عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
اليوم سويت لكم فطيرة التفاح بالقرفة خطيرة واكترنا يحبها
اول شئ بوريكم ياها بعد ماطلعت من الفرن
والان نبدأ بالمقادير:
الحشوة:
3تفاحات مبشورة ومقشرة+ثلاث ارباع كوب سكر+2ملعقة قرفة
=
نحطهم في قدر غير لاصق ونخلطهم بالملعقة ونسيب التفاح يطلع مويته لاتحطي مويه ابد
لين ينشف الخليط ويتماسك
العجينة:
كوب وثلاث ارباع دقيق+نص كاس سكر+1ونص ملعقة بيكنج باودر+ملعقة فانيليا
=
نخلطهم شوي
في الخلاط:
2بيضة+ربع كاس ماء او حليب+نص كاس سمن فارم او الشوكة والملعقة
=
بعد مانخلطهم بالخلاط نصبهم بالتدريج على المقادير الجافة ونعجن باليد وتكون عجينة لينة
ناخد ثلثين العجين ونفردها بصن بايركس فرن ونعلي اطرافها
ثم نحط عليها خليط التفاح الفاتر
وثلث العجين الباقي شكليه شرايط او سوي مثلي حطيته بآلة البتفور وشكلته وعملته على شكل شبكة
ودخلتها الفرن لين تحمرت من تحت وحمرتها من فوق
وخليها تبرد شوي
➡ :Dملاحظة:اول ماتبدئي سوي الحشوة
وبعدين اعجني العجين ثم ولعي الفرن وخليه يسخن ثم ابدئي افردي العجين وشكليها لازم يكون الفرن حار
وهنا طلعت من الفرن
وهذه اول قطعة للغالي
وهذه لكل وحدة ترد
والف صحة
ماشاء الله تبارك الله
