عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح /مساء الخير
هذي أول رواياتي اتمنى تعجبكم
رواية تتكلم عني وعن صحباتي فيها مغامرات أكشن صرقعة ووناسه ولا تخلوا من الرومانسية والجرأة
البداية
الشخصيات :
ملاك:( ملاكي 18 سنة) انسانة عنيدة واللي براسها يصير ويا ويله اللي تحطه ببالها
لين: ( لنو 18 سنة) انسانة مرجووووجة و ضحكتها روووعة وتملك أجمل ابتسامة بالمدرسة
لارا: ( لولو 18 سنة ) هذي مصصصلحة اجتماعية اللي عنده مشكلة يلجأ لها
تالا: ( توتو 18 سنة) عايشة الدنيا ضحك ووناسة ما تزعل ولا تزعل احد لذا هي بوادي والهم بوادي
الريم:( ريوم 18 سنة ) عايشة الدنيا طنش تعش تنتعش تعتبر كل شي يصير لها مغامرة بس مشكلتها عااااااطفية
سديم:( سدوم 18 سنة ) إنسانة ناااااااعمة ورومنسية وإذا حبت حبت من قلبها وتضحي ولو بعمرها للي تحب
ريلاس:(سوسو 18 سنة) إنسانة خوااااافة ودمعتها في جيبها وحساسة جداا مع ذلك وناسه واذا انت متضايق كلمها
دانه:( دودي 18 سنة ) هذي انسانة عسوولة واللي طفشان يروح يسمع ضحكتها << لان ضحكتها تموت من الضحك
لمار:( لمو 18سنة) هذي بنت ونااااااااااااااااسة ورجه وخبال بكل ما تحمله الكلمات من معنى .
لانا:( ليون 18سنة) كل الرقة والنعومة والانوثة والحلاوة مجتمعة فيها وقلبها ابيض ما تحقد على احد
تعريف بسيط ببطلات القصة
صداقتهم كانت صدفة ولقاؤهم كان صدفه وحبهم لبعض كان كمان صدفة بدأت علاقتهم لما كانو بـ اولى متوسط
كانوا يقابلون بعض يسألون عن بعض بس كانت علاقتهم سطحية مرررررة أما في 2متوسط اجتمعوا لين ولارا وتالا والريم وسديم وريلاس ودانه اما ملاك كانت في فصل ثاني وبالصدفة تعرفوا على لانا ولمار وازدادت علاقتهم واخذت تقوى مع الايام
البارت الاول
بكرة أول أيام الدراسة وأول ايام مرحلة جديدة لبطلاتنا في 3 ثانوي
وكل البيوت معلنة حالة استنفار
بيت ملاك
تعريف بسيط بعائلتها أبوها متزوج 3 وأمها الاخيرة وعندها بنتين ملاك وميار -2 ثانوي- اما اخوانها من ابوها كثييييير
ملاك وميار وامهم جالسين بالصالة
ملاك:اوف الله ياخذ هالمدارس مو وقتها الحين
ميار: تكفييييين لا تذكريني
ملاك: الحين تونا ما تهنينا بالإجازة
أم ملاك : يا بنات خلاص تقبلوا الوضع وتجهزوا للمدرسة
ميار : ماما تكفين لا تتكلمين عن المدرسة
ملاك:ميار تروحين معاي فوق
ميار: وش عندك فوق؟؟؟
ملاك: ابي أودع أيام الرقص أبي ارقص
ميار: يلا قدام
أم ملاك: يا بنات ما تعبتوا كل الاجازة رقص
ملاك: نبي نودع ايام الوناسة
وراحوا غرفتهم
—————————————————
بيت لين
تعريف بسيط أبوها رجل أعمال وأمها معلمة وعندهم بنوته وحدة وهي لين و3 اولاد فهد ( 1 جامعة ) فيصل ( 2 ثانوي )
فارس ( 2 متوسط )
لين (نازلة من الدرج): يمااااااااااااه ماما ماماتي مامي وينك؟
أم لين( بالصالة ) :هنا هنا بالصالة قصري حسك
لين: يا مساء الحب والاحساس والطيبة لأحلى أم ( تبوس راسها)
أم لين : هلا هلا فيك وش هالرواقة
