عالم البنات النسائي كل ما يخص المرأة العربية من ازياء وجمال والحياة الزوجية والمطبخ
روايه نسجتها أقدارنا والجزء الأخرنسجتها خيالاتنا
مواقف أضحكتنا وأخرى أبكتنا وأخرى أدمت قلوبنا
أرواح تعيش على خيوط الأمل التي تلتقطها من خلف الأفق
وارواح تعيش ع بصيص النور في عالمها المظلم
صراع قوي والبقاء للافضل
أرواح تحابت ولكن!!لم يكتب لحبهاالأبديه
معارك في الحب ومغامرات وصداقات أخويه
مقتبسه من واقعي وشخصياات حقيقيه .. سطرتها لكم هناا
*بــــداية البـــــــــــــــــــــــــــــــــــــارت..
من هنااا تبداا روايتناا التي امتزجت حقيقتها بخيالهاا ويبدا انطلاق العيش في عالمها
وعد 22 سنه ..
كانت قاعده تنظف غرفتهااا بعد موجه الغبار الي غطى ع المنطقه الشرقيه وضواحيهااا
وعد وهي تنفض فراشهاا الي ع السرير وتناظر بنظره قلق وتوتر لجوالها وتقول بنفسها متى تدق ياجوالي و تريح قلبي تعبت من الانتظار والله تعبت..
وكان جوالها بلونه البني الغامق وهدؤه كأنه حاس بقلقها وخوفها ويرد عليها اصبري ياوعد ان الله مع الصابري
لان احياناً الانسان فحالاته الصعبه يحس او يوهم نفسه بان الجماد يحس فيه ويحاكيه..
أهـ هنا تتنهت تنهيته خفيفه وترفع راسها لسماء .. يارب رحمتك ..
وتتوجه لتسريحه غرفتهاا وبدت ترتبهاا وتحط كل شئ بمكانه
وتشعل شمعه كانت ع التسريحه وكانت الشمعه معطره بريحه الفريز
وصارت تستنشق ريحتهاا وهي مغمضه عيونهااا وسرحت بعالم افكارهاااا لبعيد
بهاللحظه يقطع عليهاا صوت المسج الي وصلهااا
هنا تترك الكبريت من يدهاا بسرعه
وتروح للجوال الي جنب السرير وتمسك الجوال ويدهاا تتنافض
وتفتح المسج وهنااا وعد صارت تقرى المسج وهي مصدومه وماهي مصدقه اللي تقراه
بعد ماسبق ألمها دموعهاا للي تناثرت ع خدهاا
. وهنا ايقنت ان ماكان وراء انتظارها واحلامهاا.. الا الجرح والحزن
وعد: تقعد ع السرير ويطيح الجوال من يدها ع الارض من دون ماتحس فيه
: لالااااااااااااا مستحيل لااااا
و صارت تبكي بحرقه وكانت تحس األم شديد بقلبهاا وكأنه كان قلبها يبكى معها لحزنهاا وجرحها
ودخلت في دوامه من البكاء القوي
وحطت راسها ع المخده بعد ماحست بالتعب وانها مو قادره تتحمل
وصارت تبكي بصوت مرتفع وحزين
وماكان احد يسمع بكائهاا وانينهاا غير جدارن غرفتهاااا الصامته
………………………………………….. …
ومع بدايه أول دوام شتوي .. في بيت ابو عبدالعزيز
منال 22 سنه
تصحى من النوم ياربي وش هالبرد وتناظر ساعتهااا يؤؤه مافي وقت اليوم بتمرناا وعد.. وتشيل البطانيه عنهااا وتقوم من سريرهااا
منال تصحي نوال اختهاا الي كانت نايمه بالسرير الي جنبهااا
منال وهي تهز نوال : نووالووووه قومي بسرعه الساعه 7 ترى أبوي مأخذ السواق معه للمكتب
شوي وبتمرناا وعد يعنى مو ع كيفك تتأخرين
نوال 20 سنه : أقول أرتاحي أصلا ماني رايحه .. ياربي وش هالقلق مع هالصبح
منال: وشهووو اقول قومي بس لاأعلم ابوي عليك.. وبعدين يالحبيبيه نسيتى أن عندك غياب لاقبل
نوال وهي تتثاوب وتحط يدها ع فمهاا: لاحوول ياربي ياشين الناس المجتهدا الي تتدخل بشئ مايخصهااا..
