عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
ماشاء الله عدد المشاركـات زاد
ففيه صعوبـه اني احصـي الجميع خصوصا اني نزلت من بيستمر و للأسف ما قرأه الا مجموعه بسيطه
والباقي شارك بدون مايرجع للردود السابقـه فطبيعي ماتدري وش صار على البنات .
راح اترك التجمع مفتوح بدون اسماء محدده . اللي حابه تشارك حياها ربي والشروط قبل كل شيء
مدة التجمع الجديد :
بإذن الله 30 يـوم . .
من 20 / 5 / 1432 هـ . 24 / 4 / 2011 مـ
إلى 20 / 6 / 1432 هـ . 24 / 5 / 2011 مـ
برنامج التجمع :
– الارتباط القوي بكتاب الله سواء ب الختمه او الحفظ او مداومة القرءه
( اختاري اللي ودك فيه ودك تختمين القران اختميه ودك تقرأين البقره أقريها ودك تحفظين من السور احفظي اهم شيء امسكي القرآن يوميا )
– الدعاء لنفسك وبنات مجموعتـك و شباب و بنات المسلمين ( لا تنسين الشباب لازم تدعين لهم )
– الاكثار من الاستغفار في كل وقت وكل حال
– التفائل × التفائل × التفائل × التفائل × التفائل × التفائل × التفائل
– العنايه ب الجسم ( سواء ب الاقنعه او كريمات او الزيوت اهتمي بمضهرك بكره بتكوني عروس اختاري برنامج عنايه يناسبك وطبقيه )
– المشاركه في المواضيع المطروحـه ( راح تكون فيه مواضيع سواء كانت مني او من احد العرايس لابد من مشاركتك لا تطنشين وتخلينا نزعل منك )
شروط التجمـع :
– الإلتزام ب الحظور و متابعة البرنامج .
– مشاركة العرايس والرد عليهم ( مهممممممممممممممم ) لآ تخلينها تكلم نفسها ردي عليها مثل ماتبينها ترد عليك .
– مشاركة العرايس في المواضيع المطروحه والتفاعل معها .
– الالتزام ب النقاشات المفيده و المثريه للموضوع والبعد قدر الامكان عن النقاشات عديمة الفائده .
– عندك موضوع والا فكره وحابه تطرحينها لآ تترددين .
– لا تتهاوني ب الدعاء لمجموعتك او تقصري فيه اجتمعنا هنا ل توحيد الدعاء بإذن الله . إنتي التزمتي وانتي مسائله امام الله.
– اللي عندها ظرف تعلمنـا حبيباتي عشان نعذرهـا .
– سجلي اسماء مجموعتك الجدد وحطيه تحت مخدتك وكل مادعيتي لنفسك ادعي لهم واكتبيهم بجوالك بعد
وين مارحتي وجيتي ادعي لهم و لنفسك .
– لا تنسون تدعون ب التوفيق ل شبابنا وان الله ييسر امورهم ويعرسون علينا
– كل مفترهـ و الثانيه أرجعـي ل محتـوى المـوضوع الأصـلي عشان ما تنسين شيء.
– اللي حـبه تنسحب تقـول لي.
– اذا تأخرت وحده عن المجموعه مافيه مآنع انك تذكرينها في بروفايلها.
– انتبهو ل ردودي بيكون فيها الموآضيع اللي بنتكلم معنهـا.
– لو تكاسلتـي علمينا ، لا تتركي الموضوع ، لا لاتتركي الموضوع ابد يمكن بعد فتره يرجع لك حماسه والموضوعه كله شهر بإذن الله
إذا كملتي 30 يوم كامله طبقتي فيها كل شيء وختمتـي القرآن .. ساعتها براحتـك
– مشاركتك في المواضيع لا تكون كلمتين وتمشين إذا بتكتبين كلمتتين لا تكتبينهم
خلي مشاركتك قيمه وهادفه في النقاش .
———-
تنبيـه :
سولفي و فضفضي بس ب ( تفاااااااااااااااااائل ) تفائلي، كوني متفائله حتى لو من داخلك غير مع الايام تنعكس حروفك على نفسيتك
مثل ماتنعكس حروف غيرك عليك وتأثر ، كلنا نمر بضروف فيها احباط والم وقهر سواء كانت بموضوع الزواج او غيره ،خليك صبوره و تاكدي ان
هذا الشيء ربي كتبه عليك قولي اللهم اجرني في مصيبتي واخلف لي خير منها و اسمعي رد الرحمن الرحيم يقول لك :
[ وبشر الصابرين اللذين اذا اصابتهم مصيبه قالو إنا لله وانا إليه راجعـون ]
اللي إنتي تكتبينه يأثر على اللي يقراها الحقيقه انا من النوع اللي يتأثر مرره، اذا شفت كلام حلوووو خلاص حسيت الدنيا بين يديني
واذا شفت كلام عكسه خلاص يضيق صدرري .
————
وقت الدوره الشهريه :
مو وقت اجازه ولا وقت كسـل . تقدرين فيه تقرأين القرآن و تدعين وتستغفرين وتشاركين ب المواضيع
الشي الوحيد اللي تتركينه ( الصلآه ) .
وكثفي عنايتك بشكلك وصحتك واكلك ونظافتك هالفتره . تخيلي انك عند زوجـك كيف بيكون مظهرك ونظافتك !
انا انثى واعرف ان هالفتره فيها الم وفيها تعب وفيها نفسيه سيئه .
لكن مو كل زوج يراعي هالشيء و مو كل زوج يتحمل هذا الوضع ، لازم نوقف مع بعض ونتغلب على هذي المشكـله
ونشوف كيف نتصرف معها .. طبقي هنا ببيت اهلك قبل تتورطي ببيت زوجك
كثير من الازواج يكره زوجته وخمولها وشكلها وريحتها في هالفتره وينفر منها قووه ..
تغلبي على هالشيء وأقرأي كثير عن الدوره ومشاكلها في الحياه الزوجيه والحلول ..
ب النسبه لي تعودت اخذ شاور لما احس بها بتنزل خلاص واحط كريم دهني
والبس بجامـه حلووه وارتب شعري ستايل ثاني واحط قلوس خفيف وعطر ناعم
واجهز لي مسكن . عشان ما اكون في وضع مزري والحمد الله احس افضل من اول
لما يتعكر مزاجي اهمل نفسي .. بس الحين نوووو قدامي مستقبل وشخص بينتقدني وينفر مني في اي خطأ
كل شيء ولا النظافـه والريحـه السيئه ما احد يتقبلها ابد .
———–
تنبيه :
عروسات المشاركت . الله يسعدكم لا تسألون وش الجديد قبل ما تقرأون الردود السابقـه
لو قرأتيها ما احتجتي تسألي عن الجديد ..
التجمع هذا مختلف ، ما ابي كل وحده لحـالها ابي الجميع مترابط الكل يعرف اخبار بعض ويتابعها
ابي تحسو انكم خـوات
بعد ما قرأتي الشروط و كل شيء في الموضوع الآن انتي اما خيارين :
1- الموافقه على الشروط : ومعناها انك قطعتي وعد امام الله ثم امامنا ب الالتزام بها والمشاركه الدائمه والتواجد إلا للظروف الخاصـه .
2- عندم الموافقه على الشروط والالتزام بها : ما دمتي حابه تشاركينا انتي ( ملزمه ب التقيد بهااا )
