طلاق مرتين وضغط لزواج من شايب جديد

انا ماعمري مريت القسم هذا للعلم اني مطلقه مرتين الله يرفعني ويهون علي مصيبتي

اليوم غصب عني حسيت اني لازم اتكلم ابي احد يقولي انتي صح او انتي خطاء

…

بداية قصتي يوم كان عمري 19 تزوجت زواج تقليدي.. يوم طلبت بيت لحالي قالت امي لا حمولة طيبة مانتشرط عليهم

للاسف صرت بجحيم مع اهله.. حملت على طول وعيت ارجع له بعد الولاده ابي بيت.. طلعني على طول بشقه

بعد سنه ونص تقريبا حملت للمره الثانيه خطاء.. للعلم انه مريض وبينا مشاكل بسبة مرضه الي هو عين ويحب يبعد عني ومايشوفني وقت.. ويطيب اوقات نكون فيها اسعد زوجين

تعبت حياتي كثير بسبة اهماله وتعبة وحبه لسفر.. بالعربي اهملنا بعضنا.. دخلت ادرس بتحفيظ القران

ابي اشغل نفسي عنه

بس للاسف احبة وعجزت املكه.. كثره سفراته + خيانه كم مره مع الدليل مو بس شك واعترافه بالذنب والخطاء+ اهماله خلوني اكرهه بشكل عادي وجوده وعدمه

صار الطلاق .. انصدمت وتعبت جدا لانه استغنا عني لاني ماكنت سبب تعاسته قد ماكان سبب تعاستي

بس انظلمو الاطفال.. بعدها انا رحت اهلي وهو اتزوج على طول.. عطيته عياله لاني اهلي ناس شديدين ومايبونهم وضغطوني وضغطوهم معي

بعدها تزوجت ماكملت سنه طلاق زوجني ابوي شايب عمره 65وانا بكون زوجه رابعه وسبق وطلق كم مره

وقتها كنت لسى مكمله 25 سنة

ماحبيته ابد قرفت منه للعلم انه جنتل وشكله جدا مقبول ومركز وسمعه على مستوى السعودية

لكن عرفت ان سبب زواجي من هالملياردير هو شكلي.. تزوجني يبي شكل وصغيره بس

رفضت الحمل بالبداية سنه.. بعدين حملت بالضغط علي من ابوي ومنه.. عشت معه ثلاث سنين ونص

بعدها تعبت كثيرررررررررر لان الحب مشكله.. صار عدم الحب بغض.. مااتحمل اشوفه او اجلس جنبه

هو نفسه كان يقولي مادريت اني بحبك هالكثر.. سبحان الله يحبني ويدلل ويدلع لكن ماشوفه ابد

نحشت بيت اهلي وارسلت مسج طلقني مابيك.. تم الطلاق بهدوء رحمه من ربي انه عنده عزه نفس

لكن المشكله هنا ان اهلي معارضين على الطلاق الى اليوم هذا وانا الشرب السم بسبه طلاقي

انا الحين اكتب قصتي وانا ابكي بحرقه لان هذولا اهلي..

بالبداية صار فيها هرج ومرج ولا وليش.. محد فاهمني لما اقول ماحبيته ماقدر اكمل معه..

المشكله انه ماقال لبوي لمى جا انه هو مايبيني قال متفقين على الطلاق .. ليته قال اي شي ليته

سابني عشان القى حجه ان اهلي يفقدون الامل برجعتي

قالو لي انه يقول انها نعم الزوجه ماشفت منها مايضيق صدري.. ليته قال اني اسوء خلق ربي بس له حكمه سبحانة

المهم هنا الزبده اهلي

ابوي الله يعظم اجره…اول ماجيت اخوي عمره 26 عايرني بسبه انه دخل وبنتي عمرها سنتين ترقص قال بيتنا مرقص

( يالمطلقه كل يوم لك بيت)

يعلم الله اني تعبت كثير لانها اول مره تنقال لي

بعدها لقيته راح لم ابوي وقاله انها تحط اغاني وكلام فاضي واذا غلطت بضربها؟؟؟

عمري 30 بيضربني ام اطفال بيضربني؟؟

رح لابوي ابي افهم قالي اتركيه لا تعاندينه تراه مهبول قلت سم

وسكتت .. ماكنه قال شي

بعدها امي اسمعها تكلم تقول جت لمنا زياره وتركها طلاقها؟؟

هذي امي مو زوجه ابوي ترا للاسف يعني

انتم عارفين المطلقه تروح بيتها تجيب اغراضها ..

لا انا جتني اغراضي بكراتين ومع عمال ولكم تتخيلون عاد شكثر الالم النفسي الي جاني من حركه الشايب انه بيذلني ويقهرني

الحين كل هذا ماضي وهم وراح.. الحين المشكله اني لي سنه مطلقه.. ابوي جايب لي عريس يوم صار لي طلاق خمس شهور

يقولي له لحيه وصغير يشبة العريفي.؟؟

مدري من قاله اني ابي ملتحي ولا شبيه العريفي ولا اني ابي اتزوج؟؟

عييت صحت.. قال عطيته كلمه.. بعد شهر قالي تراي عطيته رقمك كلميه وشوفي يصلح لك او لا

كلمته وطلعت فيه الفين عله عشان اقدر اقول لا.. انتهى هالانسان من حياتي قبل شهر لانه مافقد

الامل الا لما قلت له احس انك لعاب وراعي خربطه وانا ابيه يكرهني والحمد لله تم الي ابيه وكرهني

طلع لي واحد بحياتي وابيه.. سئلت لقيته نعم الرجل.. جا لابوي قالي محترم وعاقل وفيه وفيه والله يوفقك استبشرت خير

شهر كامل استخير مرتاحه.. لين تكلمو الرضع.. الي هم اخواني قالو لا .. ليش لانه من منطقه مايحبونها

قالو لي يحشش ويكرم عن هالامور .. مدري شلون يحشش وهو يكمل ماجستير وعنده عمل العصر

وزوجه وبيت واطفال.. صدق مته يحشش؟؟

طيب ليش هو يقول انا مستعد اخضع لاي تحليل يثبت اني مافيني شي؟؟

طيب انا سكتت.. قالو عذروب جديد انه يدخن.. طيب انا احب ريحه الدخان ابيه يدخن اف

قالو مايجيب عيال؟؟ شلون اجل عنده من زوجته عيال؟؟

زوجته حاليا عندها مشاكل وحملها مايثبت لها اكثر من 10 سنين..الرجل جاد وعاقل وصادق بس ردوه للاسف

طلع قبل اسبوعين شايب .. عمره 65 تزيد او تنقص المهم فوق الستين.. رفضت لان من شروطي اني

اتزوج مايكوناكبر من 40 لو بسنه وحده ..ابي اكون صح من البداية 🙁

المهم عييت وقلت لا.. صديق جدي هالشايب وقلت لاميتقول لابوها .. الشايب الغبي مايفهم كلمه لا

جا لم ابوي.. ابوي جاني شوفيه طيب.. ترا محد يبيك انتي مطلقه وترا وترا لا تحلمين واجد

عييت..

قالي طيب طلي من الشباك.. قلت لا مابي اكون خطاء للمره الثالثه ابي اختار صح..واطيح متساوية

راح..

اليوم نهايتي ويعلم الله انى اكتب وفيني حرقه مايعلم بها الا هو سبحانة

بالتفصيل.. كنت بالحوش انظف قالي ابوى الاغراض هذي ليش اطلعونها؟؟ قلت خلاص طلعناها قالي وقدام عيالي واقسم بالله العظيم ماكتب كلامي هذا ظلم لحظي او لابوي انه شي يقطع قلبي قبل اكتبه لكم

انتى ماتفهمين ومطلقه وكل يوم لك رجل ولعني

سكتت ودخلتهم وكنت بدخل الا اسمعه يكرر العن .. قلت يبة تعايرني بنصيبي الي انت الي مختاره لي؟؟

قال انتى موافقه ماغصبتك.. قلت ماغصبتني بس كنت من ورى امي تجي تقنعني لان امى كانت رافضه

والحين تعايرني بقضاء وقدر كرر الشتم والسب.. تقطع قلبي ودخلت..سمعته يكلم امي بعد ماخلت بدقايق

ويقول اسم اخر شايب الي كان يقولي شوفيه

طلعت وكنت خايفه انه يزوجنى غصب او يصير شي من وراي.. قلت يبة وش فيه فلان مو انتهى موضوعه قال ليش عفتيه

قلت مابيه قال اصلا هو مايبيك من زينك.. انتى مانيب مزوجك انا بكتب وصيتي ماتتزوجين ابد..انتى محد يبيك كل يوم لك بيت ورجل..

انتى وانتى وانتى…

قلت اذا انا خطاء انت الاساس انت زوجتني ماسئلت عنه وانت زوجتنى شايب مو بعمري والحين بتعيد الكره

قال انتى تبين فلان الي كنت ابيه واخوانى رفضوه لكن والله ماتاخذينه.. قلت مابي اتزوج يبه انا عندك احس اني ملكه

ابي اهدي الموضوع قال لا بهينك وبـــ لعني هنا)

قلت قبل تعايرني هات احد انت سائل عنه ويكون مناسب اوافق مو انت جالس وتشوف الوجه ولا كبير اكيد مايبي من يسئل عنه وكفو مو انت جالس ويكفيك الوجه وانا تعايرني وتهيني

هنا

جاني كف على وجهي… قدام عيالي.. صحت قلت اذا الضرب بينهي تجريحكم اذا بينهي الالم النفسي والذب الضربني لا توقف مسكوني خواتي بعيد عنه وكان يدفعني بقوته وعيالي يصيحون

قلت انا الله يحرمك الجنة مثل ماحرمتنى سعاده الدنيا.. لانه قالي كلام مابي اقوله هنا

دخلت غرفتي انا وعيالي.. المس خدي حااار .. احس بنتفاخ اثر اصابعه على وجهي.. صحت بحرقه

والله العظيم يطالعوني مثل العصافير عقولهم بتطير

ماما// لا تصيحين

والله العظيم تعبانه نفسيتي.. اهانه الضرب .. شلون بعمري30 .. وقدام عيالي ..ومن ابوي..

طلاق مرتين.. تجريح.. اقسم بالله العظيم اني اكتب ودموعي تحر خدي..

نومتهم بدون عشا.. استحيت اطلع من غرفتي وابوي ضاربني..

سامحوني لو طولت.. بس محتاجه احد يدعي لي دعوه بضهر الغيب..محتاجه اخت تصبرني

على ما اصابني..

اقسم بالله العظيم اني ماكتبت حرف واحد الا الواقع الي عايشته والله على ماقول شهيد