تجهيزاتي للمستشفى انا ولي العهد ايتال شبكشي

ادوات الحمام الله يكرمكم
(شامبو + شور جل + منشفة + كريم للجسم +مزيل العرق +معجون اسنان فرشة اسنان + معقم لرايحة الفم +انتي بكتريا )

شبشب الله يكرمكم

شبشب +طرحه (غطاء للراس)+شراب

شنطة الميك اب
(روج + بلاشر + ماسكارا + كحل للعين + براية للكحل + مرطب للشفايف + بكله للشعر + فرشة شعر + نكاش اذاني + سبحه (اكيد راح احتاجها لان راح يكون عندي وقت طويل اسبح فيه )

اممممممم مدري نسيت شيء؟؟ ❗

يس يس افتكرت برب ثواني
المرايا + مناكير

حلاوة معطرة لريحه الفم (وقت مايجوا الضيوف )

كل ماسبق انحط داخل شنطه صغنونه بس باقي نسيت المسك الابيض بالورد من عند عبد الصمد القرشي روعه ريحته انشاء الله راح اجيبة واحطه في الشنطه

وهذي الشنطه تتقفل

شنطه صغنونه فيها (الكاميرا +البطارية + شاحن الجوال )

والبجامه + قميص طويل بكم طويل اخذته من واحه الجلابيه ب149 ريال لان علية تخفيض
بس لسى ماجبته لان بضيقه ويقصره المحل نفسة (طبعا قميص رضاعه يعني مفتوح من قدام ومطرز عشان استقبال الضيوف) راح انزل صورته لمن اجيبة انشاء الله لونه ابيض ومطرز بالبيج

مشد للجسم (اذا ولدت طبيعي انشاء الله راح اربط بطني على طول عشان ماتصير لينه وطايحه )
هذا المشد للمستشفى بس اذا رجعت البيت انشاء الله راح استخدم المشد الاندونسي يجي طوله 10 متر
يتلف من تحت الصدر لين الفخذ (عشان ماتطلع جوانب للمراءه )

بالاضافه الى الفوطه الصحية النسائيه (لوتس +فام )بس لسى مالقيت لوتس واشتريت فام
ديتول + كب حق الصدر + معطر للجو (عشان النفسية تصير تمام مع الريحه الحلوه)
وترمس للمجلب (اعشاب تنغلي وتنشرب فترة الاربعين من عند العطار هو يجميعها) تنظف الرحم وتقوية ويرجع مثل ماكان

كمان قاروره موية صحة كبيره فيها منقوع المر وقشر الرمان وقرض عشان اغتسل فيها من تحت
تخلي المنطقه ترجع تضيق وتنشد (ترجعك مثل ماكنتي بنت من ثاني )
بس ماصورتها لان ماما راح تجيبها بعد الولاده انشاء الله

ونبداء هنا مع اشياء البيبي يالي راح احتاجها في المستشفى:D
اخذت لايتال طقمين ملابس +فنيلا احتياط + العطر حقه بس للحسن ماجبته مالقيته مع الطقم حق البيبي بروح صيدلية ثانية اجيبة

(افرهول + فنيلا + الكوفله)

(افرهول + فنيلا + مريلا +الشيء يالي ينحط على كتف الام بعد الرضاعه عشان يتدشع الطفل (ماعرف اسمها )

وفنيلا احتياط

ماخذت حفايظ لان ماما تقول المستشفى توفره لي مادري اذا نسيت شيء ياريت تقولولي ياخبرات

المدس عشان لمن نطلع من المستشفى انشاء الله

تم بحمدلله ورعايته وهذي الشنطه في الاخر

وهنا بعد مااتقفلت

لحاف السرير للام (اللحاف ابيض من ايكيا ) فكرته انه كله صوري انا وزوجي طباعه من ايام الملكه لين وانا حامل في البيبي
في الشهر التاسع

وفي الاخير لاتنسوا اهم شيء
العسل + التمر+ ترمس المجلب تاخذية في يدك وانتي رايحه المستشفى والطلق شغال
عشان انشاء الله يسهل الولاده

وهذا الشيء يالي راح ينحط على باب الغرفه انشاء الله

وهذي صورته من قريب

وهذا سبت الشكولاته ( عباره عن سرير اطفال)(بعد اضافة لمستي)

وهذي البطه راح تنحط عليها التوزيعات انشاء الله (بعد اضافة لمساتي )