حلم شاغل لي بالي ,,

جزاكم الله خير خواتي على خدمة خواتكم ..

وياليت القى تفسير لما حلمت

أمس حلمت انه امي جابت بنت .. والبنوته شفتها بالحلم تمشي وشكلها تشبه اختي الصغيره الحين بس هي شوي اقصر .. وكنا قاعدين نتباحث باسمها .. كانت موجوده عمتي واسمها سعاد ..وبناتها اللي اذكرها من بناتها وحده اسمها خلود .. المهم سألت أمي قلت لها شنو اسم البنيه يمه ردت علي عمتي وقالت اسمها (( جرس)) انا قلت جرس !! مو حلوو .. قالوا لي ليش حلو مافيه شي .. قلت انزين شنو معناه يمكن معناه احلى .. اقعدت تفكر عمتي وناسيه معناه .. قلت لهم لا جرس مو حلو خل نسميها ((روز)) قالوا لي اوكي روز حلوو ..

وبس !!

ياليت القى تفسيره ياقلبي لأنه حيل ماخذ تفكيري وودي اعرف شمعناه ..

بالنسبة للشروط ..

وقت الحدوث:- والله انا من نومتي الليل وما قعدت الا العصر فـ ماعرفت الساعه بالضبط ..

الحاله الدينيه:- عادية وفي شوية التزام ..

الحاله الاجتماعية: عزباء

المهنة: طالبة جامعية

حالتي قبل النوم: كنت راده من عزيمه وفي شغله صارت ضايقتني ..لكن هالأمر ماله علاقه بحلمي ..

ياليت أكون كتبت بشكل واضح ووفيت الشروط كامله ..لأنه يهمني اعرف التفسير ..