زوجي وحماتي وأنااا .. أدخلو ودلوني ..؟

أنا عمري 21 سنه حامل بشهر الرابع وعندي بنت عمرها تسع شهور متتابعين من اول زواجي حملت ولي سنه وسته شهور متزوجه
ساكنه بجناح فوق بيت اهل زوجي مستقله بشكل شيئ حتى المطبخ وهم مره طيبين ماشفت منهم شيئ بالبدايه
ومع الايام صرت اسمع كم كلمه واطنش
زوجي عمره 28 واهو اكبر واحد في عايلتهم عنده 4 خوات وحده منهم بعمري وصديقتي واهي الي اختارتني لاخوها
وعنده 3 اخوان واحد اكبر مني بسنه واثنين بالابتدائيه
المهم

ام زوجي انا اسميها ( امي )
دايم تنصحني وتبيني اكون احسن وحده اهي طيبه وانا ما اكرهها بس احيان تجرحني بالكلام
واحيان لما افكر مع نفسي احسه لمصلحتي
بس اخر الايام
كانت تقول انتي فتانه كول شيئ تقوليه لزوجك
اصلا انتي قرويه والقروين يجون وتعلمو وانتي مانتي راضيه تتعلمي شيئ
واخر مره قالت لي كلمه قويه
لو رجع الزمن وراء مازوجتك ولدي !
وبدت تمدح بزوجي اهو غير الكل يحبه الكل يستشيره والخ
قلت لها وانا مخنوقه مني قادره ارد عليها وانا منقهره ليه بصوت واطي
قالت مع الايام بتعرفي

