عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخواتي العزيزات والله انا كل ماادخل هالمنتدى ادعي لكم
ادعوا لي عمري وصل الثلاثين وانا ماتزوجت وماقد تخيلت اني بوصل لهالعمر بدون زواج نفسيتي تعبانه واحس بضيقه مستمره ماتروح لعلمكم امي وابوي متوفين وانا وحيده مع اخواني كل خواتي تزوجوا وراحوا
بتقولون ادعي استغفري تصدقي كلهااسويها ولله الحمد ولازلت احس بضيقه ولاتقولون عني متشائمه بالعكس انا املي بربي كبير والله وحده يعلم كل ماسمعت ببنت تزوجت اتحسر على عمري اللي راح مو حسد وربي اني راعية خير ولاامدح نفسي ولاراح اتكلم عن اللي اسويه لانه خالصه لوجه الله بس كل صديقاتي تزوجوا الا انا واخر وحده كانت يائسه مره ونا اللي كنت اصبرها حتى من يأسها كانت تفكر في كبار السن قبل فتره تملكت على واحد منصب ووسيم وصغير يعني انا متفائله اكثر منها بس سبحان الله
وكل شخص يفكر فيني يروح ولاعاد يرجع .الناس يمدحوني من بعيد ويقولون الف واحد يتمناها لكن محد يتقدم
قبل شهر في واحد من جماعتنا فكر يخطبني وكنت انتظر يجي وامس جاني خبر انه خطب وحده ثانيه
ضايقه فيني الدنيا ومدري شسوي صرت ادخل مواقع الزواج لكن خايفه
تكفون ادعوا لي ان ربي يصبرني وينسيني الهم
