كلووووووووووش تكملة رواية بنات اون لاين

/

بعد غياب وإنقطآع طويل ، تستمر معانآة أبطآل قصتنآ ..!

/

بعد ملكة حلآ بـ أسبوُع ..

الأحد / 9 صباحاً ..

وآقف قدآم السرير ويرتب شنطة ملآبسه يتأكد من وجود كل أغراضه ..
تنهد وقفلهآ لـ آخر مره ..
رتب شعره قدآم المرايا بـ طريقه سريعه وخرج من غرفته وهو سآحب شنطة السفر ..!
قآبلته بـ عيون مغرقه : خلآص نويت ؟!
إبتسم لهآ بـ حنيه : يآبعدي بفقدك والله ..
حلآ ضمته بـ قوه : بتوحششششني ..
نوآف بعدهآ عنه بـ خفه : عن الدلع كلها ايام و وليد ينسيك وجودي ..
حلآ صنقرت : يبطي ماحد ينسيني اياك ..
نوآف : ههههـ وين امي بسلم عليها قبل لا امشي ..
حلآ متضآيقه ومخنوقه : مآدري عنهآ ..
نوآف طالعهآ بـ هدوء : انتبهي لنفسك لا أوصيك ( كمل بـ غصه ) وموضوع تركي خليه علي ..
حلا تنهدت بعد ماصار فيه أحد يشاركهآ همهآ ويصدقهآ بـ وجود تركي ..
نواف حس فيهآ : لا تشغلين بآلك ، بيرجع ..
حلآ طالعته بـ شك : يرجع ..؟!
نواف ابتسم : احلفلك رآجع وقريييب إن شاء الله ..
حلآ حست براحه جزئيه : الله يسمع منك ..
نوآف نزل لـ الدور السفلي وحلآ ورآه توصيه على نفسه وترطن على راسه لـ حد ماصدعته ..
نواف وقف قدآم باب الفله العآلي : هههـ خلاص فهمت حشى ماصارت ..
حلا مآسكه دموعهآ : شايله همك وربي ..
نواف : ماعليك بس لا قآمت امي سلميلي عليها بحآكيكم اول ما أوصل ..
حلا : توصل بالسلامه ياقلبي ..
نواف تنهد : الله يسلمك ..
ودعهآ وطلع من البيت مع السوآق عشآن يوصله لـ المطآر ..
طلع جوآله من جيبه وتردد يدق عليهآ أو لآء ..!
هي للحين مآتدري إنه بيسافر ، مآحب يقولهآ ويكدر خآطرها او يشوفها متضآيقه ..
سند راسه لـ ورى محتآر بـ معنى الكلمه ، مو عآرف متى بيكلم أبوه ويصآرحه بحقيقة حبه
لـ إنسانه من خآرج عآئلتهم ..
ولآ كيف بيعترض على قدره ونصيبه من هالدستور إلي الكل مجبور إنه يمشي عليه ..
بس هو غيييير هو حبهآ من قلبه ومستعد يبيع الدنيآ عشان يوصل لهآ ويكون معآها ولو هالشي إتطلب منه إنه يوقف بـ وجه أهله وأعمامه كلهـــم ..!!
رجع الجوآل لـ جيبه وهو نآوي يكلمهآ أول مآيوُصل بريطآنيـــاا ..

//

جالسه على سريرهآ بـ بال مشغول ..
تفكر في كل الي صآرلها وإلي لسه منتظرهآآ ..
تنهدت بـ ألم وهي تفتكر رآبح ومعآنآته وكل الاذى إلي سببته له ..
بس مآكان عندهآ خييآر ، هوا إلي أعلن الحرب وحآول فضحهآ رغم برآئتهآ ..
رمت رآسها بين كفوفهآ وهي تحآول تميز بين الصح والغلط وهل إلي سوته لرآبح يستحقه أو إنهآ ظلمته وبتعيش حآمله ذنبه برقبتهآ ..

