مهم لصحة اطفالنا

السلام عليكم ورحمة الله وبركاته

اسعد الله اوقاتكم بالطاعات

اليوم حبيت احكي لكم عن شيء لأول مره انتبه له ..

انا بين فنره والثانيه اروح عيادة الاطفال اطمن على صحة اطفالي خاصه اذا شفت عليهم بعض التغيرات
ومع هالاجازه صاروا ينامون متأخر فاحس فيهم خمول احيانا وكسل
فقررت اني انام انا واياهم بدري ونروح للعياده الصباح اتطمن على صحتهم واشوف وزنهم طبيعي لعمرهم وزي كذا

وسبحان الله الساعه سبعه الصباح وهم مصحصحين ونشيطين قلت حلو المشكله اجل من السهر بس مو مشكله نروح للعياده وخاصه انو البعض شككني ان بنتي عندها فقر دم

رحت للدكتوره لما قلت لها شافت اللسان والعيون وقالت لا مو ظاهر لي انو عندهم فقر دم وصحتهم ماشاء الله حلوه ..
وقالت لي الطفل اذا كان عنده خمول وكسل مستمر ولا يلعب ولا ياكل هو اللي عنده فقر دم
بعدها سألتها عن حليب نيدو لأن اخوي سأل اخصائي اطفال عن حليب نيدو للأطفال وقال له مو حلو وفعلا بنات اخوي كانو دبدوبات ولما تركوا حليبهم واستخدموا نيدو نحفوا مره
المهم لما سألتها قالت : انتي ايش تشربي اطفالك ؟؟ قلت لها حليب بودره اي نوع والحليب الطازج اللي ينباع مثل اللبن ..
قالت لا هذا الحليب ما يوفر احتياجات الطفل كلها لازم تعطيهم حليب اطفال قلت لها طيب حليب نيدو للاطفال قالت لا ما انصحك فيه روحي للصيدلي واطلبيه حليب مكمل غذائي من عمر سنه الى عشر سنين
واعطتني اسم حليب قالت اذا حابه تاخذي هالحليب او اي نوع ثاني

وحبيت افيدكم مثل ما استفدت انا فعلا لاحضت اطفالنا اول ما يتركوا حليب الاطفال ويشربوا الحليب العادي ينحفوا فقلت يمكن هذا السبب..

واسم الحليب اللي اعطتني اياه الدكتوره اكسيدا وهذي صورته من النت

وشريته بنتي تقبلته عادي
لكن الولد بعد اقناع بانو صحي ومفيد ويخليه قوي شربه وان شاء الله يتعود عليه ويتقبله

وبس حبيت افيدكم وان شاء الله يكون حلو ومفيد