عطوني رايكم

السلام عليكم راح ادخل في الموضوع على طول انامتزوجه لي 10 سنوات في السنوات الاولى حياتي الزوجيه حبيته المهم كنت اسوي اي شي فيه راحته انا حسيت انه ماحبني قلت مايخالف القلب ومايهوى كان يسهر لين الفجر وانا جالسه استناه ماعندي مشكله ابخر غرفتي واتزين واجلس استناه الطامه اذاجاء ينوم على طول اذا كلمته قال انا تعبان بنوم عندي دوام على هالحال مده طويله ماكان يعطيني وجه انا واعوذ بالله من كلمة انا احب الرومانسيه احب الدلع كل ماقلتله شي قال عيب حتى الكلم الحلو انا اللي اقوله والمفروض الرجال اللي يقوله لدرجة السفر مانسافر لحالنا مستحيل الا اهله معنا مع اني بعيده عنهم الزبده بعد هالوقت الحين عندي ثلاث بنات ولد الحين انقلبت حياتي صار العكس تماما معاد احبه عادي افرح اذا طلع من البيت واذا سافر حتى ماابيه يلمسني حتى الكلام اتكلم مايسمعني الحين يقول تكلمي لاتسكتين الحين صار يحبني سبحان الله الحين انشغلت مع بناتي منيب فاصيه فيه اشياء كثيره اختصرت الموضوع وش رايكم وش تنصحوني فيه