ومر اسبوعين على كلامها ذا
ومرضت جتني حراره توصل لين 39
وكحه مستمره مقدر لا انام ولا اسوي شيئ
جتني بالليل ذي الحاله
الظهر قمت معرف اسوي شيئ زوجي قلي ارتاحي بس
واخذ بنتي ونزلها عند امه
وانا قلت بنفسي ساعه وبروح اجيب بنتي واكلها
ونمت الين العصر
وقمت انا وزجي قلت لها بتي ماعندي اكل راح وسكت
وتاخر ما جاء بعد الصلاه
وسمعت صوته تحت ونزلت
اول مادخلت بيتهم لقيت امه تقلب عيونها ولاسالتني وشفيك ولا شيئ
شفت بنتي حظنتها وجيت بطلعها فوق قال زوجي سولها اكل
رجعت احطها واكلتها اخته وانا طلعت وقلت لزوجي وصلني بيت اهلي دامك طالع مو راجع الا بالليل
قال طيب
رحت لبست عباتي لين اكلوها وطلعنا وانا طالعه لقيت امه عند الباب قلت مع السلامه ماردت عليا
سكت وطلعت
وبسياره قلت له اشفيها امي قال مدري بس اهي زعلانه ليش ماقولتي لها تسوي لبنتك اكل ومعصبه 4 ساعات ما اكلتيها
قلت انا قلت بنام شوي وبقوم قال حتى ولو تقولين لها ماتقعد بنتي جوعانه قلت طيب البنت ما بكت حتى ولاماتت
عشان اهي تزعل وانت تعصب
قال وانتي تستنيها تبكي وتموت امي اكثر وحده تحبها اكثر مني ومنك حتى ام اذا بتموت توصي على عيالها …الخ
لين وصلنا بيت اهلي وانا ساكته مابي مشاكل معه
ودقت عليه امه وسالت عني وقالت نفس كلامو وانا ساكته وقلت بنهايه يالله مو مشكله
راح وخلاني وكان يدق ويسال وقعدت عند اهلي لين الجمعه بالليل زادت الحراره مارضت تنزل ابدا حتى بفيفادول وجاء هو للمستشفى
ومغذي سولي وتحليل يبون يعرفون سبب الحراره وقعدنا بطورى لين 2 بالليل
ورجعت بعدها بيتي لان بنتي عندهم متعوده عليهم ما ترضى تقعد ببيت اهلي بس تبكي
ونمت ببيتي من السبت لين الثلاثاء
وخلال ذي الايام ماكنت اطبخ حرارتي تنزل ساعه بالفيفادول وترجع وقعد معها 3 ساعات معرف اتحرك لين اشرب الدواء بعد اربع ساعات وزجي مقدر ذا الشيئ
وبنتي كم مره انزل بجيبلها خضار من تحت بيت اهله واسويلها ببيتي القي امه قد اهي مسويتلها والغداء زوجي يتغدى برا او يتغدى تحت معهم
انا السبت نزلت وقالتلي تعالي تغدي بس حسيت انه ماتقولي تغدي من قلبها تغديت وانا اللقمه توقف بحلقي
وطلعت واخذت بنتي واكلتها
الاحد نزلت باخذ بنتي قالت لي في شربه روحي خذيللك خذت شوي ورحت بس عشان اهي قالت ولا مااروح بنفسي اخذ
الاثنين ما اكلت شيئ اكل زوجي برا وانا اكلت خبز وجبن ببيت وحتى الثلاثاء
الاربعاء زادت الحكه مره اذا اكلت شيئ طاعتو من قوتها رحت المستشفى قالو تنويم يوم واحد عشان بخار كل ساعتين
ونمت وزجي قعد معاي لين تطمن على وضعي وراح
وكلمت اهلي بالليل وجيت اكلم امي وتهزا فيني انا مستغربه اشفيها كلمتها المغرب ماكانت كذا !
كلمت اختي بعدها قالت دقت ام زوجك وكلمتنا
وقالت
بنتكم مهمله لبنتها ولبيتها وزوجها حتى وصلت معها لنفسها
ماتطبخ ولاتسوي شيئ حتى بنتها تنزلها عندي وتطلع تنام وش اهي سودانيه
كلنا نتعب ونحمل بس مانسوي زيها
ليش ماتطبخ وتاكل زوجها ونفسها سالتها امي يعني ما تاكل قالت اذا ما اكلو عندي وجبت لهم رحمها وجابلها زوجها من المطاعم !
وثلاجتها كل شيئ منتهي فيها ماتقدر الفلوس
وكمان اهي خلاص نهايه الرابع مو واحم ذا دلع تدفي نفسها احسن لها مو كل شوي تروح المستشفى ومغذي وماراح تستفيد شيئ اصلا اهي كل مانزلت تحت قالت افتحو المكيف حر ( انا مره قولتها )
والتامين المستشفى ترى دافعين عليه فلوس واهي لو تعبانه واهي مهتمه في نفسها ابيع ذهبي واروح اداويها
انصحوها واهم شيئ تكون الرساله وصلت لكم
وترى ذا مو كلامي ابوه قالي دقي وقولي لهم والكلام مايوصلها انو انا دقيت

وصدقوها اهلي وهذا طبيعي
تخيلوو كل كلامها ذا على الاربع الايام الي كنت فيها تعبانه ماقلت لاهلي كذا قالت من حملت
وحتى ولو اهي مالها حق اذا انا ما اطبخ زوجي والله ما اتكلم مقدر وضعي تعبانه وحامل وانا والله ما قد جابلي زوجي من المطاعم كل شيئ اطبخه ببيتي بس ذا الاسبوع
لا تقول كلنا نحمل بس نقوم ونطبخ ما نهمل بيتنا وانا بيتي نظيف والله بس ما اطبخ واهي منحرقه من ذا الشيئ مدري ليش

بعد ما قلت لي اختي ذا الكلام ماقدرت انام وانا بالمستشفى ودي اطلع انخنقت
وبعدها بربع ساعه دقت اهي امه مارديت ورجعت كلمتها قلت بنتي عندها بسال عليها واول ما قلت الو نزلت دمعي تكلمني وانا مخنوقه قالت لي ليه مارديتي قلت كنت اكلم امي واهي دقت انتظار
قالت وش فيه صوتك قلت ابدا مافي شيء قالت اكيد قلت اكيد قالت اهم شيء سالت وش سو لك وسالتها عن بنتي وقفلنا
وطول الليل وانا ابكي آه من قهري ليش تدق لاهلي وتقول كذا وماححدت الاسبوع الي كنت فيه حامل قالت من حملت ليه تكذب وتتبلاء علي !