لين : صراحة حتى أنا ما أدري إلا يمه وين فصفص
فيصل يدخل الصالة
فيصل : كم مرة قايل لك لا تقولين هالاسم
لين: اوكي اوكي ولا يهمك فاصوليا
فيصل : يمه سكتيها مو رايق لها ابد
لين: افا بس منو اللي مضيق خلقك وانا اوريك فيه
فيصل : شكرا ما طلبتك
لين : مالت عليك هذي جزاتي
فيصل : احسن مين اللي طلبك
لين : مالت عليك وعلى خشتك أقوم ابرك لي
وراحت لين غرفتها
—————————————————————————–
في بيت لارا
تعريف بالعائلة ابوها مديرشركة العائلة وامها ربة منزل وعندهم 3 بنات مرام ( 2 جامعة ) ,لمى ( 4 ابتدائي)
وولد وحيد عبدالله (1ثانوي)
لارا ومرام بغرفتهم
لارا: يا حظك ما بتداومين باكر
مرام: عندي إحساس كبير يقول بتصيبني مصيبة عشانك
لارا : ليش؟؟
مرام: من عينك كل شوي يا حظك ياحظك
لارا:لا لا ما عليك لا تخافين عيني باردة
تدخل لمى الغرفة
لمى : بنات بابا يبيكم تحت
لارا ومرام : يلا جايين
—————————————————————————–
في بيت تالا
تعريف بالعائلة ابوها رجل أعمال وأمها ربة منزل وعندهم 3بنات :ايمان ( متزوجة ) خلود( ما كملت دراسة ) وتالا
وولدين مشاري( 2 جامعة ) , مشعل ( 2 متوسط )
تالا وخلود جالسين بالصالة
خلود: آآآه يا ليت ايمان معانا الحين
تالا: أكيد الحين لاهيه مع حبيب القلب وناسيتنا
خلود: الله يوفقها
تالا: ما توقعت باشتاق لها للهدرجة
خلود : ولا انا
واستمرالحديث
——————————————————————————————–
في بيت الريم
تعريف بالعائلة أبوها رجل أعمال ومتزوج زوجة ثانية وأمها متوفيه والريم عندها أخ وحيد راكان ( 4 جامعة يدرس ببريطانيا)
في غرفة الريم
الريم ( تكلم بالموبايل) : بليز سارة تعالي
سارة ( بنت عمها) : والله ريوم ما اقدر ازورك عبدالعزيز موجود
الريم: وإذا يعني موجود
سارة : ما أقدر أقول وصلني بيت عمي وانا تو امس عندكم
الريم: مالت عليك انتي وعزيزك صجيتيني فيه
سارة: بنشوفك اذا تزوجتي
الريم : اقول يلا باي باي
(( الريم : آآآآآآآآآآآآه كلن ساهي ومشغول بحياته الا انا وينك يا راكان متى ترجع اشتقت لك))
——————————————————————————
في بيت سديم
تعريف بالعائلة أبوها مدير مدرسة وأمها معلمة وعندهم 3 بنات : سديم , دينا وديانا (( توأم 3 متوسط )) وولدين : سلطان (( 1 ثنوي )) , سلمان (( 6 ابتدائي))
سديم وخواتها بالمطبخ
سديم : تدرون شنو اللي مهون علي غثى المدرسة
دينا: كالعادة صديقاتك
ديانا : وهي عندها سيرة غير سيرتهم
سديم: مالت عليكم غلطان اللي يعطيكم وجه
ابو سديم ينادي :بنات خلصوا جيبوا العشاء
سديم : يلا يلا
————————————————————————————
في بيت ريلاس
تعريف بالعائلة ابوها متزوج على امها لانه يبي اولاد وعنده 3 بنات : ريلاس , اسيل ( 2 ثانوي ) , رسيل ( 3 متوسط )
وأخوانهم من ابوهم سامي ( 6 ابتدائي ) رامي ( 5 ابتدائي)
العائلة مجتمعين بالصالة
رسيل : يبه نبي ننزل نقضي للمدرسة
اسيل: ايوه يبه المدرسة قربت ونبي اغراض
ابو ريلاس: مو فاضي لكم ولخرابيطكم
ريلاس: بس هذي مو خرابيط