قطع عليهآ تفكيرهآ البآب يندفع بـ قوه وبدون مقدمآت ..
تأففت وهي تشوفه دآخل : سعود كم مره اقلك طق الباب قبل تدخل ..
سعود : انتي اصلا ماعندك ادن كل يوم ادق الباب وماترررررردي عليا ..
جود : بكيفي ما ابيك تدخل ..
سعود طالع فيهآ لـ لحظات وبعدهآ تكلم : انا اسف ..
جود حزنت عليه : لا تتأسف انا متضايقه شويه ومابي اكلم احد ..
قرب عندهآ بـ تردد وجلس جنبها ع السرير : مين زعلك ؟
جود اغتصبت الابتسامه : مآحد بس ضآيق خلقي ..
سعود : طيب ليش مانروح السوق انا وانتيييي ..؟
جود تنهدت : مالي خلق ..
سعود سحبها من ايدهآ بـ ترجي : الله يخليكي ابغه اروووووح الفيلصيه ..
جود : هههههههههـ انطقها صح أول بعدين أوديك ..
سعود عقد حوآجبه : الفيلصيه ؟
جود بـ ضحكه : لاء ..
سعود يحآول يفتكر اسمهآ : الفصليه ..؟
جود : إممم برضو لاء ..
سعود بـ فرحه : الفاااصليه ..
جود : واثق بوجهك لاء غلط ..
سعود تأفف : خلاص مابغه اروحهاا ..
جود ضمته بـ قوه : وه فديييتك طمطومي تجنن ، اسمها الفيصليه ..
سعود ضرب راسه بـ خفه : كنت حأقولهاا ..
جود : هههههـ لا صدقتك ، خلاص بعد الظهر ان شاء الله نطلع ..
سعود بآسها بـ قوه : شكراً ..
جود انحرجت : عفواً حبيبي ..

إنفتح عليهم البآب بـ قوه مفزعه وجآهم صوت الخدآمه تصرخ : إلحق ماما جواهر ..
جود فز قلبهآ من سمعت إسم أمهآ ، نطت من السرير ونزلت تجري بسررررعه …!!
إرتجفت اطرافها وهي تشوفهآ سآكنه بلآ حركه ع الكنبه ..
قربت نآحيتها بسرعه وصآرت تضرب خدودهآ بـ خوف : يمه يمه قوومي يممه وش فيك قومي يمه ..!
سعود دمعت عيونه : اشبها ماااما ..
جود مرتبكه تهز في أمهآ بـ قوه : قومي تكفيييين يمه ردي علي ..
الخآدمه ” إيني ” بـ قلق : انا اييكلم سواق يروه مستشفى بسوورعه ..
جود هزت راسها بـ هستيريه : بسرعه بسررررررعه ..

//

صآحيه من بدري وجآلسه قدآم التلفزيون ..
تطآلع فيه وبآلها بعيييد بـ المره ..
كلها يومين وبيرجعوإ لـ جده ، وهي بتشوف حيآتها ودرآستها بعيد عن أهلها ونآسسهآآ ..!
تنهدت وهيا ترجع رآسها لـ ورى ..
إيش الي لآزم تصلحه قبل مآترجع ..؟
أو بالأصح ايش سوت شي مفيد بحيآتها ؟!
كل همهآ كآن الإنتقآم ..
طول حيآتها عايشه بغرور وتبآهي ولا عمرهآ إتوآضعت وسوت شي يرفع من قيمتهآ قدآم العآلم ..
إندق جوآلها ورفعته بـ ملل : الو ..
طلعلهآ الصوت إلي تحبه ويريحهآ كثير : اهلييين كيفك حييااتي ..
فرح إبتسمت : هلا لمو بخير ياقلبي كيفك انتي ؟
لمى : تمام واحشششتني مووت ..
فرح تنهدت : حتى انتي ، كيف اجازتك ايش مسويه ..؟
لمى : على حطة ايدك مره نفسي اشوفك متى راجعه ؟!
فرح : التلوت ان شاء الله ..
لمى بـ عدم تصديق : اخييرااا ربي يوصلك بالسلامه ..
فرح ميلت فمهآ بـ ابتسامه بسيطه : وبعدها بـ أسبوع سفرتي لـ مصر ..
لمى تلاشى حمآسها وحست بـ إحباط : بدي السرعه ؟
فرح : خليها على الله احس اني خلاص لازم اعمل شي يستاهل في حياتي مليت يالموو ..
لمى بـ حزن على حآلها : الله يهديكي ياما قولتلك بس راسك نآشف ..
فرح عقدت حوآجبها أول ما إفتكرت شي : ومهآ تدري ايش صار عليهآ ؟
لمى ابتسمت : ايوا سمعت انها رجعت لـ البيت ..
فرح : اهااا ، و .. وسآمي ..!
لمى : إممم بصراحه ماعرف ماعندي أي فكره ..
فرح عورها قلبها : أوكي حبيبتي اكلمك بعدين .. باي ..
قفلت بدون لا تسمع ردهآ ..
طلعت لـ غرفتهآ ورمت نفسهآ ع السرير ..

