عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا
كان عندنا فرح قبل فترره وحجزنا سلمى العولقي على مدح البنات لها بالنت تحمسناااا
طبعاً كان المفروض انها تجي من بدري عالظهر وماوصلت إلا الساعه 4 ونص
ومابدت إلا الساعه 6 المشكله اننا اهل الزواج ومارحوا أول دفعه إلا الساعه 8 ونص
وآخر دفعه الساعه 2 .. يعني ماشفنا شي غير الزفه واحنا اهل الزواج
المكياج كان أوفرررررررررر والأساس بورده فلبينيه يعني اللي مدحوها وقالوا انها تستخدم افضل الماركات وتجيبها مخصوص من فرنسا هذا كلام فاااااااااضي وكذب
غير انها تجلس عالوحده ساعه كامله على مكياج العيووون ولافي شي مميززززز
وبالنسبه لتعامل اللي مدحوها بعد اثنوا على تعاملها وهي اول شي شايفه نفسها وماتتكلم إلا من راس خشمها لدرجه ان وحده سألتها مجرد سؤال وقامت عليهااااااا .. انا افهم بشغلي وتعالي شوفي وكلام كثير والمفروض ان اي سؤال يكون جوابه على قد السؤال بسسس
واصلاً ثنتين منا ماسووا مكياج علشان الزحمه والوقت والشغل الأوفر
هذا بالنسبه لسلمى ..
اما مهاااااااااا فحدث ولا حرج
كل وحده فينا مختاره تسريحه ومعاها الصوره وتوريها طلبها وكلنا من اولنا لآخرنا طلبنا شي وشفنا شي ثاااااااااااااااااااااااني مختلف جداً واقل مستوى من الصوره
غير اني وحده فينا طلبت تسريحه قالت بالبدايه هذي رغوه ولف وبالنهايه لما شفت الوضع جداً مزري والشعر صاير كشه قالت هذي بالفير بس لأن مافي وقت سويته لك رغوه طيب هما السبب جايين متأخرين ولا يطلعون بالشكل المطلوب لا وياخذون فلووس على نصب !!!!!!!!!
وتجربه ماتنعاااد ان شاء الله
وبالنهايه احب اقولكم
ان الأخت سراب الموج اللي مدحت بسلمى العولقي واللي من خلال موضوعها وحلفها وثقت بكلامها
طلعوا معارف سألناهم عن بنات الغامدي وان وحده فيهم كتبت موضوع قاموا تبسموووووووووووووا
وقالوا اهااااااا هذي اريج نعرررفهااااااااااا
ومن اليوم ورااااااااااااايح .. ماراح اصدق شي بالنت لأن الأغلب دعااااااااايات متجررررده من الصدق والذمه !!
وماراح اكلم كوفيرا إلا وانا شايفه شغلها بعيني وواثقه فيها ..
وبسسسسسسسسسس هذي تجربتي بكل صدق وأماااااانه
ولكم حرية الأختيار اللي يبغى يتعامل معها يتعامل واللي مايبغى برااحته
فمـان لله
