و اخيييرا… شرفت نور حياتي ألين

كيفكم كروشاات؟

وحشتووني موووت

(بسم الله ما شاء الله

ربي عوضني عن بشرى و رزقني بألين

اسال الله ان يجعلها من عباده الصالحين

و لكتابه من الحافظين

و لي و لأبوها من البارين

اللهم آمييين)

دا المسج اللي ارسلته يوم الجمعة عالمغرب

حكايتي بدات من يوم الثلاثاء بالليل

فجاة اشتهيت قمر الدين و الا و الا ابغاه و همووت لو ما اكلته

مسكينة خدامة اهلي خرجت في الليل تدورلي في البقالات بس للاسف الظاهر

انه طلع ممسوح من السوق عشان رمضان قرب

المهم يوم الخميس اتفاجا انه ماما جابتلي هو و قعدت اكل فيه بالعافية زي المفاجيع

يوم الجمعة صحيت عشان اصلي الفجر و من بعدها بدا المغص معايا

قلت شكله جاني برد او يمكن قمر الدين سببلي اسهال و انتو بكرامة

و رايحة جاية عالحمام و الالم كل ماله بيقوى

خرجت من غرفتي و رحت الصالة اتمددت و قعدت اتكلم بالمسن مع صحبتي و اقولها قد ايش انا تعبانة من الالم

استاذنتها و رحت الحمام الا و اتفاجا بدم نزل مني

انا هنا مدري ايش صار فيا بس هديت نفسي و قمت اخدتلي شاور دافي

بعدها رحت على الغرفة اجهز اللي باقيلي من الشنطة و اون من الالم

الا زوجي صحي و شافني حالتي حالة و الظاهر انه اتحمس

و قام يقولي يلا قومي اوديكي المستشفى و انا رافضة

اخرتها ما قدرت اتحمل و رضخت للامر الواقع

رحت المستشفى و الالم كل ماله بيشد

دخلوني و عملولي اجراءات الدخول من تخطيط الطلق الى قياس عنق الرحم

قالولي انتي ولادة و ما ينفع تخرجي الرحم ما شاء الله كان مفتوح

قلت يلا ولادة ولادة و قعدت افكر كلها كم ان شاء الله و اولد و طول الوقت احسب كم باقي على ولادتي

طبعا انا طلبت من دكتورتي تسجل بملفي انهم يعطوني ابرة الظهر

بس الممرضة رفضت قالتلي الرحم عندك مفتوح 8 سم ما شاء الله فماله داعي

قلت

المهم جو و فكولي الكيس و بدا الالم الصح وقتها

المهم بعد معاناة صارو يزعقو عليا دفي حرام البيبي تعبان لانه قلبها بدا يضعف

و انا ادعي يارب سهلها و هونها عليا

و دفي و لا تدفي و انا من الخوف مدري ايش بي

ادف و اشفط بنفس الوقت مدري كيف تجي دي

اخرتها افتكر انه اتجمعو عليا قابلتين و دكتورة و صارو يزعقو عليا و صرت اصرخ معاهم من الالم و بنفس الوقت مني عارفة على ايش خخخ

و طلعت لونا الحمدلله بالسلامة بس بعد ما شقتني مزبووط لفتحة الشرج و انتو بكرامة

طبعا صرت انزف و ارجف من البرد و جاني دكتور بيحاول يهدي عليا و اذن في اذن بنتي الله يسعده يارب

و قالي هنزلك غرفة العمليات عشان انتي ما هتساعدينا بخياطتك

و انا مني فاهمة ليش بس قلت يا بنت يمكن لانك طلبتي تجميلي

و نزلوني غرفة العمليات و بدا الموال الثاني

لقيت دكتور التخدير بيصرخ و يقولهم دي بتنزف و هاتو كيس دم و هاتو مدري ايش

و انا شوية معاهم شوية اروح في المود الثاني من ورى تاثير الكمامة

و بعد فترة صحيت و انا دايخة و فهمت من الدكتور انه حصلي جرح من الدرجة الثالثة

و انه بنتي لمن نزلت شقت الدنيا كلها و الحمدلله على كل حال

دي كانت قصتي ببساطة

و كل التعب نسيته بمجرد ما شفت بنتي و ضميتها

اعذروني اذا كان كلامي ملخبط بس دا اللي قدرت اكتبه الان عالسريع

لانه مع التعب و الخياطة الحمدلله بس مو مريحينني ابدا

ادعولي ربي يهون الم الخياطة عليا و تتعافى بسرعة

و انه ربي يهديلي بنتي و يرزقني برها يا قادر يا كريم