قصة ولادتي بالاطباء المتحدون

مرحبا للجميع
من زمان وانا حابه اكتب هالموضوع واشاركم وافيدكم ولكن ظروفي ماتسمح المهم بدات قصتي بحملي الاول عندما مدحت لي وحده دكتورة باسمة دلعو بالاطباء المتحدون وانها طيبه وتجلس معك لويومين بالولاده فمستني وفتحت ملف عندها كان المستشفى للامانه حلو واكثر شي اعجبني دقه مواعيدهم تدخلين بنفس الموعد بعكس الالماني تنتظرين ربما ساعتين او اكثر المهم كان عندهم برنامج للحمل حلو تقريبا 8000شامله مراجعاتك وتحليلاتك واشعتك حلو احسه اقتصادي ولكن في حال قررو عمليه قيصريه تزودي 4000 وشوي واعجبني ان البرنامج شامل للعنايه بالطفل وتطهير للولد ومن هالحركات وكنت مرتاحة بالمراجعات مع الدكتورة الا ان جاء يوم الاثنين الموافق3/9/1427وكان موعدي بالليل 11وكان وقت رمضان وكشفت كشف داخلي وكنت خايفه ورافضه افتح رجليني من الخوف المهم قوتني وصرخت صرخة كل المراجعين اللي برى سمعووووووووووني وكانت معي اختي الصغيرة وقالت رحمك مفتوح 2سم لازم تجين الصباح بعد ماتصلين الفجر ورفضت قلت ماراح اجي كيف اجي واناماحسيت بطلق ولاشي وكانت اكلمها وانا ميته من الخوف لدرجة حتى شفايفي تتراجف وقالت لاختي ماعليك منها جيبيها هي الحين مو حاسه بنفسها وكانت مصممه على اني اجي قبل نهايه الاسبوع ولحد الان ماعرف وش سبب هالتصميم واني اجي قبل نهاية الاسبوع المهم صرفت لي زيت خروع ورحت للبيت وشربت زيت الخروع قارورة كامله على كلام الدكتوره ومافيش طلق معي بس نزل دم واتوقع من كشفها ومت خوف يوم شفته وبدا معي مغص بس اكتشفت بعدين انه مغص خوف مو طلق ولاني بكر وماعندي خبرة واقنعتني اختي الصغيرة نروح على اذان الفجر وانا ماحس بشي وطول الطريق وانا اتمنى اكون شجرة او عامل بلدي او سيارة من الخوف المهم دخلت الطوارئ وقال المصري فيكي ايه قلت ابولد قال ايه حتولدي طيب عايزة عربيه قلت لا عادي امشي وين اروح فناظرني باستغراب لان الوحده تجيهم موقادرة تمشي وانا عادي ماحس بطلق بس احسها استعجلت علي الدكتورة المهم رحت مع الفلبيني واختي لقسم الولاده صباح الثلاثاء وطبعا حطو الاجهزة علي وكل شوي داخله دكتورة تقيس الرحم لحد ماطفشوووووووووووووني كرهت نفسي من الالم وكل شوي دكتورة وكنت اتوقع ان د/باسمه هي اللي بتشرف علي واستغربت انه جاء الظهر وماشفتها وكل شوي دكتورة مرة مصريه ومرة باكستانيه اذكر اول دكتورة مصريه دخلت علي قلت لها مادام2سم بروح للبيت انا ماحس اني بولد وكانها خايفه من احد والله انتي جيت بنفسك تحملي كانها بتقول روحي بس ماتقدر لانها رحمتني المهم جت باكستانيه الساعه 10 واخلاقها زي الزفت وتهزا فيني ودخلت زي العود وفكت الموية ادعي عليها لحد الان اخلاق زي الزفت المهم شرفت دكتورتي الظهر وهي تضحك ماولدتي انا فكرت واجي والقى البيبي وانا اناظرها بحقد لاني حسيت ان الدعوة فيها تلاعب تخيلو يوم كامل وانا كشف داخلي وطلق صناعي ذبحني وكل شوي داخله وحده تولد وتخلص وانا جالسه واقول يارب متى اصارخ زيهم مليت المهم وصلو امي وابوي من السفر العصر وجو عندي وجلسو يبكون يوم شافوني تقول امي وجهك اصفر وشفايفك موف وماعجبوني خدمتهم جو الغرفه مخلين اختي تنام على الارض وتخيلو وصل المغرب وهم 2 و4سم المهم ماجاء الليل الا قالو9سم قلت هانت ان شاء الله بولد وتخيلو دكتورتي ماشوفها قلت وين الكلام اللي يقولون تقعد معك صار خرطي المهم صرت اهوس وخليت اتي تكلم د/باسمة وتقول اختي بيطلع شي من تحت مع اني ماحس بشي بس تهيئهات وتجي وهي تضحك10 بالليل طيب خليه يطلع قالت اذا جت12 ماولدت بضطر اسويلك عمليه تخيلو بعد التعب كله تقولك كذا بكل برود المهم جت12 ودخلوني عمليه ماجت2 ونصف الا انا طالعه من العمليه وكان الاربعاء5/9/1427وجبت ولد ولحد الان ماعرف وش سبب عمليتي مرة تقول دقات قلب الطفل تعبت ومرة التفاف الحبل السري دخلوني غرفه خاصه وحلوة عنايتهم جلست 5 ايام واحسن شي مايجبون الطفل لك وماتطلعين الا الطفل مطهر
وهذي كل السالفه ولحد الان ادعي عليها كانها ظالمتني وبيوم من الايام دقيت اسال عنها قالو تركت المستشفى الظاهر من دعائي
احد سبق صارله مثلي؟وهل طريقتها صح والا استعجلت؟ابي ارائكم
وابي منكم طلبات اخرى
اختي محتارة وين تفتح ملف للحمل لان كذا وحده يمدحونها ياليت تساعدوني مابيها تغلط غلطتي
مدحوا(د/فاطمة العتيبي ود/سحر ملودي بفقيه
د/بهاء الدين الالماني
د/هشام عرب وحسن عبدالجبار الاطباء المتحدون
صحيح سمعت الالماني زفت معاملات السيسترات
وهل فقيه زي الاطباء من ناحية الاهتمام بالطفل ويطهرونه والا لازم تطلبي
وهل الدكتورة فاطمة لها خبرة في العمليه القيصرية
تكفون ريحوني الله يريحكم واختارو احسن واحد او وحده بالولاده والتعامل والسيسترات وكم التكلفه انتظركم على احر من الجمر وربي لادعي لكم ليل ونهار
واسفة عالاطاله بس الدعوة تبادل خبرات ويجعله من موازيين اعمالكم