عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يسعد صباحكم /مساءكم
مرحبا بأحلى دبدوبات في الكون لاني داريه انه مو بداخل هنا إلا الدبدوبات مثلي وشرواي هههههه..
يالله انك تحييهم
المهم أنا عندي مناسبه في 20/6/1430
وكنت البس قبل فتره مقاس 12 وكان وزني 65 وفصلت فستان
ذاك الوقت ولبسته وطلع شئ خرافي
وبعدين قست يوم الخميس لقيت وزني 77 طبعا انهبلت
وجاني حاله نفسيه وجيت البس الفستان حلف ما يدخل هههههههه..
ورب الكعبه ما رضى يدخل ابدا..
والحين والحين البس مقاس16 ورحت السوق واشتريت
بنطلون جينز مقاسه 12 عشان اتحدى نفسي وقلت لازم
ارجع البس مقاس 12ويرجع جسمي مثل أول
وبنات السليلوليت ما ادري وش اسوي فيه ..؟!
اللي تعرف كريمات نفعت معها تكتبها لبى روحها
وقرات عن تجارب البنات على الاوربتراك وانه كويس للمنطقه السفلى
وهي المشكله عندي الفخوذ والارداف..واشتريته يوم الجمعه من قوة الصدمه يوم الخميس هههههههه..
ومشيت عليه 5 دقايق يوم السبت واكلت طبيعي
واليوم الاحد بدأت ريجيم 12 كيلو في 12 يوم
اللي هو أول 3 أيام البان وزبادي وحليب قليل الدسم
واليوم الرابع والخامس والسادس فووواكه ماعدا المانجو والعنب والتمر
والسابع والثامن والتاسع خضااار ماعدا البطاطس
والعاشر والحادي شر والثاني عشر لحوم ودواجن وسمك وبيض
وانا ببدأ أكتب يومياتي هنا واللي تبي تشاركني مرحبا مليون..
شجعوووني واللي قد جربت الاوربتراك او تعرف أحد جربه تكتب التجربه ..
تحياتي:ندى الأصاله