بعدين وأنتي وش حاشرك هاه؟؟ ولا عشانك الكبيره تبين تفرضين شخصيتك علينااا
وكانت منال أكبر من نوال بسنتين
منال وهي رايحه للحمام: بلا كثرت حكي قووومي بس
%نوال وهي معصبه : وانتي بس لقلقلقل( مقتبستهاا من مسلسل37
منال وهي تغسل وجها بالحمام وترد بصوت عالي: وانتي امدائك لقطتي (لقلقلقل) هذي مشكلتكم يالشعب السعودي بسرعه تتأثرون من المسلسلات
نوال ترد عليها بصوت عالي بعد: وانتي الي يسمعك الحين يقول انك مو من الشعب السعودي و ترمي البطانيه بقوه عشان تقوم من الفراش فجأهـ حست ببروده الجوو يؤؤؤه وتسحب البطانيه بسرعه وتقعد تتنافض
نوال وهي يالله تتكلم من البرد: انا ابي اعرف فـ فـ هذولاااااا مايحسون بببببالبرد ممممممفروض يعطونا أجازه للبرد
منال وهي جايه من الحمام وتمسح وجها بالمنشفه اقول أخلصي يا وزيرة التعليم لاتأخرينا بلاتحلطم مع صبح الله
نوال : تقوم من فراشهاا اقول (لاتحقرنا صغيرهـ ان الجبال من حصى) تشوفيني بعديومين انأفس وزير التعليم
منال: خخخخخ ايه هين .. قومي عجلي بس .. لاتأخرينا
ومرت ربع سااعه ومنال ونوال يتكشخون وحايسين باللبس ولمكياج
وطبعاً نوال مابقى شئ بالدولاب ماطلعته وكانت غرفه الملابس كلهاا ملابس نوال المنثره بكل مكان
وأخيرا لقت لبس يناسبها ويدفيهااا وكانت نوال عند التسريحه تمشط شعرهاااا
منال الي كانت تتمكيج وهي تحط الكحل يقطع عليهاا
صوت نغمه جوالهاا
..
ياسنين عمري..كفايه حزني ياسنين
خلاص بأن الذي يستاهل أحزانه
لفي جروحك وكفي دمع يا عينى
غني لزهرة حياتي باقي الوانه
……
منال ترد ع الجوال وهي تكمل تكحل..
منال: هلا وعودي
وعد: هلا منول صبااح الخير
منال: صباح الفل والياسمين
وعد :منول أنا بره خالصين أنتم
منال: أنا خالصه بس الهانم نوال للحين تلم الشوشه
وعد : لاحوول قولي لاختك هذي تخلص ماله داعي التأخير
منال: يؤه عندك أمل نوالوه تخلص بدري.. تيب خمس دقايق وأنا عندك
منال تأخذ جكيتها الجنز الي كان ع السرير وتشيل شنطتهاا وتمر ع نوال الي كانت تحط روج
منال: نوالووه ترى وعد تحت بسرعه لا تأخرين
نوال: طيب طيب جاايتكم دقيقه بس
منال تنزل لوعد الي كانت تنتظر عند باب الفله
منال تركب السياره: السلام عليكم
وعد: وعليكم السلام
منال : يااربي وش هالبرد احس تجمدت امسكي يدي شوفي
وعد تمسك يد منال : اف وش هالجليد
وقعدت منال وعد بالسياره 10 دقايق وهم ينتظرون نوال الي تأخرت عليهم
وعد تناظر ساعتهااا: يؤؤه وين نوال ذي؟؟ لازم حركات التأخير حقتها
منال: اسكتي اصلا الاخت ماكانت ناويه تداوم بس انا حشرتها وهددتها بالحكومه أبوي
وعد+ منال هههههههههههههههههههههههههههه
نوال تجي تركض وتركب السياره بسرعه وطخخخخخخخخ تصكر الباب بأقوه ماعندهااا
نوال وهي يالله تتنفس من كثر ماركضت :سلام اهـ اهـ ماتأخرت صح
