عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
الحمد لله الذي احيانا بعد اذ اماتنا ….
كيقكم اخواتي الغاليات ؟؟
اعرف اني طولت في تنزيل قصة ولادتي بس ما كان عندي وقت…
مثل ما يعرفون بنات التجمع اني خلصت التاسع ووصلت 41 اسبوع وكنت اراجع في مستشفى قوى الامن وكان عندي موعد 24/1 يوم الاحد وقررت الدكتوره لي تنويم يوم الاربعاء 27/1 على اساس تعطيني طلق صناعي 
واشربها واطلع العصر للممشى وامشي عليها مرتين ومثل ما قلتلي أختي بكله الله يسعدها وانتي تمشين حاولي تباعدين بين ارجولك وارجع البيت واشرب حليب مع زنجبيل واروح الحمام (الله يكرمكم )
وتنزل علي سدادت الرحم هذا كان يوم الاربعاء ويوم الخميس كان عند اهلي عزيمه وكلهم يقولون لي ما ولدتي والله انهبلت من هالسؤال يوم شافني اخوي الكبير قالي انتي ما راح تولدين
الايوم السبت وارجع لبيتي وانام واقوم يوم الجمعه معي الالم بسيطه والعصر اطلع الممشى وامشي نص ساعة وارجع للبيت وبعدين رحت اشوف شنطتي المستشفى واجهز نفسي للموعد يوم
السبت واتعشى على خفيف واحاول انام بس ما قدرت يمكن كل اللي نمته اربع ساعات متقطعه واقوم وافطر واروح للموعد كان الموعد على الساعه وحدة ويوم وصلت كان وقت بريك المهم ….
وادخل على الدكتورة حنان مصريه حبيبه مرة وتسالني عن اخر يوم للدوره واقولها 30/3/2009وتقولي شطوره حسيت نفسي طفله على اساس اني قلتلها التاريخ الميلادي
بعدين قالت ابيك تسويلي اشعة مستعجلة وتكلم قسم الاشعة وتقولهم علي وتقول ان الجنين ما يتحرك على اساس ادخل على الاشعة عالطول ما يعطوني موعد واسوي الاشعةعلى الساعة
30:45
وادخل على الدكتورة وتقولي كل شي تمام بس لازم تتنومين على اساس نسوي لك تحريض بالطلق تبين اليوم ولا بكره الصباح قلتلها لا اليوم وتكلم قسم التنويم وتقولهم عن حالتي وتجي ممرضة من قسم التنويم وتسوي اجراءات التنويم وارح قسم التويم على الساعة 5:15وتعطيني ملابس التنويم واغير واتوضئ واصلي المغرب وتبدا ساعة الجد
ويركبون جهاز التخطيط وتجي دكتوره سعودية
وتكشف علي وتقولي 3سم بس عنق الرحم سميك وتحطلي التحميله والله لا يوريكم وش صار بعدها على الساعة 7:30 بدا بنوتي تتحجر بقوه
والسمع صوت الجهاز وانظره الا مافيه نبض بنوتي
وتجي الممرضة افريقية وتحاول تعدل وضعي وتعطيني اكسجين بس مافيه فايده النبض صار ضعيف مررة قالت ابي اكشف وتكشف وتصرخ
لازم اشيل تحميله 4 سم يله على الولاده وكان زوجي دوبه جاي ويسال الممرضة وش فيه قالت بربلم ويسالها وهي تتكلم معه مستعجله وطلعوني
غرفت الملاحظة وتجي الدكتورة السعودية وتقول وضع الجنين حرج لازم اذا ما تغير خلال عشر دقائق عالطول عمليه وتجي دكتورة سورية
وتكشف على 5سم وتفك موية الجنين وتركب لي القصدره وتركب جهاز في راس بنوتي وتطلع وتعطيني الممرضة الكمام الاسود يهو يدوخ ويدخل علي دكتورسعودي ويناظر التخطيط
ويقولي ياختي راح نعطيك ابر ترخي عنق الرحم وابره مسكنه وبعد ابرة عنق الرحم بعدها الالم مستمر كل 3دقايق وان مستمره ادعي واستغفر
وكان جوالي مع وتدق اختي علي واقولها ان انا في الملاحظة وراح اسكر جوالي بعدين زاد الالم
وتجي الممرضة وتكشف وتقول 10 يله ادفعي وتنادي الدكتورة تسنيم سورية وتبدأ مراسيم الولادة الفعلية>>>حلو مراسيم
وادفع المره الاولى والثانيه والثالثة واوقف دفع قالت لا ادفعي خلاص طلع رأس البيبي
كذا راح يختنق هي قالت راح يختنق وانا ادفع مع ان الطلق اختفاء واهاااه طلعت ريف للدنيا
بس طولت لين صاحت على فكره الدكتورة كانت مراح تسوي خياطة بس انفتحت الخياطه الاولى
لان رأس الجنين صغيررر هذا عذرها وكانت الساعة 10:49 مساءً يوم السبت1/2/1431
وتخيطني وتنظف المكان الممرضة بعدين ودتني للحمام (الله يكرمكم)
ويودوني للجناح من غير لاعبايه ولا جزمة لان اغراضي كلها في قسم التنويم بس كانت الساعة 12:00 صباحاً
واسفه على الاطالة و اي استفسار انا حاضرة 😆 🙄