ابو ريلاس: لو كان عنكم أخ راح ينزلكم مالت عليك من بنات عكرتوا مزاجي
وخرج من البيت
ريلاس: اوف شنو هالعيشة
—————————————————————————————-
في بيت دانه
تعريف بالعائلة أبوها مدير مستشفى وأمها ربة منزل وعندهم بنتين : دانه , ريناد ( 2ثانوي ) وولدين : ياسر ( 2 جامعة )
محمد ( 2 متوسط )
البنات وياسر بالمول
ياسر : بنات خلصوا بسرعة مستعجل
ريناد: يووووه ياسر نبي نتسوق على راحتنا
ياسر : لكم ساعة فقط لا غير
دانه : اوكي اوكي
ريناد : وااااااو دودي شوفي ما أحلى هالشوز
دانه : واو مررررة حلو نيو كيوت
ياسر: ياااي انتي واياها ( يقلد اصواتهم ) خلصوا بسرعة
ريناد ( ولا كأنه يتكلم ) : محمد ابي هذا
ياسر: اي اي انتي انا بأقوله
ريناد : اوف
وكملوا شوبينق ورجعوا
——————————————————————————————-
في بيت لمار
تعريف بالعائلة أبوها معلم وأمها ربة منزل وعندهم بنتين : لمار ’ لمياء ( 2 ثانوي) وولدين سعود ( 1 ثانوي )
سعد ( 2 متوسط)
لمياء ولمار وأمهم بالصالة
لمياء : أقول يا جمهور الشمس جهزوا أنفسكم للهزيمة
لمار: نشوف بعد بكرة شنو بيسوي العالمي في الزعيق
لمياء: يمه يمه خوفتونا بالله منو اللي يقدر يدخل الكورة في مرمى الدعيع
لمار : بتشوفين سعد بيدخل 3 اهداف
لمياء: تكفين عاد مرة سعد يخوفنا
أم لمار حاطه يدها على راسها
أم لمار : بس بس اوجعتوا راسي حشى اولاد انتو
لمار: لا بس نتناقش في المباراة
أم لمار : وانا وش اللي مجلسني معاكم اقوم ابرك لي .
—————————————————————————————–
في بيت لانا
تعريف بالعائلة ابوها متقاعد امها ربة منزل وعندهم بنتين : لانا , ليان ( 3 متوسط)
و 3 أولاد : حاتم متزوج وعنده ولد ( ريان 3 سنوات) , رائد ( 2 جامعة ) , معاذ ( 2 ثانوي )
لانا في غرفتها تكلم صاحبتها لين
لين: والله بكرة بنعمل هبال عـ الكيف
لانا: ايوه تكفين اعطينا من أفكارك
لين: اوك ولا يهمك يلا ليون امي تناديني تامرين على شي ؟؟
لانا: سلامتك
لين : بايو يا قمر
لانا : بايات
——————————————————————————————
الصباح في بيت ملاك
دق موبايل ملاك وترد بصوت كله نووووم : خير
الريم: صباح الخير لااااااااااااااااااااااا (( تصارخ ))
ملاك (( متنرفزة )) : خير ايش صاير
الريم : يا حلوة اليوم اول يوم في المدرسة وثالث ثانوي وانتي باقي نايمة
ملاك: مالت عليك قطعتي علي أحلى أحلى أحلامي
الريم: ياااااي بالله يعني وش بتحلمين فيه
ملاك: خلصتي كلامك؟؟
الريم : يلا ملاكي اصحي
ملاك قفلت الموبايل
وحاولت تكمل نومتها شوي وتدخل أمها
أم ملاك: ملااااااااااااك ما صحيتي
ملاك: يلا يلا قمت قمت الله ياخذ المدارس
—————————————————————————————
في بيت لين
لين جالسة قدام المراية تضبط الكحل والجلوس
لين ( تغني ): أول جرح قلنا فات .. ثاني جرح قلنا ما يقصد .. ثلاث اربع خمس مرات .. واشوفك صرت متعود
ويدخل فيصل غرفة لين
فيصل : يا الله صباح خير وش عندك على هالصبح
لين ( تغني) : والله أحبك أحبك يشهد الله علي .. لما اشوفك ابتسم صدقني ما هو بيدي..