وعد :لاابد ماتأخرتي كناا شوي بنرقد.. بعدين نوالوه شوي شوي ع الباب تراك أنثه ياختي
نوال: وعد ترى أخلاقي اليوم قافله يعني.. لاتخلينى أحط الحره فيك يا عقلة الاصبع
وبعدين لاتزعلوني ترى والله انزل الحين ترى يمدينى
منال: ايه قولي كذاا تدورينها من الله عشان تغيبين عارفين حركاتك
نوال: اي والله ادورها دواره أحد يعيف السرير الدافي والمخده اللللله
منال: أنا أبي اعرف شئ وأحد بس.. الدببه القطبيه تحب الدفئ والله غريبه
وعد : هههههههه والله معلومه جديده يامنال
ووعد +منال خخخخخخخخخخخخخخخخخخخ
نوال وهي معصبه: وجع يضحك لكم أنتي وياهااا
اشوف صايره مسخره عندكم ليكون موعاجبتكم بس
منال: يؤؤه وش عاد يفكنا منها ذي الحين
وعد: خلاص يختى نمزح يالله صباح خير يالله
نوال وهي مبوزه: ترى بمشيها بكيفي سمعتواا بكيفي
وتحط الايبود بأذنهااا
وعد:الا صدق ماتبوناا نمر ع عهود؟؟
نوال وهي تشيل سماعه الايبود من اذنهاا: من عهود؟؟
وعد: بنت عمك ليكون فقدتي الذاكره ههه
نوال: ايه عهود هههه لالا ابشرك مافقدتها للحين
منال: هههه خليها هذي اصلا من قامت من النوم وهي فاصله هههههه
وعد: ههه وش قلتواا نمرهاا ولالا
منال: لالا هي امس بالليل قالت انها بتروح مع راكان اخوهاا عشان بتمر مكتبه بتصور اوراق
وعد: اهااااا
وكملوا البنات سوالفهم وضحكهم وهم بطريقه للجامعه
###############################################
في بيت أم فارس عمه .. نوال ومنال
هدى نايمه و كان جوالهاا يدقومانتبهت له.. لانه كان سايلنت
شوي الا باب غرفتهااا يندق بقوووه
كانتي: هدىىىىىىىىىى قومي كولج
يالله جلدي جلدي
هدى تصحى من النوم مفزوعه بسمله وش صاير؟ يمه ليكون الدنيا حرب وأنا مدري
الا تسمع صوت كانتي تناديهااا هدىى انتي قوم
هدى :وجع للعدو ايه خلاص قوم اذلفي … وهي تحك عيونهااا يؤؤه كم الساعه؟
وتناظر الساعه اف الساعه 8 ونص يووووووووووه عزالله انطردنا من المحاضره
كلها من شينت الحلايا عهود قاعده طوال الليل تبربر علي بذا المسن
وتأخذ منشفتها الي كانت معلقه ع الشماعه و تدخل للحمام تأخذ شور سريع
لمى طلعت من الحمام لبست تشيرت هينق أسود وتنوره سوده ميد وتحط كحل خفيف وبلشر وردي وروج وردي
وتلبس عبايتهاا وتأخذ شنطتهااوتنزل بسرعه
ام فارس الي كانت قاعد بالصاله تفطر
هدى : السلام عليكم ورحمه الله وبركاته
ام فارس وهي تنزل كوب الحليب : وعليكم السلام.. هدى وأنت للحين مارحتي الجامعه هاااه ماعندك دروس اليوم؟؟
هدى: شخباري مغبره يمه.. وش دروس اسمها محاضرات وبعدين راحت علي نوما
ام فارس وهي معصبه : مو منك من النت الي مايخليك تنامين جعلها يحترق ويخرب
هدى تعفس وجهاا :يؤؤه يمه فديت قلبك أناا.. لا تدعين على النت وبعدين ياعيوني ياقلبي مو وقته
وين السواق بره تراني متأخر حدي
ام فارس :ايه اغسلي راسي بهالكلام الحلو المشكله تعرفين لي
