عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
والله يابنات اني قاعده اكتب الموضوع وانا منحرجه منكم بس ادري انكم بتفهمون الموضوع
انا سالفتي يابنات اني بيوم من الايام حبيت واحد وكلمة بالجوال وبعدها قلتله مايصير نتم جذي
واهو كأنه ماصدق اني قلتله هالكلام بنفس اليوم خله امه تكلم امي وتخطبني منها طبعا امي رحبت فيهم وخذت اسمه وعنوانه وكل شي عشان تسأل عنه
بس انا ماادري ليش حسيت باحراج من امي قلت انا لازم اقولها الصدق ماابي اخليها جذي وامي طبعها متفهمه رحت وصارحتها على الحقيقه واهي قعدت معاي وكلمتني وخذت وعطت معاي وقالتلي انا يمكن لو كنت داريه من قبل كلمتج اكثر من جذي بس دامنه تقدملج وانتي تبينه انا مستعده اكلملج ابووج عشان يوافق عليه طبعا انا فرحت ودنيا مهي سايعتني من الفرحه وبيني وبينكم ماتوقعت ردت فعل امي تكون بهالطريقه
لكن فاجأتني امي انها دقت عليهم وكان هالكلام جدامي وقالتلهم ابوها رافض يزوجها الحين يبيها تخلص دراستها واهي ان شاء الله مابقالها شي كلها سنه وتخلص من الكليه وتتخرج واوعدكم اي احد يطق بابي راح ارده طبعا انا جاتني صدمه قويه واهو بعد بنفس الطريقه وامي جتني وقالتلي انا ماابيك تكلمينه خلاص اهو لمه تتخرجي يبيج يجي ويخطبج قلتلها ان شاء الله بس طبعا ماقدرت رجعت وكلمته من غير مااهلي يدرون
واهو كل شوي يقولي انا بسوي بيتنه فوق بخلي دور كله لج ومن هالحجي المووهم طافت السنه على خير وكل ماله وانا احس بتأنييب الظمير اكثر واكثر ولمه تخرجت فجأه الولد قلب عليي وماعاد يكلمني مثل الاول ولمه ادزله مسج او ادق يحقرني ووبعد جم اسبوع يرد عليي وكل ماسألت اشفيك يصرخ عليي يقولي انا مشغول ووقت ماابيج ادق علييج طبعا انا حيل تضايقت من السالفه والمشكله كل من يجي يخطبني امي ترده لانها عطت كلمه لامه
وانا الحين صارلي شهرين من تخرجت وامه ليلحين مادقت واهو قالب عليي ماادري اشفييه معنه ماكان بينه شي وانا بيني وبينكم مو عاجبني الوضع انا ماعدت مثل قبل انا تبت والله كل اللي قاعده اسويه ادري انه حرام وقاعد يغضب ربي وقاعده احاول اتجاهله بس جد تعبت ماني قادره الاقي نفسي بروحي ادق علييه بعدها اتحسف واستغفر ربي والمشكله كل اهلي يسؤلوني متى الملجه وماني عارفه شنو ارد عليهم كله اقولهم تو الناس وحتى امي ماادري اشفيها ماعادت اتجيبلي طاري هالشي مع العلم لازالت ترد كل اللي يخطبني
ابي حل يا بنات ماني عارفه اشلون اتصرف ساعدوني الله يجزاكم خير ويفرج همكم
