عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته …
أخباركم بنات مع الأختبارات إن شاء الله طيبين …;)
بنات أبغاكم تساعدوني أنا أعرف بنت وعلاقتي معها سطحية يعني لما اصير معها ببعض
المحاضرات تسلم علي وتسولف معي يعني البنت حبوبه ،،، بس من اسبوعين هي بدت تتقرب مني أكثر من قبل
وصارت دايمًا تكلمني عالجوال وتسألني عن الاختبارات والمذاكرة ومثل كذا ، يعني ما أحس أنها
جالسه تستغلني وحتى بالجامعة دايمًا تمشي معي ،،، فسؤالي كيف أعرف أنها تبغى تكّون علاقة
صداقة صادقة وحقيقيه معي ؟؟؟ يعني كيف أعرف هالشيء بدون ما أسألها ؟؟؟ لأن في نقطة
مشككتني هي قالت لي أنها متزاعلة مع صديقتها وحسيت من كلامها أنه مستحيل ترجع علاقتهم
مثل قبل فأنا أقول يمكن هذي ردة فعل لأن ماعندها أحد فهي مو حابه تجلس لحالها وبمجرد
ماتتصلح العلاقة راح تنساني يعني هي تستخدمني لسد الفراغ 😡 ،،، وآخرتهامن يومين قالت لي
أنها تحاتي السنة الجاية مين راح تجلس معه لأنو تخصصي غير عنها وماراح نتلاقى بالمحاضرات
وكانت تبغاني اغير التخصص عشان أصير معها فأنا سألتها بالحرف الواحد << يعني إنتي تبيني أصير معك ؟؟؟ هي قالت إيييييه … >> 😆
فا بنات عطوني رأيكم ؟؟؟ كيف أجس نبضها بدون ما تحس ؟؟؟ وهل أمشي معها وإلا أتركها ؟؟؟
اللي لاحظته أن البنت طيوبه وحبوبه وأخلاقها عالية وطبعًا الإنسان مو كامل الكمال لله تعالى وحده …
يمكن بتقولون إني سخيفة وتافهة على هالسؤال !!! بس أنا إنصدمت كذا مرررررره من عدة بنات
كنت أفتكرهم يعتبروني صديقة لهم طلعت مجرد زميلة يستغلونها في الواجبات وووو … آآآه ➡ لاتذكروني بالسالفة …;)
عشان كذا صرت ما أثق بأي بنت تلمح لي بأنها تبغى تكون صديقتي أحسها تبغى تستغلني وبمجرد
ماتحصل على اللي تبي تشطب علي ولا كأنها تعرفني 😥 … فأنا ما أبغى أعيد الكرّه يكفي
الصدمات اللي حصلت لي من قبل …. وأعذروني على الإطالة بس حبيت
تكون الأمور واضحة للجميع 😉 … وأتمنى أنكم تعطوني رأيكم وبكل صراحة من واقع تجاربكم
وعلاقتكم بصديقاتكم … 😡
بإنتظار تجاوبكم معي … 😉