هدى هههه و تبوس رأس امها أموت فيك يادنيتى انتي أموووووووح
ام فارس وهي تضحك ههههه روحي السواق بره لا تأخرين وخلي عنك العياره
هدى يالله سلام يالحبيبه
################################################## ##
باالجامعه كانوا البنات منال +وعد +عهود قاعدين باالكفتريا يفطرون كعادتهم دائماً
عهود :(وهي تفتح الساندويتش)بناااات هدى الدبه ادق عليهاا اليوم الصبح ماترد علي جعلها ماتعرس العانس
ومريت من قاعتهم وانا طالعه مالقيتهاا وين راحت؟؟
وعد :وهي تشرب العصير :ماتعرفين البطه ذي تلقينها الحين ساحبه ع الدوام ومكبره المخده
منال:عهود ياقلبوو دقي عليها جوالي بطاريته فاضيه شوفي ليكون تعبانه ولا فيهاا شئ
عهود:ههه يامنوول من عرفت هاالجوال وبطاريته فاضيه ولاسايلنت ياشيخه أرحمي الاتصالات شوي وأفتحيه
وتأخذ جوالها أوكي بطلع بره ادق عليها هناازعااج مااسمع
راحت عهود تكلم هدى الي انشغل بال البنات عليهاا لانها مو من عوايدهاا ماترد
قعدت منال ووعد لحالهم وعد جالسه تلعب بعلبة العصير بين يدينهاوسرحانه..
منال :وعووود
وعد :…ماردت سرحاانه
منال:علت صوتها شوي ياحلووووووو عطنى وجه..
وعد:(انتبهت لهاوابتسمت لمنال الي ماتخبي عنها شئ والي تعتبرها اختها لأن ماعندها خوات) هلاياقلبي..
منال : وعوود وش فيك؟؟ منتى عاجبتنى هالايام حاسه فيك شئ
وعد : تناظر منال (منال تعرف وعدمن نظراتها)تتنهدت اه يامنوول محد فاهمني غيرك
احس متضاايقه حدي ودي اصررخ ودي ابكي ليين مايبقى دمووع يامنوول احس احس ……غصتهاالعبره وسكتت تدراي دموعها عشان البنات الي باالكفتريا واغلبهم يعرفونهم
منال :كانت قاعده قدامها تأثرت لماشافت وعدكيف منكسره قامت من مكانها وجلست جنب وعد
منال:سلامتك من الاهـ ياوعوود وش فيك وانا اختك قولي لي فضفضي عنك شوي
وعد حست بحنان الأخت الي محرومه منه ولان منال كانت لها معزه خاصه بقلب وعد فنزلت دمعه من عينهاا
منال :كانت تكره دموع وعد وماتحب تشوفهاا :افاا ياوعد تبكين وأنا معك معاش من ينزل دموعك والله
وش فيك؟؟ قولي ليكون صار بينك وبين خطيبك ياسر شئ
وعد :تناظر منال نظره كلها ألم ونزلت دموعهاا الي حاولت تداريها وهزت راسهاا بحزن
منال تحط يدها ع صدرهاا: افاااااااا ياوعد وش صاير ؟؟
فهالوقت تقطع عليهم عهود بأبتسامتهاا الهادئه الي تريح كل الي حولها
عهدو: بناات هدووون تقول جاايه بالطريق تقول راحت عليها نومه ههههه
عهود لاحظت ان البنات كانوا ساكتين ومنال تناظر بعهود من دون ردت فعل ووجهها متغير
ووعد الي كانت منزله راسها عشان عهود ماتشوف دموعهاابهاللحظه عهود تنتبه لوعد وهي تمسح دموعها
عهود الي ظهرت عليها ملامح الخوف : اف وش فيك وعد ؟وتقعد ع الكرسي
وعد كانت صديقه العائله وعلاقتهاا بالبنات مره قويه
وعد قامت بدون ماتتكلم وراحت لانها حست أنها شوي بتنهار
