تعالوا نتناقش في النمص

يا جماعه فيه حديث -قال رسول الله (ص) : “ان الحلال بين وان الحرام بين وبينهما امور مشتبهات لا يعلمهن كثير من الناس فمن اتقي الشبهات فقد استبرأ لدينه وعرضه ومن وقع في الشبهات وقع في الحرام كالراعي يرعي حول الحمي يوشك ان يرتع فيه ” صدق رسول الله (ص)
الحديث له تكمله لكن احنا عيزين الجزء ده بس

فيا جماعه اتقوا الشبهات تخيلي يا اختي ان بضع شعرات تاخديها من حاجبك يجعلوكي تخرجي من رحمه الله عارفه يعني ايه – يعني تتحاسبي بعملك لو رجحت حسناتك تدخلي الجنه ولو ما رجحت تدخلي النار -والعياذ بالله – وفيه حديث يقول فيه رسول الله (ص) : ” اعملوا و سددوا وقاربوا واعلموا ان احدا منكم لن يدخله عمله الجنه. قالوا : ولا انت يا رسول الله ؟ قال: ولا انا الا ان يتغمدني الله برحمه منه وفضل” صدق رسول الله (ص)

طيب فيه حد يضمن انه يدخل الجنه بدون رحمه ربنا ؟ اذا كان الرسول نفسه (ص) المعصوم قال انه لايضمن ذلك فهل تقولي انت باخدك من شعر حاجبك انا ضامنه بعملي ادخل الجنه ؟ !

وكمان ابشركم بحديث معناه ان ( من ترك معصيه لله عوضه الله خيرا منها )
انا عارفه ان صعب علي الواحده انها بعد ما اتعودت علي عمل حواجبها انها تسيبها كده اكيد هتتكسف من شكل حواجبها لكن الحديث ده اكبر معين محتاجين بس شويه جهاد للنفس وللشيطان ولوسوسته وان شاء الله هتلاقي ابواب الخير تتفتح لك بعد ترك هذه المعصيه

وفي النهايه اذكركم بقول الله – قال تعالي :”وما كان لمؤمن ولا مؤمنه اذا قضي الله ورسوله امرا ان يكون لهم الخيره من امرهم ومن يعص الله ورسوله فقد ضل ضلالا مبينا ”