عدت لكم بعد تجربه “القرنفـل – المسمـار” لعلاج الربو ..

بعد ما وصلني بالايميل عن القرنفل لعلاج الربو .. قلت بجربه لعل الله يشفيني عليه ماني خسرانه شي

اول شي للمعلوميه ” انا عندي ربو مزمن من عمري 7سنين وما بقى نوع من العلاجات ما جربته من الاكسجين .. شراب .. حبوب .. كورسات ابر .. الخ
يعني ما بقى نوع علاج ولا بخاخ الا جربته ومر علي .. والازمات عندي على مدار السنه .. الحمدلله على كل حال

وبعد ما قريت عن القرنفل ع طووول جربته .. اللي هو 6 حبات قرنفل تشيلين الراس تبعها اللي يكون فوق زي الدائره .. وتنقعين اعواد القرنفل في نص كاس مويه من الليل وتشربينه الصبح على الريق ..
لمده اسبوعين

من بعد العلاج الحمدلله خف الربوووو عندي كثيـــر ,, ما بقول انه راح .. لاني باقي احس بكتمه بســيـــــطه بالليل لاجيت انام .. وتراه موحار ولا شي .. ولا جيت اشربه اقول “بسم الله الذي لا يضر مع اسمه شي في الارض ولا في السماء وهو السميع العليم “

و الحمدلله سوا فيني فرررررررررق واضح .. يعني طول النهار الحمدلله ما عدت انكتم ولا اتعب ولا اكح .. ما شاء الله تبارك الله ..

عشان كذا حبيت اكتب تجربتي وتستفيدون منها .. واللي ما كان متحمس يجربها يلا جربوووها وتوكلو على الله ..

ولا ننسى طبعا تحري اوقات الاجابه والدعاء فيها عشان ربي يشفينا .. والصدقه بعد لها دور كبيييير والله وعن تجربه ..

الله يشفي جميع مرضى المسلمين ..