عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم…
السلام عليكم ورحمة الله وبركاته…
اخواتي بالمنتدى وربي انكم اخواتي … على الاقل القى منكم العون اللي مالقيته من اخواتي اللي من امي وابوي…
بنات انا محتاجه لكم شوي بس ماراح اطول عليكم…
انا الان لي شهور افكر بالطلاق ..
.. وصابره ومحتسبه لكل اللي يصير معي واللي اسمعه من كلام
يسم البدن…
المهم صابره قلت يمكن يتعدل الوضع اتانى بقراراتي… لكن وصلت لمرحلة الياس خلاص…
فصرت اسنخير بموضوع الطلاق…
لكن ماطلع معي شئ.. يعني مابان لي هل الطلاق فيه خيره ولا لا
قبل كم شهر استخرت كم مره ومابان معي شهر ووقفت …
بعدين رجعت قبل فتره استخير وصرت اسخير بعد كل صلاة يعني باليوم خمس مرات استخير اذا خلصت اذكار الصلاة قمت صليت استخاره…
لمدة اسبوع ونفس الشئ مابان معي شئ
بشكل عام انا خايفه من هالخطوه…يعني كل مشاعري خوف بخوف مدري هل يعتبر هذا معناه ان الطلاق
شر لي ولا لا
غير كذا يمكن استخارتي غلط عشان كذا مابان معي شئ…
وش اقول يصلاتي….:
( اللهم اني استخيرك بعلمك .. واستقدرك بقدرتك .. واسالك من فضلك العظيم .. فانك تقدر ولا اقدر ..
وتعلم ولا اعلم وانت علام الغيوب .. اللهم ان كان في هذا الامر خير لي في ديني ومعاشي وعاقبة امري فاقدره لي…
وان كان في هذا الامر شر لي في ديني ومعاشي وعاقبة امري .. فاصرفه عني واصرفني عنه واقدر لي الخير
حيث كان ثم رضني به .. طلاقي من زوجي )
صح علي كذا ولا لا
والدعاء مرات اقوله قبل السلام بعد التشهد ومرات بالسجود…
انا اسالتي
طريقة دعائي صح ولا لا؟
عادي لو اكرر الدعاء طوال اليوم من غير صلاة..من باب الالحاح بالدعاء الى الله??
اوقات صلاتي بعد الصلاوات المفروضه ؟>>عادي يعني يجوز
ومرات اصلي بنص الليل…
ماادري اخاف فيه شئ غلط او عدم تادب مع الله عشان كذا ماطلع شئ معي..
ويوم استخارتي بزواجي كذا كنت اسوي وماادري اخاف اني مشيت ورى عاطفتي ومشاعري..
عموما انا من جد الحين بديت افكر بجديه لاني ورب البيت تعبيت ومافيني على الصبر..
ومليت وانا معلقه كذا كل ييوم اقول بكرا بتفرج .. اصبري يابنت ..طنشي وخلي الايام تمشي ..
ورب البيت انهد حيلي وانهد قلبي ماعاد فيني على المشاكل والهموووم تعبت داخليا اكثر من خارجي..
ابي اطلع من هالوضع وهالعيشه..وابدا حياة جديده لكن الخوف مسيطر علي ومخليني ااجل فكرةالطلاق..
اللهم لك الحمد كما ينبغي لجلال وجهك وعظيم سلطانك…
اللهم لاتشمت بي الاعداء .. اللهم لاتشمت بي الاعداء..
كل اللي ابيه تساااعدوني بصلاة الاستخاره…
ليه مايطلع معي شئ .. انا مقصره بشئ ولا لا…
والله انهد حيلي من الصياح
ومن كل كلمه اسمعها…
ادري يمكن لخبطت راسكم بالكلام … لكن بلا من اللي فيني… ❗
