عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مدري من وين ابتدي وايش اقول بس يقيني بالله كبير وانشاءالله بيفرج همي يارب وهم جميع بنات المسلمين يارب
ابدء قصتي
بنات انا ولله الحمد جسمي حلو ماشاءالله تبارك الله وطولي وجذابة والحمدالله وكل مااروح مكان يقولولي جسمك جسمك جسمك يابخت إللي بيأخذك والله العظيم يابنات كل مااروح مكان حتى ولد من عيلتنا مره شافني بالصدفة في بيتهم قام يقول لأهلة من هذي اللي لبسة (……………..) قالوله هذي (…….) ليش قال جسمها حلو وطولها وبشرتها المهم وفي وحده كل ماتشوفني تقولي انتي مرت اخوي اتخيلو هذا وانا عمري 16 سنة تقولي الكلام هذا والله لين الحين وعمري24سنة بس ماصار شي والله ذابحني بموت اتخيلوا يجوني خطاب كثير وخلاص انه بتصير الشوفة الشرعية يأخذون موعد مننا ويرحون ولا يرجعون يمكن اللي جو بس خلال 3 شهور 10 وماصار نصيب واقول مو نصيبي اهلي يستغربوا بس انا اقول مو نصيبي لا تزعلون ربي راح يعوضني باللي احسن وبعد فترة جاني واحد فيه كل المواصفات اللي اي بنت تتمناها واهله جو عندنا وانبسطوا وام الولد قالت خلاص هذي مرت ولدي مررررررررررره كانت مصره علي وقالت خلاص الولد ممكن يدخل الحين ويشوفها الشوفه الشرعية اهلي قالولهم اوكي الله يحيه خلي يدخل المهم انه دخل الولد ودخلت انا واخويا وابويا وام الولد وشافي وشفته وقال لأمه قدامنا انا هذي اللي اتمناها ماابغى غيرها المهم قامت الأم تقول اي طلبات تبغوها نحنا حاضرين وقاله اخويا عندك سؤال اسألها اتخيلوا انه خلاص يعني كل شي اوكي المهم راحوا وقالوا لأهلي اسألو علينا ونستنى جواب منكم سألوني وانا صليت صلاة استخارة وارتحت والولد نفس الشي بعد يومين جات امي بتتصل عليهم عشان تقولهم نحنا موفقين طبعا بعد ماسألنا على الولد اتخيلي ام الولد ارسلت مسج تقولها مافي نصيب والله يعوضها ويعوضه من غير سبب مرررررررررره قهر عاد امي مسكينة مو قادره تقولي الموضوع وتدور في البيت مو عارفة كيف تقولي طبعا انا سمعت اخويا يقولها عادي انه مونصيبها وقتها مدري ايش جاني ضيقة خنقة العبره قتلتني بس قلت الحمدالله يمكن مو نصيبي والحمدالله على كل حال رحت عند امي قلتلها انو مو نصيبي لا تزعلي ولا شي ربي ماكتب انصدمت لما قلتلها كذا قالت انا كنت شايله همك مدري ايش اقولك بس الحمدالله وبدأت تهديني المهم الصاعقة اللي بعدها انا انفجرت جاني واحد انا كنت اتمنى مواصفاته ونفس الشي يابنات خطب وراح فص ملح وذاب المهم قلت لأمي انا بروح اقراء على نفسي عند شيخ انا نفسيتي تعبت خلاص وصرت وحدانيه ماابغى احد ولا اكلم احد تعبت تعبت مررررررررررره وجاني والله شيخ الحمدالله قراء علي وهو يقراء والله احس بخنقة فضيعة مرره وبكيت ورجفة وهو يقراء المهم قالي انتي فيكي (عين _حسد) على شي مميز فيكي ايش هو اللي دايما تسمعيه من الناس او اهل بيتك وقلته قالي ابغاكي تقرائي سورة البقرة كل يوم واغتسلي بالسدر قبل الشروق وقبل الغروب واشربي ماء زمزم مقري لمدة 7 ايام
وداومت عليها وكل مااغتسل بالسدر تجيني ضيقة وابكي اموت من البكى واحلم احلام واقوله هي اتخيلوا بنات احلم بقع في جسمي سوداء والله العظيم ويتكرر الحلم اكثر من مرررره واحلم وحده في الحلم لما اغتسل بالسدر تصرخ المهم قلت لشيخ قالي لازم تأخذي اثر منها طبعا اخذت واختسلت مرة وحده واحلم البنت هذي دايما وصرت اخذ اثر من الكل والحين اخر حلم لي احلم ان احد (……………..) قالي الشيخ لازم رقية
والله تعبت نفسيتي مررررررررررررررررررررره تعبت تعبت تعبت والحمدالله صرت ملأزمة الأستغفار وقيام الليل وسورة البقرة على طول والأذكار الصباح والمساء وانشاءالله الفرج قريب انشاءالله
نصيحة من اختكم حصنو انفسكم العين حق
