تاخر الوقوف والحبو عند الاطفال

السلام عليكم يا احلى فراشات انا محتاجالكم جدا انا فى حاله نفسيه ربنا اعلم بيها
انا عندى ابنى الله يخليه ويحفظه عنده سنه الحمد لله صحتة كويسه وعضلاته قويه ويقدر يعمل كل الحركات زى الاطفال اللى فى سنه وهو قعد وسند نفسة على سبع شهور لكن للاسف الشديد ابنى ما بيحبى ولا حتى بيعرف يمسك فى الاثاث علشان يقف لوحده بس الحمد لله لما انا بوقفه على الكنبه او السرير بيمسك وبيتسند ويمشى وهو بيتسند لكن لو لعبته وقعت منه على الارض يا حبيبى بيبكى ومش بيعرف يقعد على الارض ويجيبها وكمان مش بيحاول انه يمسك فى اى شئ علشان يقف ويتسند انا وديته لدكتوره علاج طبيعى وكانت هتتجنن منه عملتلة جلسات علاج طبيعى بالتمارين كتير وابنى عنيد بيعمل الحركات فى التمرين وهو بيبكى اشد البكاء وبرضه رافض تماما انه يحبى او يحاول يقوم يقف لوحده او انه يقوم يقعد لو هو نايم انا بقومه من السرير وهو مش عاوز يتعب نفسه برغم انه يقدر لانه كويس مفهوش مشكله فى جسمه وعضلاتة هو حاليا بيتسند وبيمشى وهو بيتسند لكن انا اللى بوقفه واسيبه لكن لوحده مش راضى يقوم ويقف ويتسند لوحده ولو سيبته على الارض مش بيقوم لوحده ابدا وانا قلبى بيتقطع على ابنى بالله عليكم طمنونى فى واحده مرت بتجربتى مع ابنى ياريت تطمنونى ويخليلكم اولادكم ويحميهم جميعا يارب
واللى مرت بحالتى طفلها مشى على سنه وكام شهر وبعد ما مشى عرف يحبى ويقوم ويقعد لوحده ياريت تحكيلى تجربتك وهدعيلك بظهر الغيب