اللي طولت وما حملت..تدخل تقول شعورها..وكم المده؟؟؟خلونا نواسي بعض.

السلام عليكم ورحمة الله وبركاته..

اولا: انا متزوجه صارلي سنه وسبع شهور وماحملت:( حللت هرمونات طلع حليب زايد ..وراح..وقالولي المبايض صغيره..وللحين اعالج اخذ كلوميد..
والحمد لله مرتاح مع رجلي ودايم يصبرني ويقولي تو الناس..ويقولي:حتى لو ما جبنا عيال ما همني اهم شي انتي عندي.
انا مصدقه كلامه لكن …….. انا مستعجله ودي احمل..كل اللي تزوجو بعدي حملوا:(
ومن كملت الشهر الخامس من زواجي.. وانا كله اقعد بروحي وما احب الطلعات ولا الناس عشان ما يسالوني :انتي حامل؟؟؟؟؟؟؟؟؟
اذا احد سالني هالسؤال احس عيني تدمع وخلاص راح ابجي قدام الناس..ودايم اذا نام زوجي بالليل اقعد افكر وابجي..ليش انا اللي يصيرلي جذي؟؟ انا شنو سويت؟؟

انا حبيت ان كل وحده تطلع اللي بقلبها وتشاركنا احزانها..واللي تحمل تقول عشان ندعيلها ونفرح لها 💡

الله يصبرنا انشالله