ميني بيتزا – فطائر الزعتر – اقماع اللبنة

استخدمي اي عجينة تعجبش ( العجينة الذهبية – عجينة عشر دقائق – او العادية )

اني اعتمد العجينة الذهبية

الطريقة :

3 كأسات ونصف طحين فاخر أو اي طحين تفضلينه

3 ملاعق طعام سكر

3 ملاعق طعام حليب بودرة

ملعقة شاي بيكنج بودر

ملعقة طعام خميرة فورية

ربع كأس زيت

علبة روب – كأس لبن

اعجنهم مع بعض لما يصير عندي عجينة ملساء مثل جذي

اخليها ترتاح مدة ساعة بعدين افردها بالنشابة واقطعها دوائر

ماقدرت اصور لاني اشتغل وبروحي والمقدار كبير وكنت مستعجلة يعني اعذروني

فطائر الزعتر : زيت زيتون + زعتر

البيتزا : كاتشب + جبن مبشور + زيتون مقطع ( حبيت اسوينهم خفاف وناعمين )

بعد ما اخلص اخليه شوي ما ادخله الفرن دايركت اخليه شوي وشوفي شلون تكبر وتنتفخ

وبالفرن ما تحتاج حرارة واجد ولا وقت

وبهذا الوقت الحين احضر الاقماع اجيب الاقماع المعدنية

وافرد العجية واقطعها شرائط واللفها بالاقماع المعدنية

امسح الاقماع ( بيض + حليب ) وادخلهم الفرن على فكرة البيتزا والفطائر ما تاخذ وقت بس شوي تشقر من تحت اشيلهم من الفرن

واذا طلعتهم من الفرن احفظهم بمكان جاف وغير رطب في المخبزه مثلا او اي وعاء عليه غطاء

وفطائر الاقماع اشيلهم من القمع واحشيهم لبنة وازينهم بالسماق و الزعتر

هذه بعد ما طلعت من الفرن شوفها تراها خفيفة وهشة وطرية جداً

نجي الحين للاقماع

احشيهم بعد ما اطلعهم من القمع المعدني

ويش رايك ؟؟؟؟؟ انا سويت الاقماع للاطفال بس حبونها واااااااجد تقدرين نحشينها بالكريمة

او اي شي تحبونه

حياكم تفضلوا بس مو الحين بعد الافطار هههههههههههه 😉