منال تتبع وعد بنظراتهاوقلبها يتقطع عليهاا لأن حست ان بينها وبين خطيبها ياسر شئ
لانه من انخطبت وعد وهم في مشاكل بين ابوها وخطيبهاا
عهود تقطع ع منال حبل أفكارهااا والي كان تفكيرهاا مشغول بوعد
عهود: منال وش فيهاا وعد؟؟ عسى ماشر
منال: هاه لا مافيهاا شئ بس زعلانه شوي على عمهاا بالرياض لأنه تعبان وامس سوى له عمليه الله يشفيه يارب
عهود : اهااا ياعمري عليه الله يشفيه يارب
منال ووعد مايخبون شئ ع عهود بس منال ماحبت تقول لعهود شئ
لانها حست أن وعد هالمره ماتبغى احد يعرف عن الموضوع
وخاصه هالمره الي اول مره وعد تخبي شئ عن منال؟؟
منال تستأذن من عهود عشان تروح لمحاضرتها الي بدت
منال: يالله عهود دبتي أنا عندي محااضره اشوفك ع خير
وكانت منال وعد تخصصهم ادارة أعمال مستوى رابع
وعهود ونوال تخصصهم علم نفس مستوى ثاني
عهود: الله ويااك انا بنتظر الهانم اختك متى تشرف تلقينها ماخلت أحد ماسلمت عليه من ايام الأبتدائي والمتوسط وكله تمشي وتدق حنك خخخ
منال يؤؤؤؤه عزالله ابطيتى ماشفتيهاا خخخ
عهود: هههههه شنسوي مالنا غنى عنهااا
منال : خخخخخ ياالله يهنئ سعيد بسعيده
عهود : خخخخخخخخخ حلووه يالله روحي شوفي سعيده حقتك << تقصد وعد
منال تضحك خخخ وتشيل شنطتهاا وتروح اوكي نشوفكم باالبريك الثاني
عهود قاعده تفكر بوعد ياعمري عليهاا لهدرجه متأثر بمرض عمهاا
شوي الا خبطه بظهرهااا
بووووووووووووووووووو
نوال :هاااه شريتي لي دونااات لاتقولين نسيتى ياويلك ترى
عهود: اااااااااهـ وتمسك ظهرها حسبي الله ع عدوك.. انتي متى تعلمين الذرابه هاه متى؟؟
نوال : لاتعلمتى انتي تعلمت خخخخ
عهود: أأح كسرتى ظهري يالدفشه
نوال : ههه لاتكفين يالحساسه انتي.. لايكون انكسر ضلع ولا شي اشوووف
اقول اخلصي وين الدونات الي وصيتك عليه والبيبسي الدايت
عهود :هااا هااا خذي لاتأكليني بس وقالت ايش دايت قالت
وتناظر نوال وتبتسم على هبال وعفويت بنت عمها
وتقول في نفسها مالومك ياراكان لاحبيت نوال
نوال :تأخذ الدونات جيبي بس انتي ماعندك الا بس لقلقلقل
عهود: الله واعلم من الي بس لقلقلقل بالحيااه ..اقول اكلي باالعافيه بس عجلي خل نلحق ع المحاضره
نوال:وهي تأكل اممممممم وتهز براسها
أصلاً كله من الدوافير منال وعد معجلينا مع ذالصبح حتى ماخلوني افطر
ماكنه احد برابع غيرهم
عهود جد ع طاري وعد تخيلي قبل شوي كانت تبكي
نوال وهي تاكل اماااااااااااااااااا بغت تغص وتضرب صدرهاا
وتبلع اللقمه وش فيهااا سلاامات؟؟؟
عهود مدري والله بس منال تقول عشان عمهاا مريض وأمس كانت عمليته
نوال يااعمري عليها الله يشفيه يارب
عهود: أمييييييييين
#####################################
عقبك فلا آنشد من خذتہ الليآلے ،،
بـ تـِراب كل آلے يروحون بـ تـِرآآب ..~
،،،
في بيت أم نادر..