//

غطت وجههآ بـ اللحآف عن نور الشمس إلي مآريحهآ في النوم ..
بدأت تنزعج أكثر وهي تسمع صوت أختهآ وآقفه عند رآسها وترطن ..!
عدلت جلستها بـ عصبيه : حرام عليك ابي انام وش ذاا ..؟
ندى متخصره وتطالع فيهآ : صارلك يومين نآيمه قومي لحقي على دوآمك ..
نوف كأنها دوبهآ تفتكر قالت بـ تفاجؤ : كم الساعه ؟!
ندى : إممـ 9 ونص ..
نوف شهقت : وشوووووو ؟!
نطت من السرير بسرعه ودخلت لـ الحمآم بدون لا تسمع رد أختهآآ ..
أخذتلها شآور سريع وطلعت لـ غرفتهآ ..
إنتبهت بـ نجود لسه نآيمه وحآضنه مخدتهآ ..
تنهدت بـ أسى من الي سببته لـ أختها والظلام إلي عيشتها فيه ..
طردت هالأفكار من رآسها ، لبست ملآبسها وصلت الفجر بـ خشوع ..
طلعت لـ الصاله بـ هدوء وهي تتثآوب ، شآفت أمها ونوره قدآم التلفزيون ..
نوف بـ ابتسامه : صباح الخير ..
الكل : صباح النور ..
نوف جلست جنب نوره : فطرتوا ؟
أم نوره : ايه يمه شوفي الأكل بـ المطبخ لا تروحين على لحم بطنك ..
نوف تأففت : مايمديني ( إلتفتت لـ نوره ) وش سويتي بخصوص العمره ؟!
نوره ابتسمت : حآكيت رآشد وقال بيضبط أموره ويرد علي ..
ام نوره هزت راسها بـ أسف : وآعيباه بس ثقلنا ع الرجال وانتي مابعد سكنتي عنده ..
نوف بـ بساطه : عادي وش عليه اسمه زوجهآ ومسؤول عنهآ ..
ندى بـ لقافه : إنتي قلتيها مسؤول عنهآ يعني تزوجهآ هي ما خطبنآ معهآآ ..
نوف : انطمي زين ..
ام نوره : هاو وشفيكم من صباح الله ، يلا حبيبتي قومي على شغلك الله يوفقك ..
نوف وقفت وهي تتمغط : اوكي ايه صح اليوم بتغدى عند فرح ..
ام نوره ابتسمت : ايه يايمه روحيلها ياحبي لها هالبنيه عسى الله يستر عليها دنيا واخره ..
ندى حركت فمهآ بـ امتغاض : الله احنا ماسمعنا منك هالدعاوي عشان تدعينها للاغراب ..
نوف : هههـ فديتها فرح كانها واحد مننا ( طالعت ساعتها ) المهم انا اتاخرت مع السلامه ..
خرجت مسرعه من البيت ، اخذتلها تآكسي وانطلقت لـ المستشفى ..!