اتمنى تفسير حلمي الغريب

الحاله الدينيه : عاديه

الحاله الاجتماعيه: عزباء

المهنه : موظفه

حالتك قبل النوم : لم اكن منزعجه ولم افكر بشي يرتبط بالحلم

حلمي :

حلمت اني تزوجت من شخص لم أعرفه (( وعلى فكره هو متزوج من قبل بس ماعنده عيال )) وفي أول ليله لي معاه قالي كلمه وحده وحطيها في بالك انا لاارغب فيج ولا أهلي بعد يرغبون فيج بس متزوج منج بالغصب (( ولم أعرف من الذي اغصبه ))
المهم انا سكت وماقلت له شي ولما رحت معاه لبيت أهله التقيت ببنتي وكانت تبلغ من العمر حول 4 سنوات ((وعلى فكره انا ماكنت متزوجه من قبل لانه لي نهايه الحلم كنت عذراء ، البنت مادري من وين طلعت )) لميتها على صدري وقامت البنت تصيح وانا اقولها شفيج تصيحين انا امج وجاء زوجي وقال لها هاذي امج لاتصيحين فضحكت البنت ولمتني عقبها ..
المهم كنت واقفه برا البيت يعني في الحوش وكانوا هناك 5 بنات كبار يعني اعمارهم من 18 الى 25 سنه تقريبا
ومعاهم عيال قاعدين يلعبون بالالعاب عاد انا مسكت بنتي وقلت لها من هذول انا ماعرفهم فأشرت لي على 3 منهم وقالت هذول عماتي والثنتين الباقيين خالاتي انا استغربت لاني ماعرفهم لفيت على زوجي وقالي هذول خوات زوجتي الاوليه من جذي بنتج تناديهم بخالاتي هني سكت .. المهم طول فتره زواجي زوجي ماكان يدخل غرفتي كأني ضيفه جالسه عندهم بالبيت لمده شهرين المهم جا يوم وكنت قاعده بالصاله ويا زوجي واخته واخت مرته الاوليه رن تلفون زوجي ورد عليه وعقب اخذ التلفون وعطاه اخت زوجته انا ماعرفت من كان ع التلفون وماهمني اني اعرف ، شوي ورن تلفوني كانت اختي المتصله وقعدت اسولف وياها وفجاءه جاني خط ولما شفت الرقم طلع رقم زوجة زوجي الاوليه ولما رديت عليها قالت لي كنتي تكلمين زوجي قلت لها لا اكلم اختي قالت بلى انتي عندج انتضار وهو بعد عنده انتضار قلت لها ايه هو يتكلم مع اختج بالتلفون بس مادري يكلمون من ؟؟ فقالت لي انتي كذابه !! قلت لها لحظه زين وحطيته ع السبيكر وقلت حق زوجي قول حق مرتك انا كنت اكلمك الحين ولا لا؟؟ فالتفتوا الثلاثه على بعض (( زوجي واخته واخت مرته )) وعقب دقيقه كلهم وبنفس الوقت قالوا ايه كنتي تكلمينه !! انصدمت منهم وقلت لها لاتصدقينهم تراهم يكذبون قالت لي لا انتي الكذابه ووووو الخ طبعا ماخلت كلمه ماسبتني فيها .. وبعد هالحادثه كنت رايحه المطبخ وشفت خوات زوجي هناك عاد انا ماعطيتهم اهميه ورحت اشوف لي شي اكله المهم خوات زوجي قالوا لي كلام وضايقني وفجاءه دخل اخو زوجي ((ع فكره اخو زوجي في الحلم كان أحد المسؤولي اللي معاي بالشغل )) المهم شاف وجهي وعرف اني متضايقه فقال حق خواته يطلعون من المطبخ وطلعوا جا لعندي وعطاني اوراق كأن بيني وبينه شغل وقلت له خلاص ان شاء الله قريب اردهم عليك وعقب قالي ماعليج من خواتي هم مايحبونج مادري ليش بس انتي استحمليهم المصيبه من اخوي اللي ماعرف قدرج مو منهم انتي فيج الخير والبركه (( على فكره نفس هالكلام قاله لي اخوهم الثالث من قبل ، واخوهم الثالث انا بعد اعرفه يعني مر علي شكله من قبل بس مادري في وين ، مااذكره بصراحه )) المهم قلت له لا عادي اصلا انا تعودت على مضايقاتهم وبعدها طلقني زوجي ورحت حق اختي في بيتنا وقلت لها تدرين انا للحين عذراء !!

وبس