مات الحلم وماتت فررررحتي

السلااام عليكم اخواتي
بصراحه انا اوول مره اكتب او بالأصح افضفض واتمنى انكم تتعاطفون معي
انا راح اكتب ومتأكده انو مصيبتي هذي مالها حل بس مدري شي كذا بصدري كاتمته بطلعه لكم
مشكلتي محرررجه جدا اخجل اتكلم فيهااا عشان كذا مقدر اشكي لاحد فيها
بصراحه مشكلتي محد حاس فيها ولا احد يدري عنها او اللي يدرون مايعرفون حجمها
مشكلتي صحيه وتفرعت صارت نفسيه
آآآآآه والله مايعلم عن حالي الا الله
انا وحده عمري 22 من دخلت الجامعه وحالتي باديه تتدهور يعني بعد فتررره من دخولي الجامعه صحتي بدت تتدهور
واللي هي جاني التهاب بالجيوب الانفيه انا ماكشفت ولا اعرف بس اللي حسيته انو معي بلغم الله يعزكم انا
طنشت قلت فتره ويعدي واشووف الحاله عندي تتطوور
وقلت بعدين اعالج نفسي والنفسيه عندي بدت تتدهور
رحت المستشفى كم مره يعطوني خرابيط حبوب وبخاخات مافادتني بشي ابد
الموهم الوضع عندي يزداد سوووء وهذي المصيبه اللي اعاني منها انو اصبح فمي في ريحه رغم اهتماااامي
وعنااايتي الشديده بس السبب
كان من البلغم
والله ماتدرون كيف اثر علي تركت الدراسه حولت انتساب يوم جت آخر سنه صرت ماعاد اطلع من البيت
وربي اعيش في عزله
عن المجتمع غصب عني كرررهت الدنيا وكرهت الجمعات وكرهت الناس اشتاق لاقاربي بس
صرت احس بصعوووبه فالطلعه
مابي اشوف احد ومابي احد يحس فيني
انا مادري هذا اللي فيني بسبب عين لاني مو مدحه لنفسي والله انا جميله الحمدلله وكلن
يتكلم على جمالي يعني تجيني كلمات لما
كنت بالجامعه اذا تكلمو البنات عن الزواج وكذا يقولون لي اسكتي انت مب عايقه معك
لاتشيلين هم بتتزوجين بالراحه
ومره وحده تقوول يابخت من بياخذك بينبسط عليك
ويشوفون بنات يسئلون عني بيخطبوني والشي الثاني اني شاطره يعني ماعمري حملت مواد انجح الحمدلله بمعدل حلوو وينبهرون مني
وانا مالي الا اخت وحده متزوجه بس مب فااااااااااهمه مشكلتي وامي اذا قلت لها تقوول انت تتوهمين مافيك شي
آآآآآه يابنات تعبت من حالتي تعبت من هالقررف بمووت وياليت اموت وارتاح وربي اني انخطبت كم مره وارفضهم عشان هالشيء
حتى اخواني يحسوني اخرربط وانا محد يدري عني حتى صديقتي المقرربه ماعلمتها تستغرب من بعض تصرفاتي بس اصرفها وانا بقلبي نااااار
وصديقاتي استغربو مني لما ارفض اللي يتقدمون خصوصا انهم ماينرفضوون بس صرفتهم اقول لامابي اتزوج الحين مسئوليه وكذا
وانا مو قدها وربي يعلم وش في قلبي وربي ارفضهم وانا اتحسرررررر
ومشكلتي الصحيه الحين بلغم الله يعزكم فضييييع في كل وقت 84 ساااعه ينزل من انفي لحلقي واحتقان والريحه اللي تنبعث مني
وربي اني اجلس بالمغسله حوول الربع ساعه عشان اتخلص منه حتى هالأيام النفس عندي كله سواء من انفي او فمي
في ريحه الحاله تتدهووور عندي آآه
رحت مره شيعت قال عندك تضخم بالقرنيات قلت ابي عمليه قال اوك اسويها بس ماتحتاجين قلت
عشانك ماتحس باللي فيني آآآآه
وانا ماسويتها خفت ماتنجح لانه مستشفى اهلي واخاف يبي يتربح مني
مع اني مستعده ادفع اي مبلغ بس ابي العااافيه الله يرد لي صحتي ياربي
يابنات تكفون ادعولي والله كل شي جررربته مانفع علاجات شعبيه وحبووب وقطرات وخرابيط حتى الرقيه جلست فتره ارقي نفسي
كل يوم سورة البقره واشرب مويه
مقري فيها وزيت زيتون واخذت اثر من بعض البنات
ورحت وحجمت بس للأسف مااااااااااااااااااااااشفت نتيجه وهالأيام حالتي زااااايده آآآآه ياربي والله ادعي بالموت عشان ارتاح
انا مادري هذا عين او ابتلااااااء او عقووبه مدري وشو حتى استحي في اخواني مابي اقولهم وش يضايقني بالتفصيل لان مشكلتي حرررجه مره
يابنات انا افكر اروح للحبيب اكشف عندهم ويسوون لي عملية اللي بالمنظار فياااليت اللي تعرف احد قد سواها
تبشررني رغم اني الحمدلله مافيني صداع والانسداد خفيييف جدا او ماحس فيه والأعراض اللي عندي زي ماذكرت لكم فووق
بس شايله هم اذا رحت بيكون معي اخوي واستحي اقول للدكتور الآعراض مابي اخوي يدري عني مره آآه الله يصبرني بس
وخايفه يقول الدكتور مايحتاج عمليه عاد هنا بنجن انا وربي خااايفه يصدمني لان الآماااال كلها ماتت مابقى عندي غير هالأمل واخاف اسووي العمليه وماشوف فايده
عاد هنا الله يستر على عقلي
والله هالمشكله قتلت احلامي وطمووحي احس حياتي وووقفت ماعاد صرت اتمنى شي بس ابي اموت وارتاح لو تزوجت بيطلقني اصلا انا مارح اتزوج ولو
جلست وعنست مصيبه لان عندي مشكله عاااااائليه او مصيبه بالأصح متعلقه فيني بعد وربي يضيق صدري ماتهنيت بعمري على طوول افكر والا اصيح
والا وحيده بغرفتي حابسه نفسي الله يكون بعوني والله يجعله تكفير
انا آآسفه طولت عليكم بس ياليت تحسون وتتعاطفون معي