ومرت لليله الاربعاء وجاء الخميس الظهر وجت امي عندي وقعدت معاي وجاء زوجي و طلعت من المستشفى سبعه المساء
ونحنا بسياره قال زوجي وشفيك احسك مو على بعضك قلت مو وقتو الكلام قال الا وقتو
قلتولو امك دقت على امي وقالت لها اني ما اطبخ ببيتي وانها لو ماجابت لنا اكل رحمتني وشريت لي من المطاعم اي مطاعم ذي علمني وانا ابكي
شكيتني عند احد انت قال من قال واهو منصدم
انت فعلا تجيب لي كلهم صدقوها وانت كمان معها مارد عليا قلت امي ماراح تقول انها ما قالت
قال طيب كلميها قلت ما اكلمها اهي ما كلمتني ليش اكلمها والكلام بين امي وامك مابي الموضوع يكبر وانا ابكي وصلنا البنت مسحت دموعي ودخلت عند اهله سلمت عليهم وامه تكلمني عادي ولاكانها قايل شيئ وانا سويت نفسي زيها
وطلعت بيتي ونظفتو وتروشت واستشورت وسويت مكياج ونزلت عندهم
وجو خالتو 2 يتحمدو لي بسلامه
نادني قال اليوم بتنامي ببيت اهلك قلت ليش قال لين تسمني شوي واحس انك حامل حتى ماعنك بطن قالت ما بي قال والله تروحي قالت والله ما اروح قال لاتحلفي بتروحي غصب عنك
وانا بروح الحين استراحه معزوم عشاء رجال عازمنا عمي مع ابوي واخواني وبرجع 12 وخذك قلت الله يخليك مابي اروح قال ليش قلت عندي ملابسك الابيض من بيغسلها قال تعبانه ماتمسكي شيئ اذا ماراح تروحي عشانك عشان الي في بطنك و ماراح اعيد كلامي وراح الاستراحه
قعدت مع اهاه وحسيت خواته مايكلموني مسكت وحده فيهم قلت ليش احس اني غير مرغوب فيها ماقلت لا وليش كذا تحسين قالت كل واحد يراجع حاتو قلت شلون يعني قالت كلو واحد يراجع حياتو قلت اهم شيئ اني مني مسويه لكم شيئ حتى خواتك الباقين مايكلموني قالت ليش حنا خوات وانتي والله ماسويتي شيئ قلت هذا اهم شيئ ورحت عنها وقعدت معهم وانا غاصبه نفسي وعادي واكلم خالته وماهمني في الباقين كلموني كلموني وانا ما كلموني ماراح ينقصني شيئ
ومارجع زوجي الا الساعه اربع الفجر دق قال انزلي يالله قلت له من جدك انا حالف يالله
اخذت اغراضي ونزلت
ونحنا بسياره قلت اهلي مايردو قال بيردو والحين انتي ليه تدلعي بصوتك حتى الدكتور يوم يكلمك ترققي صوتك قلت انا ارقق صوتي قال ايوا وتسوي نفسك بالقوه تعبانه قدامه اقولك تسوين
وانا اقولك تسون مغذي قلت لا اختك قالتلك سوي سويتيه ليه انا مو زوجك وتسمعين كلمتي ليش انا مو رجال
( هذا الموقف كانت اختي معاي اول مره رحت فيها المستشفى قالو سوي مغذي قلت لا المغذي تهدي شوي وترجع الحراره مني مسويته وانا كنت مسويته امس بمستوصف جنبنا قال لاختي اقنعيها واختي قعدت على راسي مو عشانك عشان الي في بطنك وبالاخير سويته )
قلت له وليش تقول هالكلام الحين مو وقته قال كيفي مالك دخل قلت طيب قول الي تقوله وقال انتي ماتعرفي تقولي طيب …الخ
وصلنا بيت اهلي ودقيت عليهم ودخلت
وبعدها مادق و ادق عليه مايرد وارسله مايرد حتى مايطمن علي تعبانه ولا شيئ
قعد 3 ايام دقيت عليه من جوال ماما رد قلت وش فيك ايش في وش سويت لك عشان الدكتور رققت له صوتي على قول ولا برققه قدامك والا عشان المغذي وبكيت انا ادق ماترد وارسل ماترد سويت الي عليا
قال مو وقته الكلام بعد نص ساعه بدق عليك
قلت طيب استناك
وبعدها بساعه ارسل رساله خليني براحتي مو سويتي الي عليك برقد
ونام وخلاني وانا منحرقه منه ومن امه ومن خواته ماسويت لهم شيئ لو سويتلهم وش كانوا بيسون

وبعدها بكم يوم ارسل البيت نمل هذا يدل على ايش !
ومو زوجتي الي تتمادى على اهلي وخصوصا امي !
قال ايش هي امك ماراح تقول عنها شيئ وماراح اكلمها ليش من انتي !
والرجال غيرته وكرامته سبب انه رجال وانتي كل الامور مبسطتها وعادي عندك !
ودلعتك كثير وباستخدم اسلوب ثاني معاك !
هذي حياتي الخاصه محد يدخل لا اهلك ولا اهلي بينا محد له كلمه علي !
منو انتي عشان كل ما قلت شيئ تحلفي علي !
والي يحب مايسوي سواتك ياحلوه !
يامظلومه يامسكنيه !
هذا كلامه برسايل
وفي رساله قال
خليك ببيت اهلك لين تقولي بصير ام وزوجه
وتنزلت وقلت لا مو عشانه عشان عيالي قال مو على كيفك بترجعين متى مابغيت

وردودي على رسايله
طبيعي البيت اخر دور والجو حر وانا لي في بيت اهلي اسبوعين واسبوع تعبانه اكيد بيجيه نمل
وفهمته قلت انا اهلك عمري ماتماديت عليهم وروحو اسالهم واحد واحد وامك اهي امي ما قد رديت عليها رغم الكلام الي تقولي ايه
وقلت له اهي قالتلي اني قرويه وانها قالت لو رجع الزمن مازوجتك فلان وقلتله عن اخته

رد هم اهلي بيزعلون لزعلي وتستاهلي كل شيئ يجيك تلعبي على نفسك يامظلومه يامسكينه << يستهزيئ فيني

يرسل اتحملي ذنب البنت تعيش بعيد عن اهلها محرومه من جو عائلي بين ابوها وامها
وماعاد ارد عليه

رديت ( مع اني عمري متخيل تجيئ لحظه وعليك ادعي يارب تحبلك ظالم وتفهم كم معاك عانيت )
رد وصلت تدعي عليا قلت ماتعرف كيف خليتني والا كيف حالي

ويجيئ الحين ياخذ بنته من عند الباب اخوه الصغير يدخل كل اثنين واربعاء من الظهر الا حده بالليل
ولي اسبوعين ببيت اهلي ولي اربع ايام ماعاد نتراسل ولاشيئ
ومايسال ولا يدق ولايعرف حنا محتاجين شيئ ولاشيئ
حتى اهله وخواته محد يدق وكني سابتهم او مسوي لحد فيهم شيئ او جريمه ؟
اهلي يسالوني ايش في بينكم قلت مافي شيئ قال اوي لا تدقين ولاترسلين انك تبين منه شيئ اي شيئ تبينه انا بجيبلك اياه

ولو قعدت ببيت اهلي اكثر بتكبر السالفه واهو قال محد بيدخل لا اهلي ولا اهلك

والحين انا نفسيتي زفت الله عالم بس استغفر وادعي ربي يكت مافيه خير

هذا ما جرى لين الحين بامانه قولولي انا غلطانه عليه ؟!