عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هلا بنوتات كيفكن ؟؟؟؟؟؟؟؟؟؟؟؟؟؟
قبل ما احط القصيده الي عندها القصيده بصوت الشاعر ياريت تديني هيا لانها مقطوعه عندي مو كامله
وذحين اتفضلو قصيده ( قنلة احساس ) وهيا فعلا قنبله من الشاعر الكبير احمد الصانع
قول عادي .. بالي الليله طويل ..
شُوف لِك عذرٍ قديمٍ / وأقبِلَهـ !!
لا تحاتي …
قلبي مِتعَوِّد يشيل :
( الجُروح ) اللي تجي له مُقبِلَهـ
” طيبتي ” صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ
و ” عزِّتي ” تقدر تِسَمِّيها : النخيل
لأني شامِخ .. والعواصف قاتِلَهـ
وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَهـ !!
ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!
في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ
مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ
وعيب راسي لا بغى شي ” مستحيل “
يوصله مو طيب .. غصبٍ يوصلَهـ
ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَهـ !!
وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!
و( البلا ) .. إن حَبْ رجالٍ ” ثقيل “
ينسى مِن حُوله ويسْمَع ( مُذهلَه ) !!
مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ
ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!
فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!
إيه بـ أرحل والطريق أدري .. طويل ..
مشكلهـ ” قربك ” .. وبُعدِك مشكلَهـ ..
وإن خذاني المُوت إترك قال وقيل ..
قول هـ الجُمله .. وخطاك محلِّلَه :
[ ربِّي إلهَم أهلهـ الصَبر الجَميلوإرحمـه يا رب وإحسِن مدخلَه ]
ولا تنسو يارائعات
الي عندها القصيده بصوت الشاعر ؟؟؟؟؟؟؟؟؟؟؟؟؟؟؟
لا تبخل عليا بها
😳 ارق التحايا 😥
:
