ذكريات مسروقة

هذه اول تجربه وانا مو قادره حتى اعبر عن اي شي اعذروني راح اعلق بعد ما اشوف ردودكم

بسم الله الرحمن الرحيم

الفصل الاول
ريم _هند وش سويتي في مشكلة هاله (ريم بنت مخلصه الجامعة وعمرها 23 سنه وزواجها العطله الجايه بولد عمها عادل ؟)
هند_هاله هاذي بتجنني كل يوم تحب واحد هذا خامس واحد تحبه(هند حلالة المشاكل بنت ضحوكه ونكديه في نفس الوقت وما ينفع معها الاقناع نهائيا الي تبيه تسويه والي تبي تقوله تقوله هند في ثالث كليه انجليزي هي اصلا ما تحب الدراسه بس فيها ذكاء ينخاف منه ونسبتها دائما 4 وما فوق)
ريم ضحكت ما يضحكها في الدنيا اكثر من هند _بس هذا غير هذا اخونا
هند _اصلا انت لو فكرت في ذا الموضوع اشوي كان لقيتي ان هاله في الاخير راح تأخذ محمد شائت ام ابت
ريم قامت من على السرير وراحت لاختها هند الي جالسه على الكنبه _ليه راح تاخذ محمد عايلتنا عمرها ما غصبت حد فيناِِ
هند_هذا شي انت ما لك علاقه فيه المهم اسمعي انا احصي الحين عايلتنا ايش رايك احسب عمي محمد ولا لا
ريم _انت هبل لا تحسبين عمي محمد بعدين وش الي طراه في بالك الحين
هندمدت بوزها تفكر _حلمت به امس يبوس ابوي
ريم _انت حلمت بعمي (هند ما شاء الله احلامها ما تنزل القاع )
يقولون البوس في الحلم يعني المحبه ويمكن يعني التصالح
هند _تكفين يا مفسرة الاحلام تعرفين خلاص ما راح احصي ذي العايله خايفه بكره وحده تولد اعوذ بالله منقلبين ارانب
ريم _انشوف بكره لما تأخذين القرد وليد كم واحد راح تجيبين انا اصلا ماني عارفه ايش انتي شايفه فيه والله العظيم قبيح
هند _راضيه كيفي مابي واحد حلو وبعدين الرجال بأفعاله مو بزينه
ريم _وش في وليد زود عن الرجاجيل لا والله حتى مو رجال ها لش عليه ما يرجع البيت الا الفجر والوظيفه جندي (ريم كالعاده تحاول تغير راي اختها العنيده العايله كلها مستغربه ليه هند راضيه بوليد حتى خواته مستغربات )
هند تحاول تغير الموضوع _انا رايحه لمحمد عشان احل مشكله هاله ..وطلعت من الغرفه وتركت ريم وحيده
ريم ناظرت زول اختها وقالت في نفسها _ لازم القى حل لهند

هند دخلت لغرفةاخوانها محمد وخالد وياسر (بيت اهل هند صغير عشان كذا العيال كلهم في غرفه وهند كانت تنام مع ريم بس من يوم انخطبت ريم نقلت هند اغراضها لغرفه صغيره كانت مخزن لان الاخت ريم ماهي تاركه في الغرفه ركن نظيف وهند ما تستحمل حد يخرب ممتلكاتها )
هند دخلت لغرفة اخوانها من غير ما تدق الباب متعوده كذا
محمد ناظر من الي فتح الباب ولقاها
محمد_اطلعي وقفلي الباب وراك ابي انام
هند عاندت ودخلت وقفلت الباب وراها محمد استغرب ظنها اسمعت كلامه وطلعت فتح عينه لقاها قدامه
محمد _انت ماتفهمين ابي انام بعدين ياسر مو موجود هنا (ياسر اخو هند الصغيرواقرب واحد لها )
هند بدت التمثيل قالت بحزن _محمد ابي اتكلم معك ابي اشكيلك الي صاير لي ورفعت عينها لفوق يعني انها تحاول تخفي دموعها
محمد خاف على اخته وجلس على السرير حقه وقال _تعالي قولي لي وش صار(محمد يشتغل مساعد طبيب وهو الاول في ترتيب العايله بعد ريم طيوب بس يعصب بسرعه )
هند راحت لمحمد وجلست جنبه وقالت _ يامحمد ابي اصير مثل هاله ابي الناس تحبني مثل ما يحبونها(هاذي اول خطوه تكبر هاله في عين محمد )
محمد استغرب ايش الي دخل موضوع هاله في السالفه _بس انت الناس يحبونك اكثر من هاله
هيوف ابتسمت ابتسامه المتضايق _محمد البنات في الجامعه يحبون هاله ويشوفونها ملاك وهي تستاهل انا مو حاسدتها وكل يوم ايجون لها خطابه في الكليه بس هي تقولي لا تقولين لاحد(الخطوه الثانيه اتحسسه ان هاله مرغوبه وانها ممكن تطير في اي لحظه )
محمد بدا يفكر في هاله معقوله الخطابه منفكين عليها _بس انت احلى من هاله
هند_هاله في الكليه شي ثاني الناس بيخبلون على عينها وانا زي قلتي ولا شعرها البنات يضربون به المثل
محمد بدا يفكر انه لازم يشوف عين هاله وشعرها لانه عمره ما اهتم يناظر هاله _هند انت لو تطولين شعرك اشوي
هند قامت زي المجنونه كل شي الا شعرها ما تحب حد يتكلم عليه (شعر هند لحد رقبتها اسود وناعم وطويل من جهه وقصير من الجهه الثانيه ومعطيها مع تصرفاتها شكل ولادي بأمتياز )
هند _انا الغلطانه اني جيت اشتكيلك ..وطلعت وقفلت الباب وراها وخلت محمد مع حبه الجديد **انتهت المهمه**
وهي طالعه من غرفة محمد راحت تدور على ياسر عشان تلعب معه كوره لقته في الحوش يلعب
هند _ياسر يله خلنا نلعب شوط احس اني كليت كثير على الغدا(هند كانت نحيفه ومع انها كل يوم في الشمس الا انها بيضاء وخدودها حمرا وعيونها كبيره ناعسه سودا وطولها معقدها مع انها في عالم النساء تعتبر طويله لكن اخوها ياسر اطول منها وهذا الي مجننها انفها صغير ومرتفع وفمها لونه وردي غامق خلقه جمالها طفولي بس هي ماهي مخليه للناس فرصه يعتقدون انها بنت )
ياسر_ بدري عاد الساعه 3 لما تجي 3 ونصف لعبنا بروح ادرس لي كم حرف واجيك(ياسر في اول ثانوي مع انه الصغير لكنه اطول من في البيت ويحب يقهر هند بطوله )
هند دخلت للبيت وراحت للصاله عشان ادق على هاله تقولها الي صار
هاله_الو أيه وش تبين فيني مقوميني من النوم عشانك
هند_ايه انت لا عاد تصارخين بوجهي اسمعي العمليه انجحت محمد طاح في الكمين على فكره هذا اخر واحد فهمتي
هاله _يعني خلاص محمد يحبني ياي حمودي يحبني تسلمين يا اعز صديقه في العالم (هاله صديقه هندوبنت عمها هند وهاله ما يشبهون بعض بتصرفاتهم ابد هند مجنونه وهاله بنوته )
هند _اخوي صار حمودي عشنا وشفنا المهم اسمعي لما تجين ضبطي شعرك وحطي في عينك كحل لاني مدحت عينك وشعرك فهمتي يله باي

أهنداطلعت تتمرن قبل المباراه وجا ياسر وبدت المباراه هند لعيبت كوره من الطراز الاول المهم ياسر طيح هند وانحسب لها فاول وهي ترمي الكوره رمتها فوق البيت
ياسر _لا حول ولا قوه ما ني بطالع انت الي اطلعي
هند _عيب انا بنت مفروض ما اطلع فوق السطح
ياسر _اضحكي على غيري قالت بنت قالت
هندراحت تجيب السلم وطلعت ادور الكوره شافت الشارع مابه احد
ياسر _دوري الكوره بروح اجيب مويه لي ولك وانتبهي لا تنجرحين مو ناقص عقاب
هند لقت الكوره ولا حظت سياره دور في الشارع استخبت لكن هي حست ان في حد من السياره شافها انزلت من السطح وهي نازله دق باب الحوش راحت تفتح وهي ماسكه الكوره قالت من ورا الباب _نعم
رد عليها صوت رجال كبير _هذا بيت هادي الصالي
هند _ايوه من اقوله
الرجال _رجال يبيه ضروري
هندراحت تركض لبوها ولقته بالمجلس يبه رجال يبيك
ابو محمد _منو
هند _انا وش دراني المهم رحله شوف وش يبى ابي العب كوره
ابو محمد ضحك وراح هند ادخلت للمطبخ تنتظر ان الرجال يروح لكن شافت امها داخله وهي تبتسم وفي عيونها دموع كثيره تنزل زي الشلال
أهند _ايش فيه يمه عسى ما شر
ام محمد حضنت بنتها _هذا عمك محمد ابوك وعمك تراضوا
هند فرحت وقعدت تنطط ودخلت اختها ريم وقعدت تنطط معها
ريم _هند بسم الله عليك احلامك خطيره تكفين احلميلي
هند _بسم الله علي.. ودي اروح اشوفه
ام محمد _روحوا البسوا تروا معاه ولده
ريم _ولده كبير
ام محمد _بسم الله عليه ايوه كبير
ريم اصفقت يدينها ببعض_حسافه انا واختي مخطوبات
هند راحت تلبس ملابسها البست جاكيت رياضي كحلي فيه علم البرازيل من ورا وتنوره جينز ولبست شيلتها وراحت لريم الي لابسه لبس يأخذ العقل وردي وجينز
هند _يله ابي اروح اسلم على عمي
ريم_ يله ..ونزلوا ودخلتهم امهم
ام محمد _يله يا بنات ادخلوا سلموا على عمكم
ادخلت ريم بدلعها وهند الي حاطه يدينها في جيوبها
قام عمهم وسلموا عليه
عبد العزيز_ما شاء الله انا رحت من السعوديه وانت يا ابو محمد ماقد تزوجت(اكيد تبون تعرفون سالفة عم هند …السالفه تعود الى 30 سنه نشب خلاف بين عبد العزيز وابوه الي هو جد أيه الخلاف يعود الي ان عبد العزيز ما كان يبي يطلع دكتور كان يبي يطلع مهندس وعبد العزيز كان الوحيد الي من ام ثانيه وامه كانت ثريه وجد هند كان مطلق ام عبد العزيز المهم عبد العزيز قال لابوه يا دخلني هندسه يا اروح اعيش عند امي ابوه قال له اطلع من البيت ورح عش عند امك ولا عاد اشوف رقعة وجهك مره ثانيه عبد العزيز سافر لامه الي كانت عايشه مع عايلتها في امريكا وبعد ما صار مهندس مشهور وغني حاول يراضي ابوه لكن ابوه رافض وقال لعياله انهم ينسون ان عندهم اخ اسمه تركي رغم ان الموضوع الي تخاصموا عليه تافه الا ان الاب كان عارف ان ولده يبي يروح لامه ويعيش عندها لانه مو راضي بعيشة ابيه )
ريم تشاور أيه _وين ولد عمنا
ام محمد كانت تسمعهم وقالتلهم بصوت واطي تعالوا ابيكم في المطبخ راحوا معها
ام محمد _يا بنات ابوكم جبر عمكم انه يعيش عندنا عشان العادات
هند _لا والله وين راح يجلس
ام محمد _الصراحه عمك وعايلته راح يجون هنا
هند _ايش وكم هم بلا صغرا
ام محمد _بنتين وولدين وعمك وزوجته ..ابوك الله يهداه غصب عمك مع ان عمك كان يبي يجلس في فندق
ريم _ليه يجلس في فندق احسن خليه يجي هنا
هند _انت اسكتي وين راح ينامون
ابو محمد دخل عليهم وقال _هند وريم روحوا جهزوا الغرف لعمكم وهله
هند _اي غرف ما به غرف
ابو محمد _غرفة العيال لعمك وزوجته وغرفتك لولده الكبير وانتي نامي مع ريم وخلوا البنات ينامون معكم
هند_مستحيل احد يأخذ غرفتي ليه ما ينام مع اخواني
ابو محمد _عيب الولد ضيف مو متعود على نومة القاع واخوانك راح ينامون في المجلس استحملي بلا اسبوع واوعدك اروح اشتري لك الجهاز الي تبينه
هند_طيب …

راحت ترتب هي ويا ريم الغرف وما سمعوا الا صوت امهم تناديهم نزلوا ولقوا امهم تأشر لهم تعالوا المطبخ
ام محمد _زوجة عمك وبناتها في الغرفه شكل زوجة عمك شرقاويه
ريم _بروح لهم ابي اشوفهم يله يا هند تعالي معي
ام محمد _ سلموا واخذوا البنات لفوق وخلوهم يرتاحون
هند _صدق انكم مسخره الناس جايين من الفندق يعني قد ارتاحوا
ريم _يله ابي اشوفهم …..ادخلوا مجلس الحريم ولقوا ثلاث بنات الي يشوفهم يقول من عمر واحد لكن فيه وحده منهم حاطه شيله فوق راسها من غير ما تلفها البنات عرفوا انها زوجة عمهم راحوا يسلمون عليها اول وحده صح شكلها منقرفه بس ذوق اما البنات صدق يستحقون لقب بنات جمال ورقه
ام محمد _هاذولا بناتي الكبيره ريم والصغيره هند ..
ام سيف_ما شاء الله عليهم الله يحفظهم لك
ريم طلعت تجيب الكيك وهند جالسه ما شافت الا البنات قاموا وجاو عندها
اسيل _اهلين انت هند صح (اسيل بنت في اول جامعه )
هند تستهبل _يقولون ان اسمي هند مع اني بعض الاحيان اشك
اسيل ضحكت بصوت واطي _حلوه هاذي
لورا _انتوا بس ثنتين (لورا في ثالث متوسط )
هند_ايوه اسمعوا ايش رايكم نطلع فوق تروكم راح تنامون معنا ما في دلع الغرفه صغيره (البنات يضحكون على اي شي تقوله هند )
هند طلعت مع البنات فوق ورتهم الغرفه كانوا فرحانات بالغرفه (هند قعدت تفكر ان عمها شكله فقير عشان كذا البنات فرحانات )ايه سمعت صوت ريم يناديها من تحت قالت للبنات _اجلسوا هنا انا راح اساعد ريم وارجع
البنات _اوكيه
هند انزلت لريم لقت ريم متهمه ويوم شافت ايه مسكتها وقالت _الحقي ولد عمنا عليه جمال مو صاحي انا اول مره يدق قلبي كذا
هند ضحكت وقالت _انت ايه تراك مخطوبه عيب
ريم _ومؤدب يا ويلي ليتني مانخطبت
هند_ريم انت من جدك تتركين عادل عشان ذا
ريم _لا بلا امزح بس والله انه ملك جمال
هند_ اسكتي تراك غثتيني ..اطلعي معي بنات عمي اطلعوا فله
……..انتهى اليوم وهند ما شافت ولد عمها الكبير الي اسمه سيف بس شافت الصغيرطلال كان بعمر ياسر وتعرفت عليه وصارت هي وياسر وطلال شله
طلال _تعرف هاذي اول مره اشوف السعوديه بس احس اني كنت عايش فيها طول حياتي ……………………………
عرفت ترابك وريحة هواك
ودقات قلبي زادت من رهبة لقاك
وشفتك يا بلادي وقلت الا جعلني فداك
يحقلي افخر بك واتغزل بغلاك
………………………………………….. ………. …….
ياسر _هاذي السعوديه ما تلعب
طلال _على فكره حبيت اختك هند
ياسر_انت ايه ترا عيب تقول احب اختك
طلال ضحك _هند اكبر مني وبعدين ما اقصد الحب الفاضي اقصد الحب الاخوي
ياسر _واذا كان المهم انسى بس على فكره متأكد انك عمرك ما جيت السعوديه ؤقعدوا يضحكون ………………………………………….. ………. ..
البنات طلعوا ينامون ما عدا هند الي جلست تناظر فيلم مصاصين الدماءوهي تناظر الفيلم الي عايدته مليون مره حست بصوت في الدرج حد نازل راحت ورا باب الصاله على بالها اخوها خالد تحب تخوفه ويوم دخل بغت تنقض عليه لكن تراجعت لانها عرفت من طوله انه مو اخوها خالد او في الحقيقه ولا واحد من اخوانها ارجعت تستخبي ورا الباب علشان لا يشوفها وهو الحمد لله جلس في المكان المقابل للباب يعني ما يشوف الي ورا الباب هند قعدت تدعي في سرها انه ما يشوفها وجلست تسمعه شكله كان يكلم بالجوال
سيف _اوكيه نتلاقى بكره بس فين انا ما اعرف ولا مكان في الرياض
المتصل _………………………………….
سيف_خلاص يعني برج الفيصليه بس اسمع الساعه 4 وانت هناك لان ما عندي وقت
المتصل _…………………………………………. ..
سيف ضحك_ يله يله اشوفك بكره مع السلامه
هند كانت ورا الباب وسمعت كل الكلام وسمعت ضحكته صدق عنده ضحكه جنان هند قالت في نفسها ابي اشوفه
سيف كان ساكت بعد ما خلص المكالمه وقام وطفى التلفزيون والاضاءه ورجع يجلس في الصاله
هند عرفت انه طفى التلفزيون والاضاءه تنفست وقالت في نفسها اكيد راح وطلعت من ورا الباب وناظرت الممر ما لقت احد وقالت اهند_الحمد لله ما شافني جعله الوجع خوفني وطلعت فوق
سيف الي كان يشوف الموقف هذا قدام عينه شافها وهي طالعه من ورا الباب وهي تتلفت وبعد وهي تدعي عليه سيف بغى يقولها انه موجود بس سكت عرف انها من بنات عمه وما بغى يسويلها احراج ورجع سيف لافكاره ونساها…………………….. …
هند طلعت للدور الثاني وهي طالعه سمعت احد يناديها لقته طلال
طلال _هند اطلبك طلب
هند_شوف لا تسويلي فيها ضيف وتتأمر(كانت تمزح معه)
طلال صدق كلامها _اسف خلاص انسي
هند ابتسمت _انت تراك لازم لك كورس في التفريق بين المزح والجد تراني امزح ايش تبي يله قول
طلال ضحك_ بس بغيت منك ترفعين مكيف الغرفه ما اعرف لهذا النوع اول مره اشوفه
هند_طيب… ودخلت الغرفه وراحت للمكيف ورفعته ..طلال بغيت اسئلك انتوا فين عايشين في امريكا
طلال _الحين احنا مو في امريكا صرنا في بريطانيا ابوي يتنقل من مكان لمكان
هند _طيب انتوا تعيشون في بيوت ايجار ولا كيف
طلال ضحك _لا اكيد لنا بيوتنا الخاصه بيتنا وبيت سيف
هند_وبيوتكم الخاصه كيف شكلها (هند كانت تبي تسئل لانهم من يوم جاوا يستغربون من كل شي )
طلال _ما فهت سؤالك بس ايش رايك اوريك بيتنا وراح لشنطته وطلع كاميرا فيديو ديجاتال ..هذا هو بيتنا
هند شافت البيت وفتحت فمها لان الي شافته قصر وقدامه بحر وشجر نخيل كبيره كأنه منتجع
هند _هذا بيتكم صدق
طلال _ايوه سيف هو الي صممه وعندنا بعد بيت صيفي في فرنسا وفنادق في ايطالياوالحين خلص بيتنا الي في بريطانيا
هند_طلول هاذي مو بيوت هاذي قصور
طلال _ويش معنى قصور
هند كانت سرحانه في الترف الي عايشه عمها ولا سمعت سؤال طلال
هند_طلال تصبح على خير وطلعت وهي متهمه ………………………………………….. ………
هند _ريم انت من صدقك يعني بكره راح نروح للاستراحه
ريم _ايوه انا بعد مو مصدقه لكن ابوي قال ان البيت صغير ولازم انسوي العزومه في الاستراحه
