عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله
اخباركم ؟
حلمت اني كنا في شاليهات وكنت حفيانه .. وكان فيه بحيرهـ صغيره قدامي فيها صندلين اسود
وكان معاي عصايه كنت اقدر اشيل الصندل فيها واطلعه من المويه
وبالعصا مسكت الصندل الأول ورفعته كان صندل اسود فخم وله كعب .. ناظرته من بعيد وقلت: لا ما ابيه هذآ كعب والكعب متعب وطلعت العصايه منه ودخلتها داخل الصندل الثاني وكأني ابي ارفعه واطلعه من البحيرهـ كان صندل اسود بدون كعب
جلست اناظرهـ من بعيد وقلت لا ما ابي هذا ماركته مو حلوهـ .. الأول ماركته احلى بس عيبه الكعب
وجلست اشاور نفسي اخذ اللي بكعب او اللي ماركته مو حلوهـ
بعدين قلت خلااص مو ماخذتهم كلهم ومشيت وتركتهم
بعدين دخلت داخل غرفه وطلعت مع الجهه الثانيه وكان علي صندل أصفر له كعب وسط
لما طلعت مع الغرفه جاء عصفور وصار يطير على مستوى صدري
ولما االتفت يلف معاي
اخذت دوره على نفسي وما زال العصفور يطير على مستوى صدري ومعاي ما تغير !
وقلت لازم اسال وش معنى العصفور بالحلم ! ~~> قلت هالكلمه وانا احلم !!!!!
بعدين صحيت …
*
وحلمت مرهـ ثانيه انو كان يوم العيد وكان العيد في بيت عمتي ..
واني رحت لبيت عمتي وحصلت عندهم جزم بيت عاديه سألتني بنت عمتي عن رايي بالجزمه ..استحيت اقول لبنت عمتي انها عاديه فقلت لها مرررره تهبل ..
وبعدين دخلت الصاله وكانت بنت عمي تسلم على الموجودين فيها لما جاء دوري وسلمت علي قالت لي [ مررره متغيره طالعه حلوهـ وش مسويه ]
قاطعتنا بنت عمي الثانيه وقالت [ لأنها لابسه جزم كعب !! ]
قلت انا [ لآ ما لبست جزم كعب شوفو جزمي مو كعب [ ووطلعت جزمي كانت صندل اسود كعبه صغير مرهـ طول فص الأصبع ومره جميل ]
قالو بنات عمي الثنتين [ يههبلل صندلك وكانت وحده تمدح وهي حاقده علي والثانيه قالت حلو وميلت وكأنها مقهوره من شي يعني نظراتهم كلهم ما كانت حلوهـ ../ المهم انا قلت لهم : عجبتكم جزمي اجل لو تشوفون جزم اختي كان وش تقولوون
والتفت على اختي قلت لها وريهم جزمتك / وورفعت اختي ثوبها وكانت لابسه صندل جميــل وكعبه عااااالي مرهـ وكلهم مدحوهـ
وصحيت
**
وقت الحلم / الأول الفجر والثاني المغرب .. علما بأنو في نفس اليوم !
الحاله الدينيه / عاديه
الحاله الأجتماعيه / عزباء
المهنه / طالبه جامعيه
حالتي قبل النوم / عاديه
وجزاكم الله خيرآ
