ساعدوني يابنات أختي راح تضيع وتضيعنا معاها

السلام عليكم ورحمة الله وبركاته
أرجوكم شورو علي وساعدوني أنا في مصيبة عرفت إن أختي تكلم شاب (والله يابنات ماني قادرة أكتب الكلمة ماني مصدقة) للأسف خانت الثقة
وأنا ماني عارفة اش أعمل معاها أول مرة تمر علي حاجة زي كذا والمفروض إني أحلها بدون ماتدري أمي
لأن أمي مريضة ومهي ناقصة لوتدري بحاجة زي كذا تروح فيها
وخايفة لوكلمتها ونصحتها ماراح تسمع كلامي أو إنها تضحك علي وتقولي طيب وترجع تكلمه
لأن سبب اللي هي فيه صاحباتها باين عليهم مش مضبوطين من كلامها عنهم ولانقدر نبعدها عنهم
لأنهم معاها في الكلية والصاحب ساحب
وأنا المشكله متزوجة وبيت ثاني ماأدري عنها اللي كشفتها أختي الي أصغر منها والله إن حالتها تقطع القلب من الصدمة اللي انصدمتها في أختها
وتصدقون من جرائتها مسجلة رقمه في جوال أمي بإسم بنت عشان تكلمه على حساب أمي حتى ماتصرف عليه
وخايفة لوعلمت أخوي الكبير عليها تتعقد المشكلة أكثر
والله ماني عارفة كيف أبعدها عنه ماأدري والله ماأدري والمصيبة جو البيت مايساعد كل توتر ومشاكل بسبب أبوهم
شوفو لي حل كيف اتصرف الله يستر عليكم لاتخلوني
أنا آسفة يابنات كلامي مو مرتب بس والله من الصدمة اللي أنا فيها ماني عارفة اش أكتب
ولو تعرفو رقم أخصائية اجتماعية ممكن تساعدني ياليت تدلوني عليها