الله يوفقك كل بنت بتساعدني انا بحاجتكن كتير

مرحبا يابنات بصراحة ما بعرف من وين ابدا او شو بدي اقول مشكلتى الى سنة بدي
احطها بالمنتدى وكنت مترددة المهم انا الى سنة وتلت شهور مخطوبة طبعا الشاب مش
بالبلد برة البلد وانكتب كتابي جديد في رمضان بس مابعرف اذا كل الشباب زي خطيبي
او لا مشكلته انه شكاك وحساس بنفس الوقت يعنى احيانا بشك فيا وبحكيلي اذا عمرك
حبيتى قبلي احكي من هلا والا اذا عرفت لقدام انك حبيتى قبل هيك اعرفي حالك طالق
حتى لو معك ولاد منى وهددني اكتر من مرة بهالموضوع وتاني شي مشكلته انه
حساس كتير من ابسط الامور بزعل يعنى بنحكي مع بعض مرة وباقي الشهر متخانقين
اذا مارديت عليه بمسج بزعل اذا رن جوالى وماسمعته ومارديت برضو بزعل من اقل
شي بزعل وبستمر بزعله لايام طويلة كيف راح اقدر اعيش معه وهوا هيك تالت شي
والى بدايقنى لما بحكي معي ما بيحكي الا بالامور الجنسية وهالشي انا ما بحبه الواحد
لما ينوع بكون افضل بس خطيبي ما بحكي الا بهالامور ولما ما ارد عليه او احكيله
مايحكي فيها كتير بزعل احكولى شو اعمل وبعد كتب الكتاب صليت صلاة الاستخارة
ومازبطت معي بالايام الماضية بس في رمضان يمكن عشان التزمت بالاستغفار وقراية
القرءان زبطت المهم في ليلة القدر ظليت اصلي طول الليل واقرا قرءان وشربت كمان
مية زمزم وقعدت استغفر لمدة نص ساعة واستنيت عبال ما اذن الصبح صليت وبعدها
استخرت ربي صحيت مخنوقة وببكي وبعدها بليلتين برضو شربت مية زمزم وقريت
قرءان وصليت الصبح وفتحت التلفزيون وحطيت على قناة كان فيها مشاري العفاسي
بقرا سورة البقرة قعدت اسمع الو عبال مانمت المهم حلمت انه سيدو اتصل فيا وطلب
يحكي معي ضروري وحكالى انا صليت صلاة الاستخارة زي ماطلبتى منى وصحيت
مخنوق كتير شكله الشاب مش منيح مع العلم سيدي متدين كتير فوق ماتتخيله وهوا
بحكي معه حبيت اغير المضوع حكالى بعصبية ماتغيري الموضوع ديري بالك على
حالك منه وبعدها بكم يوم حلمت اني بدي اتاجر بدلة فرح من محل مشهور ومعروف
ولما دخلت المحل لقيته خرابة ما بعرف شو اعمل ليش دايما بحلم احلام مش منيحة
وغير هيك خطيبي عشان كل يوم بزعل صرت افكر بالانفصال دلوني يا بنات شو اعمل
وشو هالاحلام الى بحلم فيها كل ما ادخل قسم تفسير الاحلام بلاقيه مغلق زهقت وانا
بستنى احكولى شو اساوي وشو استنتجته من احلامي اذا حد بقدر يفسر يفسر حلمي انا
بحاجة ماسة الكن ومع هيك والله مش مرتاحة وقلبي مقبوض وطول الليل بظل
صاحية انا ما الى غيركن الجأ الو