هند قعدت تدق رقبه _فله يعني بصير مثل البنات كل ما قالوا عندنا عزومه في الاستراحه بس ريم تكفين متى
ريم _بكره او بعده المهم نطلع من البيت يرحم والديك
طول ذا الوقت واسيل ولورا يناظرون بنات عمهم مو فاهمين شي
اسيل _ممكن اسئل سؤال وش الاستراحه
هند _اولا لما تستأذنين عشان تسئلين السؤال انتظري عشان يمكن ما نسمحلك
اسيل افتحت عينها من كلام أيه _اسفه ما اقصد
هند _الحمد لله والشكر عيال عمي هذولا لازمهم كورسات كثيره انت ايه بلا اضحك لا تبكين علينا ..الاستراحه طال عمرك مكان مثل المجلس تستأجرينه اما عن باقي المعلومات المتعلقه بالاستراحه فحن مثلك يا غافل لك الله
اسيل ضحكت من كلام أيه
هند _بنات عمي مرجوجات يضحكون على اي شي اقوله
ريم _خالد قالي كل ما مريت من غرفتكم اسمع ضحك لايمكن موظفين مهرج
هند _ياالله,,والتفتت للبنات وقالت تروا اخوي خالد ما يعرف ينكت ما احد يعرف ينكت الا انا وبعض الاحيان الاخ ياسر
في ذا الوقت دق جوال اسيل وخرجته كان شكله جنان ويلمع هي قالت ان اسمها مكتوب بالالماس ولونه وردي,,اسيل خلصت المكالمه الي شكلها من امها …
اسيل _لورا البسي عبايتك راح نروح لخالتي غاليه
لورا قامت تلبس وريم وهند يناظرونهم مثل الاطرش في الزفه
اسيل _راح انروح لعمتي غاليه هي عايشه في الرياض باي بنات البنات _باي ….وطلعوا اسيل ولورا وبقت هند وريم
ريم _البنات طيبات
هند _بس امهم ماهي شايفتنا بشي
ريم _شوفتها كيف تناظرنا كأننا كائنات غريب مالت عليها
هند _بس البنات وطلول يا عليهم طيبه مو صاحيه احسهم مفهين لهم يومين عندنا واحس اني اعرفهم من زمان
ريم _اههههه لانك ما شفتي القمر ولد عمنا صدق هند تريك ما شفتيه لالحين يمكن تشوفينه وتحبينه وتتركين وليدوه بس امي ما قصرت مسويتلك اعلان عند عمتي
هند _لا تقولين امي تحرج علي
ريم _ايه والله اقول اتركينا من ذا الكلام لازم انك تشوفينه
هند _وهو يجلس في البيت عشان اشوفه وبعدين لازم اقول لامي لاعاد تحرج علي انا غير وليد ماني ماخذه فهمتوا ولا لا وقامت معصبه والتفتت لاختها وقالت اسمعي بروح لغرفتي اخذلي كم عرض منها اكيد سيف راح مع هله
ريم _بس امي تبيك تسوين كيكك المشهور
هند_الله لا يهينك سويه انتي تراك على وجه زواج تعلمي من الحين وبعدين لازم اروح اخذلي كتب من غرفتي قبل لا يجي المحتل الصهيوني
وطلعت ودخلت غرفتها هي سمعت من ياسر ان طلال ما عاد هو ينام مع اخوه صار ينام معه يعني الغرفه مستحلها الاخ سيف
هند كانت مأخوذه من ريحة العطر المنتشر في الغرفه ريحه جنان وشافت كيف ان غرفتها تغيرت وصارت رجاليه هند اجلست على السرير وبدت تفتح ادراج الكومدينه تأخذ اكتبها ما شافت الا احد مسكها من وراها صارخت والتفتت لقتها ريم كانت ريم ميته ضحك هند ناظرت اختها نظره تخوف واجلست وقالت _صدق انك ما تستاهلين انك تتزوجين الحين عقلك عقل بزر
ريم _اقول اسكتي ..وشمت ريحة الغرفه بقوه ..ياي صدق عطر خيالي وينه ابي اعطر نفسي وراحه للتسريحه لقت العطر وقعدت تعطر نفسها وقالت _هند انا اعتقد اني حبيت ولد عمي بس حسافه متملكه (تمزح )