ياسر يدخل البيت أحم أحم ياولد
ام نادر: تعال ياياسر مافي احد يمه
( ياسر من عادته لادخل البيت يتحنحن لان زوجه اخوه الكبير نادرساكنه معهم بالبيت
ياسر يدخل ع امه الي كانت تتغداء بالصاله: السلام عليكم
ام نادر: هلا وعليكم السلام
تعال تغداء معي وانا امك
ياسر : لايمه تغدي بالعافيه انا مابي غداء
ام نادر: ليكون متغدى بالدوام من هالوجبات السريعه الي ماتنفع
ياسر: لا ماتغديت بس ماني مشتهي شئ
ام نادر :تناظر بولدهاا عارفه وانا امك وش فيك.. عشان خالك فسخ الخطبه
ماخلصنا من هالموضوع وانا امك بكره اخطب لك احسن منهاا
ياسر:يقوم وهو معصب خلاص يمي أنسى خالي محمد وبنته خلاص مابيها ولا ابي غيرها ارتاحي يمه معاد ابي اتزوج
ام نادر:ليش يمه ماتبينى افرح فيك بعدين لاتزعل من خالك عشانك طلعت من الوظيفه بعد ماتوسط لك وانت الله يهديك فشلته وطلعت منهااا
ياسر :بس اناا وضحت لخالي ان هالوظيفه ماتناسب لي وقالي اذا مو مرتاح اطلع بس ماتوقع هذا السبب
يمه خالي قالها لي بصريح العباره انت ساكن بديرهـ ياياسر
وكان ياسر وأهله يسكنون بديرهـ وراء الرياض بساعه
وانا مقدر اشوف بنتي الوحيده ساكنه بعيده عني وفي ديرهـ
ام نادر:الله يهديه ان شاالله وش فيها الديرهـ ؟ولايهمك يمه ان شاء الله ربي بيرزقك بوظيفه احسن منها
والله يلين قلب خالك عليك
ياسر: اه يايمه مابيدي حيله سويت كل شئ عشان ارضي خالي وبعد ماعشمني في وعد وبنيت احلامي بالنهايه يقول مالك نصيب عندناا ليش يمه ليش؟؟ عشاني ماني قدهم ومو من مستواهم
ام نادر: تقطع قلبها ع ولدها.. لا يابوي انت قدهم واحس منهم بعد.. بس انت عارف خالك محمد هذي بنته الوحيده وخايف ع مستقبلهاا
ياسر:خالي محمد عارف اني احبها وبحطها بعيوني الثنتين وعارف بوضعي من أول
بس مايبيني لاسباب كثيرررررره لان مستوانا المادي ماهو قدهم
ولاني مقدار اعيش بنته بالرفاهيه الي هي عايشتها عند ابوهاا
ولاني ساكن بديرهـ وبأخذ بنته بعيد
ام نادر: ان شاء الله ياياسر تشتغل بوظيفه ترفع راسك فيها و يقتنع فيك خالك وتشوف وعد في بيتك
ياسر: ان شاء الله دعواتك يمه
انا بروح ارتاح من اليوم وانا من شركه لشركه افرفر بهاالملفات كود الله يرزقني بوظيفه
راح ياسر لغرفته وكانت دعوات امه ترن بأذنه
ويحط راسه ع السرير ويغطي وجه بشماغه وصار يفكر في حب الطفوله حبه لوعد
وكان شريط ذكرياته يمر من قدامه ذكرى بذكرى ولحظه بلحظه
وكيف كان يفرح لما يسمع خبر جيتهم من الشرقيه وكيف كان يقعد طول اليوم وهو واقف بالمطر يستناهم
كان يحب اسمها وطاريها وكان يعشق ضحكتها وخجلها وكان هايم بملامحها الطفوليه
مواقف كثييره مررت في باله صحى من خياله ع ذكرى الواقع المؤلم
اهـ يااوعد كيف اعيش من دونك قوليلي كيف؟؟
ليش ماتحسين فينى ياوعد ليش
الله يسامحك بس ملكتي قلبي وتملكتيني وسكنتي بداخلي
وبالنهايه تتركيني
ماعاد تغري ضحكة الحب .. بشفاي ..
…… من يوم ماصك الأمل باب …. بيته..