فيصل يحط يده عل جبين لين : مريضة تحسين بشيء
لين : لا لا ما عليك انا في اتم الصحة والعافية
فيصل: خلصي بسرعة ننتظرك على الفطور
لين : اوك اوك نازلة الحين
وتنزل لين وتفطر وتروح المدرسة
في بيت لارا
——————————————————————————————-
لارا مشغلة الاستشوار وتضبط شعرها
ومرام نايمة
مرام : لااااااااارا اقلبي وجهك
لارا : نو نو نو أحسن ليش أنا ادوام قبلك
مرام: ابي انااااااااااااااام ( تصارخ)
أبوهم يدخل الغرفة : خير خير وش هالصراخ
لارا: لا ما في شي
مرام: يبه ابي انام
ابو لارا: نامي احد قال لك لا
مرام: لارا
ابو لارا: وش فيها
مرام : ازعجتني
ابو لارا: يلا لولو امشي قدامي تأخرتي
لارا : اوك
لارا وهي طالعة : نومة اهل الكهف
——————————————————————————————
في بيت تالا
تالا باقي نايمة
ام تالا: تالا ووجع اصحي يلا تأخرتي
تالا: يمااااه بس ثواني
أم تالا ( تفتح الشبابيك ) : اقول يلا عجلي
تالا: يمه بلييييز ابي انام
أم تالا: يلا قدامي
وصحت تالا وتجهزت وراحت للمدرسة
——————————————————————————————————–
في المدرسة
لين جالسة تنتظر صاحباتها شوي تجي ملاك تقفل عيون لين
ملاك: مين انا؟؟
لين: ملاااكي
تفتح عيونها ويضمون بعض
شوي واكتملت الشلة
طبعا كلهم بفصل واحد
في الصف
ملاك والريم يطقون عـ الطاولات ولمار تغني ولين ولارا وتالا ودانه يرقصون والباقي يصفقون
طبعا رقصهم خققققققققه
وكان فيه بالفصل قروب بنات مسترجلات ( بويات)
البويات يتهامسون
العنود ( زعيمة الشلة ): بنات واااااو يا قلبي عليهم يهبلون
الهنوف : وربي انهم خقة شوفي هذيك <<< تأشر على لارا
سمر: لا لا هذيك أحلى << تالا
العنود : لا هذيك ام ابتسامة حلوة احلى << لين
سحر: اقول مالت عليكم شوفوا الدلع كله <<< دانه
العنود ( تطالع ابتسامة لين ) : واااااو يا بنات وربي انها خقة
الهنوف : انتبهي بس لا تذوبين علينا
العنود ( قامت وراحت جهة لين )
العنود: هااااااي
ملاك : خير
العنود : انا اكلمها ما أكلمك << وتأشر على لين
لين: خير اي خدمة
العنود: يا قلبي ممكن شوي
لين : اولا انا مو قلبك ثانيا عادي تكلمي هنا ما فيه غريب
الريم: لنو لا تعطين هذي الاشكال وجه
لمار: خلصي انتي بسرعة
ريلاس: ترى مو فاضين لك
الريم:تدرين انو حرام البنت تكلم ولد
العنود : ليش وين الاولاد
لانا: قدامي
ملاك:انتي الولد
العنود :انا ولد <<معصصصبة
لارا: ايوه شكلك يقول انك ولد
العنود ( تمسك ياقة ملاك) :اسحبي كلمتك احسن لك
ملاك: مو ساحبتها واحسن لك فكي
العنود : يمه شنو بتسوين
ملاك : انا اوريك يا الحثالة
وبدا الطقاق الصح ولا احد قدر انو يفك بينهم
دخلت الاستاذة وودتهم للادارة واخذوا كم كلمة ورجعوا الفصل
وانتهى اليوووم الدراسي طبعا والبويات لا زالوا يطاردون الشلة
————————————————————————————————-
