عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مدخل
يقول خالي اللي بسادس ابتدائي لما سألته عن موصفات زوجة المستقبل
قال ابي وحده (حتى وهي جنبي تحسسني بشوق
شلون لامن شفتها بعد غيبه…في منتهى الرقه وفي منتهى الذوق …..)
قلت هزلت لابوكم مبزره 😎
ممنوع دخول التماسيح …والا وطوط وانت ساكت …
بما اننا هالايام بموسم عروس والفنادق زحمه 😆 🙂 .واستراحات الشفاء بتنفجر من قوة العروس اللهم زد وبارك وزوج بناتنا الصالح<<ماش صالحهم قليل
والله يخلي ماليزيا بعد العرس;) ..كل السعوديين فذاك سبحان الله اشكالهم واضحه ياحلم الله على خلقه بس 😡
وقطرة ندى))صاروا يكحون دراهم من كثر المخفات اللي بوه
<<مااطيق هالمشغل يحوم تسبدياحس اني اطلع من عندهم مهرج 😆 لا وكله يهون اذا شفت بنت خال جد عم امي تتزين على يميني وبنت الجيران على يساري احس ودي اتغطى ➡ <<فيس يصيح
لا وكلنا بنروح لنفس العرس;) ..ياتسبديه بس
لا والا اذا هايطوا بعض الناس وقلتيلها وين بتروحين قالت والله حاجزه كوافيرة عرايس بقطرة ندى لا وتقولها بشمووخ يقال بتتميز اذا حطوها في مدخل مترين في مترين وعطوها عصير بردقان وسكروا الباب
ترى صدق وناسه تحس انك غير الاوادم اللي برى 😥 …ايه مايخالف كلن عطوه جوّه
الله يخلف بس <<ابد ماتقصدك يانوير ههههههههههههه
المهم انا مدري وش احس به يومي اكتب هالمقدمه اللي مالها لزوم ….ذبحني الطفش يانااااااس 😉
بس حبيت اقول ان بعض البنات اذا مو كلهم جايبين اقصاهم الا يبوووووووون يعرسون 😡
وكووول هذا واضح في عروسنا الاليمه
..تلاقونهم حافلين بشكل يتعب النفسيه;)
مابقى كريستال ماحطته بفستانها لين تغدي تلامع تسنها لمبه;)
ولا يبقى ورد ماحطته في دمجتها ابد مزهريه 😳
بس ترى فيه فرق بين اللي تحط ورد طبيعي واللي تحط بلاستيك
طبعا البلاستيك اغلى …اما الطبيعي الله يخلي بخشة بيتكم 😛
شفتوا وين وصلنا ياربي لك الحمد بس
هذا غير التزوي والترزز والتميلح اللي ماله لزمه ❗ <<قلة حيا ….لا يكثر بس
حالفين ما يتعدون ذا الا معرسين وبالنهايه محدن يعطيهم وجه 😆 idea:
مدري وش طايرين عليه ابي افهم…
والسؤال اللي يسدح نفسه 😐 …ابي افهم ليش البنت تسحب على صديقاتها اذا اعرست يعني هي مستانسه انها اعرست والا وش وضعها بالضبط 😥 <<اشوا اني سحبت عليهم قبل اعرس ههههههه
الله لا يبلانا بس …
الحكمه من الموضوع 😆 🙂 …اني قبل كم يوم حضرت زواج بوه ذا العينات اللي تقطر سماجه …تقول خلصوا الرجاجيل المهم ان وحده الله يستر علينا وعليها تميلح عند عجوز عيالها واجد وكلهم مناصب وهي يقال ذكيه تبي تطيح متواسيه
وبعد جهد جهيد من اللباقه اللي نزلت فجأه…والابتسامات اللي على غير سنع …صلختها ذا العجوز وقالت الزين زين لو قام من نومه
والشين شين لو كحل عيونه هههههههههههه 😥
الله لا يحطنا بذا المواقف كان انتحر من قوة طيحة الوجه 😥
الزبده …ترى انا منيب مع العنوان …يعني مهوب معرس الا الزيون ؟
كلش قسمه ونصيب
انا كتبت هالعنوان لان كثير اهالي وشباب هذا مقياسهم وكذا تفكيرهم…. 😛
حتى وحده قالت لي تقطعت ليفتي من كثر التفريك كود اصير قطعتن وحده
قلت لها وشهوله انتي مشاءالله عاقله ومثقفه وسنعه وبنت ناس وبرضو مملوحه
قالت كل ذا لا يهمك 😥 لازم احورف بنفسي عشان يمشي سوقي ومااعنس والله يادونت ابي اعرس
انتوا شرايكم ؟
ماتلاحظون انو المقياس الاول بعد الدين هو الجمال لخطبة البنت؟
ضاربين بباقي المواصفات الحلوه اللي ممكن تكون متوفره بهالبنت عرض الحائط
وبالنسبه للتماسيح اللي وطوطوا …مدام تلقفتوا هاتوا اراءكم 😆 🙄
وش ذا مهيب حاله …يارب زوج كل وحده منهبله تبي العرس
عشان تروح ماليزيا 😆 🙂
بانتظار تفاعلكم
مهووب منقول هع
