عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام
كيفكم ؟!
احس من لما اتزوجت كترت مشاكلي ودموعي قبل كنت مرتاحه عند ماما الله يخليها ليا
المشكله انو ادا زعلت مااقدر اكلم ماما عشان عارفه نفسي حبكي ع طول وانا ماابيه تحس انو فيا شي
مو موضوعنا هادا 
السالفه انو انا وزوجي متزاعلين هادا تالت يوم لنا مانكلم بعض وهوا اول مايصحى يخرج ويجي البيت ياخد شي ويرجع يخرج ومايرجع الا الساعه 5 الفجر تبعا هادا مو عادتو يتاخر لهادا الوقت برا البيت
تبعا وانا جالسه في البيت بدون عشا ولا غدا حدي اكل من الشكولا الموجوده امس بس فكر فيا وجا وقلي تبي عشا قلت لا قال الا وراح وارسلت له لاتجبلي شي مو جيعانه ورجع وجاب عشا ليا انا وبس وحطو وسلم ع راسي وخرج بدون مايقولي بروح
والله موعارفه ليه تزاعلنا كدا انا مشكلتي حسااااااااااااااااااااااااااااااااااسه ع طول ابكي ومن اي شي ازعل
وهوا ادا زعلت يطنشني ومااشوفو في البيت
مايحاول يراضيني يحسسني انو يحبني او مهتم فيني
ياما زعلت ورضيت بنفسي واسكت واعدي بس احس سار عندو عادي الوضع
دحين راح جده مع اهلو وانا جالسه في البيت ارسلت له لدرجه هادي مستغني عني وانتا اثبتلي انك ماتحبني وادا ماتبيني قول ترجع البيت ماتلاقيني استنى ردك تبعا مارد زي دايم يطنش اي مسج ارسلو له
موعارفه استمر في الزعل الين مايجي هوا ويراضيني ولا اش اسوي
ماابغى يتعود انو انا الي اتنازل دايم مهما يكون والله تعبت من كتر مابكيت 3 ايام بدون عشا وغدا وع طول بكى وربي اتمنى امرض عشان يحس فيني شويا
