لا تلوموني ولاكن هذا شعوري قصه حبي ادخلو وشاركوني

لا اصدق انني اصرح ولاول مره عن هذا الشعور الذي راودني وسكنني منذ الطفوله
عذبني واسعدني واتعبني واشغلني آه ايها القارئ لو تشعر ما اشعر به الان والله لتدمع عيناك
حتى لو كنت قاسي القلب ساكتب لكم كلامي او بمعنى اصح شعوري اودموعي اوسانثر دمي
في هذه الصفحه والله لاابالغ ولاكن هذا هو الواقع لان هذا الكلام ممزوج بدمي وهو في اعماق اعماق روحي

كنت ناويه اكتب بالغه العربيه بس خفت ماوصل شعوري زين
يابنات حبيته والله حبيته اكره اني اصرح بذا الشي لكن حبيته وانا طفله بريئه ولد عمي كنا دايم نجتمع احن وهم كنا نطلع مع بعض احنا وعيال عمي وعماتي كنا نروح اماكن حلوه وهاديه كنا نجلس كل ثنائي مع بعض عماتي مع اخواني وعيال عمي وخواتي مع بنات عمي وانا وياه كان عمري 8سنوات ولانه الوحيد على عمري من عيال عمي نلعلب مع بعض طفوله بريئه تجملها مشاعر صادقه يمكن تقولون صغار لكن نظراتنا لبعض كانت غير ولانا صغار نجهل الشعور الي كان يجمعنا كان يمدحني على اي شي اسويه كنا مستحيل نزعل بعض بشكل اصح كان معاه ماتمنى شي يبعدني عنه صغار تخيلو قد ايش حتكون مشاعرنا صادقه كان ملامحنا تعبر عن احاسيسنا ذكريات حلوه كنت اذا رحت عندهم وجينا بنروح كنت احس بالعبره تخنقني اناظر فيه وهو ياشر بيده اقول ابي انام عندهم امي تقولي مره ثاني ماعندك غيار كان يطلعلي من ملابسه يقولي البسي روبي ونامي عندنا عشان نلعب ونجلس نلعب الين ننام ذكريات حلوه احلى ايام عمري كان يهتم فيني يسأل عني مرت الايام على هذا الحال نكبر وكل شي جواتنا كبرنا وعمرنا صار11 سنه تقريبا سارت ليالي حلوه اذكر مره كان نظراته لي نظرات مانساه تقولون صغار لكن هاذا الي يصير طبعا كل هذا وانا اجهل الي احمله في صدري اتجاهه المهم انقطعنا عنهم فتر طويله شوي كنت اشتاقله بس اتجاله قرابه سنه جلست طبا صار عمري 14سنه وبدت سن المراهقه وتعرفون المشاعر تكون فياضه قمت افكر واسترجع الماضي في عز فيض مشاعري وكلت مافيه احد يستاهلها غيره راحت كل مشاعري لذكرياتي المهم رجعنا بعد فتره يمكن 3 سنوات وقتها كنت خلاص اتغطى كنا نروح عندهم واجلس عند الحريم بس اذا سمعت اسمه يرتعد جسمي كنت اتمنى اشوفه كنت افكر فيه بشكل مو طبيعي واذا رجعت اجلس وحدي وابكي لاني ماشفته والله اخذ من عيني النوم صرت كبيره وعرفت الحب بس خلاص يابنت هدي اعصابك شويه هذي مجرد طفوله كنت ودي اعرف هو يحملي نفس المشاعر ولالا باقي يذكرني ولالا يذكر طفولتناولالا اه يابنات والله عشت ايام ودي انساه بس حرام يمكن باقي يفكر فيني واذامانسيته وفكرت فيه كحبيب يمكن نسى كل شي صار بينا والله والله اني ماعرفت قد ايش الحيره صعبه الا في هذا الموضوع اه لوتدرون قد ايش بكيت قد ايش فكرت وكل هذا ماحد يدري عني كان ودي اتكلم لكن جلست مشاعري في قلبي من غير اي انسان يشاركني فيها بعدها قررت انساه وبدت الآآآآم احاول لكن فشلت يبنات شفتم علب المشروبات الغازيه القزاز الي غطاها ماينفك الى بأله خاصه شفتم زواياها كيف حاده والله والله والله احس ان حبي له ماسك في قلبي زي غطى العلب هذي في قلبي زواياه دخله بين عروقي تخيلو ايش الجرح الي بيسويه لما ابعده يمكن تضحكون ع التشبيه لكن والله هذا الي احس فيه أه يابنات وانا في هذا الشعور الصعب جتني صدمه ماكنت انتظرها جت اختي وقالتلي تعالي ابغاك في موضوع وش تتوقعون؟؟؟؟
قالتلي جاكي خطيب قلت وشو قالت جاكي خطيب وش السؤال الي راح اسئله وبكل سرعه قلت مين قالت ولد ؟؟؟؟
هي كلمتين
بس بينها كأنه
سنتين
بعدين قالت

جارنا

أه ليه وش اقول اقول لا واقطع نصيبي ويمكن الولد مادرى عني ولا اقول ايه واكسر قلبه واجرحه طبعا قررت في نفس الوقت اني مابغى اتزوج لكن قبل مااتكلم قالت اختي طبعا هو خاطبك صارله فتره بس ماحبينا نقولك وقتها آه ليه صار قدامي اثنين الولد خاطبني وصارله فتره اكيد هلحين فكر فيني ويبغاني تفكير غبي صح لكن والله هذا الي كنت افكر فيه مافكرت في حالي ابد بس متخيله الصدمه لما يقولوله اهله ما وافقت والله هذا الي فكرت فيه بس كل مافيني يقول لاتوافقي بس لساني نطق موافقه آ شعور لا احسد عليه
خلاص انخطبت وقررو موعد الملكه فتره الخطوبه كانت زي الحلم ماافكر وتاركه حياتي للاحداث ملكت وقلت راح احبه والله والله صارلي سنه ولا املك له اي شعور اتجاهه يقولي احلى كلام جالسه اقول لمشاعري تحركي حرام عليك الولد شاريك وهي جماد معقوله خلصت مشاعري طبعا بالنسبه لولد عمي جلست في فتر الخطوبه من غير تفكير لكن يوم ملكت وحاولت احب خطيبي وماقدرت رجع لي التفكير وجالسه الوم حالي ولوم الحب كرهت الحب وحسيته قاسي لكن خطيبي وش ذمبه والله انه يقولي كلام يجنن اجلس ابكي ليش مااحس فيه معقوله انا قاسيه لهذي الدرجه كيف قاسيه وانا وافقت عشان ماجرحه سنه كامله وانا اجامل هلحين قرب موعد زواجنا وحبي الاول في قلبي وخطيبي مشاعري ميته اتجاهه في العاده الفتره هاذي تكون مهمه للبنت تهتم بحاله وتجهز جهازها خواتي يقولولي تحركي مافيه وقت بس انا احط راسي ع المخده واجلس مصارعه مع قلبي انسى ياقلبي لدرجة فقدت الامل اني راح انساه لكن