عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اختي سوته في 4 شهور نزل وزنها 35 كيلو
بس اختي ماتحب اللحوم وقالت لدكتوره انها ماتحبها
فكتبت لها النظام بس بدون للحوم واللي تحب تضيف اللحم عادي
بس قطعه صغيره على الغدا
كل اسبوع يتغير نظام نوع الأكل يتغير يعني كل اسبوع راح تقل عدد السعرات
..
الفطور . ربع خبز بر + جبنه + حبه خيار + كاسة شاي
او
ربع خبز بر + بيضة مسلوقه + طماطم +شاي
او
قطعتين شابوره + كاسة حليب قليل الدسم
كلمة ( او ) يعني تختارين وجبة الفطور مو كل الخيارات تاكليهم 😳
……………
الغدا .. صحن سلطه + 6 ملاعق رز + ملعقتين ادام + ربع خبز بر
لكِ الحرية في اختيار نوع الإدام مثلاً ملوخيه او باميه او فاصوليا
…………..
العشاء .. ربع خبز بر + لبن زبادي + خيار
او ملعقتين فول + خبز بر + خيار وطماطم
…………..
وقت الجوع مسموح بأكل الخيار و الجرجير والخس بأي كمية
اما الفاكهه مره وحده باليوم
وأي استفسار انا حاضره
وكل اسبوع نوزن وانزل النظام اللي بعده
وكل اسبوع راح تنقص السعرات الين نوصل للرشاقه
ملاحظة .. ربع الخبز يعني 25 جرام لاتزيدين عن الربع
اتمنى نتكاتف ونشجع بعض
للمعلومه هذا النظام من اخصائية تغذيه يعني لاتخافون
بس نحتاج لحبوب فيتامين عشان الشعر والبشره
واذا توقف نزول الوزن بعد فتره من الرجيم راح اقولكم وش تسوون وتنزلون اكثر
رجااااااااااااءاً يابنات ابغا اللي تشارك تكون راح تتبع معايا النظام
اما اللي تشارك وتتبع نظام ثاني لاتشارك لأن القصد هو اللإصرار والإستمرار على رجيم السعرات
وعشان ما ابغا نتخربط وحده مسويه رجيم والثانيه تخفف وحده رجيم كيميائي
لا رجاءاً اللي تبغا تتبع هذا النظام بس هي اللي تشارك 😥
