عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات أنا مره متضاااايقة وقبل شويه تهاوشت مع زوجي وتدور في رأسي أفكار أروح عند أمي معد أقدر أستحمل حركاته
هوه طيب وحنون بس مشكلته شغله ماأخذ كل وقته مانخرج سوا الا في السنة مره
أنا دائماً أخرج مع صحباتي أخواتي نروح مطاعم ملاهي وهوه لا
أقوله أبي أخرج معاك يقول أنتي مو مقصره ,أقوله صحيح أطلع بس ودي أطلع معاك
وإذا طلبت منه شيء إن شاء الله علبة حليب يجيبه لي السنة الجاية صرت ماأحب أطلب منه أنا أروح أخذ الي أبيه
بس هذا مو حل هوه ليه متزوج
وإذا كلمته قال لي أنا مشغول , أنا مو فاضي لك ومن هالكلام
أوقات يخرج من الصباح ومايرجع الا وقت العشاء تخيلو ومو نادر هالشيء يصير الا كثير وكثير مره
وأنا طفشت مو قادره أتحمل
لو هوه يقدر هالشيء كان قلت يالله كافي أنه مقدر أني متحمله ,, لكن ولا هوه هنا
صحيح يحبني وأحس لما أغيب عنه يتجنن والا يبيني أرجع وبسرعه
لكن الحب مو كفاااااية
أنا أبغاه ينفذ طلباتي
نعيش عيشه طبيعه نفطر سوا نتغدا سوا نروح السوق سوا
لكن للأسف ولا شيء من هذا في حياتي
وأمس كلمته وفي النهاية قلبها علي أنا وزعل يقول أنا مو مقدره شغله وأنه إنسان عملي ومضغوط ووو
كل ماطلبت منه شيء قال إذا خلصت شغلي , وشغله ماراح يخلص لو بعد عشر سنين
الحين هوه زعلان وأنا زعلانه
هوه مامعه حق يزعل قال أيش أنا أزن فوق راسه وماخليه يرتاح لما يرجع البيت ولما قلت له البيت مو فندق تنام وتطلع أن إنسانه في البيت كسر الاكواب ومشى
وأنا مقهوره انا المفروض ازعل يقوم هوه ويزعل صدق من قال ضربني وبكا سبقني وأشتكى
خلاص أبي أروح عند أمي مو قادره أتحمل
