ابي ارجع حبيبي مثل ما كان قبل,بليز ساعدوني

مساء الخير للكل الموجودات
حبيت اطرح مشكلتي و يا ليت لو كل وحدة فيكن تشاركني برايها
انا مخطوبة لانسان حبني و حبيته بس اهو متغرب و ننتظر ليما يخلص دراسته برع عشان نتزوج””يعني بيبي لنا سنتين او اكثر كذية””
مشكلتي معه اني ما عدت احسه مثل قبل
قبل كان كلش رومانسي و كل يوم يكلمني و يطرش لي
الحين كلش ما يكلمني الا بعد اسبوع او اكثر حتى لو طرشت له او اتصلت فيه ما يرد علي الا اليوم الثاني و اذا سالته ليش ما رديت يجول لي كنت مع الربع
ما اقصد انه يجص علي بس قصدي انه ما عدت اهمه مثل قبل
احاول اقرب منه فصرت اطرش له اغاني و كارت على ايميله فصار ما يفتحهم
يجول لي شفت ايميلج و وصلتني اغنية منج بس بسمعها بعدين لما بفضى
ما ادري شا اجول بس بعض الاحيان احس انه ما عاد يحبني مثل قبل
انا متاكدة اني اقدر عليه بعدين لما بتزوجه باعرف اشلون اخليه ايي صوبي بس الحين ما اعرف اشلون اخليه قريب مني
لانه بغربه و ما ايي وايد هنية و ما تصير لنا فرصة انه نجعد ويا بعض او نطلع ويا بعض بروحنا”عشان الاهل و العادات و التقاليد”
ما احب ابين لاحد اني اشتكي منه عشان كذية ما اخبر احد عن سوالفه بس تراني اجعد كل يوم ابكي عشان حركاته لانه حتى لما يكلمني بعض الاحيان يكلمني ببرود
ادري انه معه مشكلة في كيفية التعبير عن المشاعر لانه جدي شوي و الكل يعرف بكذية بالاخص اهله بس اللي معورني اني احس انه دوم يكعمني بها البرود
فبليز ساعدني بخبراتكن
اشلون اخليه يرجع لي مثل قبل
لاني اشتجت لحبيبي الاولي”ايام زمان”