هند _خلي عادل يأخذ اسيل وانت اخذي سيف والحين اقول اطلعي يله ..ريم تاففت وطلعت
هند رجعت لشغلها جمعت كل اكتبها عشان تشيلهم وسمعت الباب ينفتح فقالت بصوت عالي وهي معصبه من ريم_ ريم انقلعي من وجهي احسنلك تري برميك بهذا وخذت شي من على الكوميدينه والتفتت لورا عشان تخوف ريم ..بس الي واقف مو ريم او بالاحرى مو من جنس النساء..كان سيف في عيونه برود وكبره وابتسامه سخريه
سيف _ممكن تعطيني موبايلي ……هند كانت واقفه منصدمه تناظر الرجال الي قدامها او بالاحري أيه الجمال الي قدامه وسمعته يقول موبايلي وناظرت يدها لقت فيها جواله استغربت ما شافت الجوال الا الحين هند كأنها اله عطته الجوال وقال بتلعثم _ما ما كن,,كنت بعارفه ..انك. هنا……. بس هند لاحظت انه ما كان يسمعها وانه خذا جواله وناظر الشاشه وبعدين ناظر هند من فوق لتحت وطلع
هند جلست الخوف شل اطرافها ولكن بعد ما فكرت بلي صار عصبت وقالت في نفسها وهي طالعه من الغرفه وش يظن نفسه الله يأخذه صدق قليل ادب وقالت كل المسبات الي تعرفها وكانت تمشي وهي معصبه ما شافت الا وهي خابطه بواحد لفت وفي عيونها نار من الغضب والغريبه ان الي صدمت به هو سبب غضبها نزلت تلف اكتبها وتقول عمى شف قدامك مره ثانيه تقولها بتعصيبه سيف نزل معها عشان يلف الكتب الي طيحها لكن هند قالت له _انت ايه اترك اكتبي ما ابيك تساعدني ابعد عني
لكن سيف ولا كأنه يسمعها وبعد ما خلص عطاها كتبها وقالها بصوت بارد _انت الي شوفي قدامك مره ثانيه… هند افتحت عينها على الاخير وهو حط الكتب في حضنها وراح هند لا خلاص كرهته لان قلبها صار في حلقها قالت في نفسها قلبي يدق كذا عشان الغضب الي احسبه وحطت الكتب في غرفة ريم ونزلت لاختها
ودخلت للمطبخ الي كان معفوس
ريم_هند تكفين ساعديني ما عرفت
هند من غير ما تتكلم قامت تشتغل وباين من وجهها انها معصبه
ريم قالت _لا يكون انت زعلانه مني عشاني خوفتك
هند ناظرتها كأنها خارجه من عالم ثاني _ايش قلتي
ريم _لا انت صاير لك شي ..هند رجعت لعالمها وبدت تخفق البيض اما ريم ناظرت اختها وطلعت تلبس لان ملابسها توصخت من الدقيق اما هند في عالمها بس اسمعت بعد خمس دقايق احد قفل الثلاجه بقوه التفتت لقته الاخ سيف عند الثلاجه يشرب مويه(قالت في نفسها كنت ابي اشوفه مره وحده الحين شفته ثلاث مرات خلال ساعه )هند زل لسانها وقالت _وجع خوفتني
سيف ناظرها كأنه اول مره يعرف ان فيه احد في المطبخ غيره
وقال _تبين الصراحه ما تحتاجين احد يخوفك
هند وهي ماسكه الصحن الي فيه البيض المخفوق _انت ايه وش عليه شايف نفسك يله اخرج من المطبخ قبل ما ارميك بالبيض
سيف _ارميه اذا انت شاطره
هند _ايه يا بابا تراني هند ارميه وارمي الي اخس منه بعد
سيف _طيب يله ارميه
هند وهي معصبه حدها ما شافت نفسها الا راميه البيض على ملابسه سيف فتح عينه على الاخير وناظر ملابسه وناظرها وطلع بس قبل ما يطلع التفت لها وقال_انت اغبى واوقح انسانه شفتها في حياتي