عالم البنات النسائي كل ما يخص المرأة العربية من ازياء وجمال والحياة الزوجية والمطبخ
——————————————————————————–
حبيباتي اخواتي الفراشات اتمنى تفاعلكم في مشكلتي التي اعاني منها عندي بنوته الله يحفظها عمرها اللحين 5سنين وهي على وشك دخولها مدرسه وعندها مشكله في الكلام وهي إدا بغت تتكلم لازم اتأتء وتلجلج في الكلام مثلا ادا بغت تقول ماما ممماما مع حركات بسيطه تتغير في ملامح شكلها مع انها وهي صغيره تكلمت بدري ومنطلقه في الكلام وفجاءه من سنه تقريبا صارت التاتاء وتتلعثم بالكلام وديتها عند دكتور اطفال وقلي هدا عارض وحاله نفسيه سألني كدا سؤال قالي طلعتي من حياتهم فجاءه ورجعتي قلتلوا ايوه بس تنومت في المستشفى قالي بس هدا حاله نفسيه وخوف جا حق بنتك خافت انك ماترجعي وتشوفك مره ثانيه لان هدي الحالة التلعثم تجي في حال النتقال من بيت الى بيت اونقل الطفل من مدرسه الى مدرسه اخرى اوخروج الام فجاءه من حياة اطفالها ورجوعها فجاءه وقالي لاتخافي بعد فتره راح تتكلم مثل اول بس انا خايفه في المدرسه اللبنات يتكلمون ويضحكون عليها وهي تتكلم وتسوء حالتها اكثر الله يوفق اللي ترد علي ولو بدعوه حلوه ان بني تتكلم مثل اول ودلني على دكتور يعالج مثل هدي الحاله علما اني بالدمام ومين عندها مثل حالتي ولدها رجع يتكلم مثل اول طمني والله يجزاكم الف خير جميعا ويجبر في خاطر اللي ترد علي مثل ماجبرت في خاطري[/اختكم ام ريسا
