل مايستغني عن رسايل الجوال
وأحلى مافيها أنها معبرة
بس المصيبة انه لو رسايل الجوال سبببتلك وررررررررطه
جبتللكم موضوع يخوووووف ويضحك
يخوف لو صار فيني <<<وين اودي وجهي
ويضحك إلي يقرا ➡
يالله نشوووف المواقف 😆 🙂
vv
vv
vv
vv
vv
vv
vv
vv
vv
vv
vv
(1)
بنات كانوا في الجامعة شله وكانت وحده منهم عازمتهم وجت وحده من البنات كتبت
لصاحبة العزيمة (إذا أنتي عازمة نجلاء أنا ماراح أجي ودبري لي إي عذر
قوليه للبنات بصراحة أنا استثقل دمها وإذا ناديتيني مره ثانيه لاتنادينها
واوعدك بجي اوكي) وارسلت الرساله لنجلاء :{ !! …..(2)
مره كنت ابرسل مسج لرفيقتي بقول لها تحسب لي طارئ بالدوام لان مالي خلق
أداوم المهم أنا حافظة رقم رفيقتي بس كتبته غلط وشوي يدق علي الرقم
واستغربت إن طلع رقمها بدون اسمها ورديت على التلفون طلع لي واحد قال( عن
الخبال قومي البسي وداومي )طبعا أنا انصدمت وسكرت الخط على طول من الخوف
داومت
(3)
وحده كانوا اهلها عازمينها وزوجها طالع استراحة مع اخوياه وما حضرالعزيمه
هي بترقع له عند ابوها قالت انه معزوم على العشاء عند عمه وكتبت رسالة
لزوجها ترى أهلي سألوا عنك دبرت لك عذر قلت لهم إن عمك عنده عزيمة …
وارسلت الرساله لأبوها …(4)
مره أنا كنت والده في المستشفى ووحده من صديقاتي الله يصلحها جالسه من
العصر عندي يوم جث الساعة 11 مليت مره وهي ماعندها نية جالسه تسولف مع
أمي وخواتي دق علي زوجي قال ابمركم شوي وهاذي ماعندها نية تروح وأقوم
اكتب رسالة لوحده من خواتي أقول لها
(( ترى فلان بيجي وهالنشبه مستانسه على الجلسه مليت منها الله يصلحها
شكلها ودها تتسحر عندنا لاتسولفون معها عشان ماتستانس وتمل وتطلع الله
ينشبها))وارسلتها لصديقتي :{ …..
أرسلت لجارتي وقلت لها تجيني بعد المغرب تتقهوى عندي وأنا متعوده أرسل
لها وخلاص تجي يعني مهوب لازم ترد علي ..وانا اللي عقب ماصليت المغرب
أتجهز وأجهز قهوتي واجلس أحتري زوجي يطلع لأنه في ذا الوقت يطلع ..
والا هو جااي وجالس يالله وين القهوه ؟: أنا: أي قهوة ؟ هو : تستهبلين
يا أم المفاجآت الحلوه ؟ وبعدين استوعبت إني أرسلتها له بالغلط وسكت وما
قلت شي ,,:(6)
قبل رمضان بيوم جتني رسالة من صديقتي مضمون الرساله كالأتي ( رمضان بكره
والشياطين تنحبس في رمضان … والله راح نشتاق لك ) عجبتني الرسالة قلت
راح ارسلها لزوجي .. وارسلتها .. ولما جاني تقرير الرسالة وجدت اسم عمي (
ابو زوجي ) ………. والله فشلة:(7)
كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة
( اهلي عازمينك على الغدا ) وراحت الرسالة.. وبعد شويه يرسل اخو زوجي
رسالة مضمونها ( بأي مناسبة ؟) فشلة …:(8)
مره تخاصمت انا وزوجي وكتبت رساله لاخوي اسب زوجي سب واعلمه اني بتثقل
عليه ولاراح اعطيه وجه ..
تتتتخيلوا …… الرساله راحت لزوجي وزعل وارسل تهديد
وانا انطميت وسكت والله موقف لن انساه(9)
مره اختي مسافره برا وهي مديرة مدرسه …..
المهم جا وقت عودة المدرسات وهي كانت معطيتنا جوالها ……. فارسلت على
جوالها رساله تقول لاختي الثانيه )يا فلانه ارسلي للمدرسات رسايل وقولي
لهم يداومون احسن لهم ….مو اذا غاب القط العب يا فار)قامت اختي من
السنع ارسلت نفس الرساله لجميع المدرساااات ….يعني نفس النص ما غيرته
وتعالوا شوفو الضحك والفشيله(10)
انا مره اتصلت على وحده ماردت بعد شوي جاني منها مسج كاتبه
((يافلانه ترا فلانة (إللي هي أنا) ازعجتني بالاتصالات ومارديت عليها))
والمشكله اني مادقيت الا مره وحده ..
عاد تحسبوني سكت ارسلت لها مسج قلت:
(( ربي باغي يفضحك ))
= = = =)))م”””ن”””ق”””و”””ل:P
