عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هااي يافراشات … كيفكم ان شاءالله بخيرررررر
سؤال يحيرنا كل يوم وش نطبخ على الغداء!!
عشان كذا حبيت افتح هذا الموضوع وكل وحده تكتب قائمه بسيطه لغداها اليومي
وبكذا نستفيد من بعض للتغييرر
وش رايكم؟؟
وانا ببدى
انا يوميا اسوى شوربة ونوع سلطه ورز وصينيه خضار
الشوربه اليوم كانت بيضاء والطريقه :
_تقطعين صدور دجاج وتحمسينها مع بصل مفروم وكمون لحد مايذبل البصل وبعدين تضيفين لها مويه مغليه
_ بعد ربع ساعه اضيف مكعبات بطاطا وفاصوليا خضراء وخمس ملاعق كويكر
_اتركها تغلي ساعه تقريبا وقبل التقديم اضيف ملعقتين حليب بودره مذوبه في ماء وملح وفلفل اسود
وتقدم
وسلطتنا اليوم سلطه خضار بالبطاطا
_تقطعين خيار مكعبات وبقدونس وخس وشوى نعناع
_تضيفين لها ذره وفاصوليا حمراء ومكعبات حبتين بطاطس مسلوقة
_الصوص( نص علبه زبادي +ملعقتين مايونيز+عصير ليمونه+ملح وفلفل اسود وسماق ونعناع ناشف+زيت زيتون)
_تخلط جميع المقادير وتقدم
والرز اليوم كان رز ابيض بالدجاج _
_دجاجه مقطوعه نصفين نتبلها ب(علبه زبادي+فصين ثوم+قطعه زنجبيل طازج+عصير ليمونه+ملح وبهارات)تخلط بالخلاط الكاس وتصب على الدجاج وتترك ساعه ثم تدخل الفرن نولع عليه من تحت لحد ماينضح ياخذ تقريبا ساعه
_ نسلق الرز المنقوع والمصفى في ماء مضاف له ملح وزيت وعودين ارسين وحبتين هيل واذا استوى نصفيه من الماء ونرجعه للقدر ونضيف له قطعه زبده ونغطيه بالكشنه ويترك على نار هادئه حتى يتبخر
ويقدم بعد وضع الدجاج فووقه
سويت اليوم صينيه باذنجان بالطحينه
_تقلين شرايح باذنجان وتصف في صينيه فرن يرش عليها لحمه مفرومه مكشنه مع البصل وملح وبهارات
_تخلط طحينه مع ليمون وزبادي وتصب عليها ويرش بقدونس وصنوبر مقلي للتزيين
هذا غدانا اليووم واتمنى يعجبكم الموضووع
انتظرر تفاعلكم ومشاركاتكم
