عاوزة تصيفي…….روحي بلطــــــــــيم

اهلا بيكم معانا فى موضوع بلطيم……

بصراحه انا ملفتش كتير و طول عمرى مصيفتش الا فى المصيف الشعبى الاول فى مصر و هو مدينه الاسكندريه الجميله…..بس المرادى غيرت و رحت بلطيم و كنت سمعت عنها انها مش قد كده بصراحه……بس لما رحت لقيت حاجه تانى خالص

ودى خريطه توضح مكان بلطيم فى محافظات مصر على البحر الابيض المتوسط

البحر هناك مفتوح و مجانى فى كل المناطق و الفيلات قريبه جدا من البحر

و دى صوره من البحر تبين قد ايه الفيلات قريبه جدا

و دى ميزه جامده جدا انك ممكن تنزلي البحر فى اى وقت….و لو نسيتي اى حاجه وانتي على الشط ممكن فى ثانيه واحده تجيبها من الفيله…لانها قريبه جدا من الشط

و الحاجه الجامده برضوا هناك كانت انهم مهتمين جدا بالمنظر الخارجى للفيلات
مصروف عليها جامد……و كلها جنب بعض منظرهم جميل جدا

دى صوره مثال على شكل الفيلات الى هناك

وباليل الحاله بتبقى هاديه الى حد ما……البلد مش كبيره و بتبقى الشوارع فاضيه لهواه العجل و فى ناس كتير بتاجر عجل غير انهم مهتمين فى المنظر الخرجى فى الاضاءه برضوا و المنظر فى الشوارع بيبقى جميل

و بيبقى فى اماكن فيها كل حاجه من اكل و شرب و قهاوى..حته ملمومه كده

أنا حاولت اصغر الصور معرفتش يا جماعة