عالم البنات النسائي كل ما يخص المرأة العربية من ازياء وجمال والحياة الزوجية والمطبخ
جالسه على مكتبي وفجاءه وبوقت فراغ وانا احوس بعمنا ربي يخليه لنا
قوقل الا واشوف ذيك الصوره اللي حتى ماخلتني اكمل عصير حتى نستي اسلم عليكم
<<السلام عليكم ورحمة الله وبركاته><لا ياشيخه تو الناس
لاكن ياوخياتي لاشفتو الصوره ماراح تلوموني اني نسيت اسلم عليكم
في هاللحظه لما شفتي الصوره اكيد عارفه انا وش طرى على بالك
احنا عارفين انو الموت حق
لاكن طرى على بالك النهايه
نهاية كل شي بهالدنيا
عندك بهالدنيا كل ماتملكين من اموال وحسب ونسب
وماركات ووووووووو وبعدين
تنتهين بكفن ابيض ومن يلم عليك التراب اقرب الناس لك
فيه ناس بتدعيلك وناس بتدعي عليك
لاكن ماراح وربي يفيدك احد الا عملك ولكل مجتهد نصيب
بهاللحظه وانتي بالكفن وتحت التراب ودك تستاذنين من ربك تردين عشان تحبين راس امك اللي زعلتيها
ولا ابوك اللي دوم تتاففين منه
ولا اختك اللي من تزوجتي وانتي ماتدرين عنها
ولا ام زوجك اللي حتى ولدها مايمر عليها ويسلم من اسبابك
ووووووووو
كذب
نفاق
غيبه
نميمه
تبرج
وامور وبلاوي مايعلم الا الله فيها
ومع ذلك الانسان عارف نهايته ويكابر
مساكيييييييييين وربي مساكين
الحين ربي ممهلك ذا انتي تقرين كلامي
اجلسي مع نفسك شوي
خففي من ذنوبك ومعاصيك
نهايتك مثل هالصوره
ويالله حسن الخاتمه
تخيلي نفسك رايحه تزورين اهلك خوالك اعمامك اسبوع اسبوعين شهر شهرين
مردك عارفه بترجعين لبيتك ماراح تظلين طول المده عندهم انتي ضيفه
ذا حالنا بهالدنيا كلها فتره ونرجع لمقرنا لامحاله من الهروب مهما سوينا
عشان كذا
ياخواتي وربي هالكلام نزلته لاني حسيت انو صرنا مهملين ومن منا ماعنده ذنوب ومعاصي لاكن لابد من مراجعة النفس ومحاسبتها
انتي لو تخلين بيتك وماتديرينه يوم فقط يوم
شوفي كيف ينقلب حال بيتك
هذي نفسك اذا ماحاسبتيها راح يبتلش الحابل بالنابل<<يبتلش هع مشوها عشاني
هذا كل مابخاطري وقلته لكم تحملوني لاكن هذي حقيقه لازم نذكر فيها بعض
لانا نحب بعض
ولان فينا خير بجوانا بس مو راضي يطلع
الحمدلله يارب الدنيا فيها ناس مليانه طيبه
لكن مافيها ناس خاليه من المعاصي
احتراماااااااااااتي ودعواتي لي ولكم بحسن الخاتمه
😆 🙂
