قصة ولادتي وطرد المستشفى لي

السلام عليكم
كيف الكروشات والنفوسات
ابحكي لكم قصة ولادتي الطويله >> روايه قصدك
قبل موعد الولاده بيومين وانا معي مغص على الخفيف وكنت احس ان راس الجنين على فوق
خفت سراحه خصوصا انه بقي على الموعد المتوقع للولاده ثلاث ايام
وانا ولاداتي اللي قبل اولد قبل الموعد باسبوع رحت اتطمن طمنتني الدكتوره وقالت لي باقي لك
تقريبا ثلاث الى اربع ايام بتقرير الاشاعه تطمنت وطلعت وقلت لها على المغص اللي يجيني قالت
هذي بدايات الطلق لكن يبيلك تمشين حتى يزيد قلت ابشري لاني كنت خلاص ملييييت مره
جاء اليوم اللي بعده قلت لازم امشي ابي اولد اليوم ان شاء الله المهم طلعت من بعد صلاة العصر مباشره
ورجعت بعد المغرب وانا خلاص متكسره من المشي قلت اريح شوي وبعدين اكمل العشاء
وانا جالسه الا وتجيني نغزه اقوى من المعتاد فرحت قلت هذي البدايه يارب 😳
وبعد العشاء الا جاني على كذا مره النغزات وبدت تتزايد قلت خلني اخذ حمام ساخن لاني سمعت انه
يساعد وانا كل تفكيري اقول ما ابي يجي الفجر الا وانا والده باذن الله وكأن الموضوع على كيفي
وبعدها قمت اكمل بعض الاغراض واجهز للمستشفى
والساعه 9 ونص طلعت من البيت وكان في بالي امشي او امرلي كذا محل لكن ما قدرت من الالم
قلت على طول للمستشفى ورحت لمستشفى المواساة دخلت عليهم الساعه 10 طلبو الدكتوره كانت مصريه
جت كشفت قالت منفتح الرحم عندك ثلاثه واحنا اليوم ما نستقبل الا اللي واصله يعني يكون فوق الخمسه
قلت ليش قالت لو جايه قبل ساعتين كان استقبلناك قلت لها خلاص بطلع امشي وارجع لكم
قالت وين تراجعين قلت لها في العسكري قالت خلاص روحي لهم قلت انا لو ابيهم ماجيتكم
المهم قالت انتي لازم تتنومين حتى مايجيك شي
توكلت على الله وطلعت امشي وامشي حتى الساعه 12 ورجعت لهم وكانت متغيره الدكتوره المناوبه
فدخلت عليهم وطلبوها لي وجت وكأن الشرار يتطاير من عيونها وتناظرني انا وزوجي
قالت أي يعني بتؤل لكو الدكتوره مانستقبلها وتجون
قلت لها رحت امشي ورجعت –المهم اخذ وعطا حنا وياها ليما رضيت
وكشفت على وعورتني سراحه شكلها حقدة على قالت مفتوح ثلاثه ونص ماراح نستقبلك روحي ولا ترجعين لنا
مره ثانيه حتى لو انفتح سبعه
المستشفيات غيرنا كثير عندك الحمادي روحي لهم عندك وعندك تعدد لي المستشفيات
طلعت وانا مستغربه 😆 idea:ليش كل الثنتين يسوون كذا وهم اهلي المفروض يفرحون
طلعت وانا دمعتي على خدي ليش يسوون كذا 😛 😳
وافكر وين اروح خصوصا اني ما اثق في أي مستشفى وانا خوافه واللي خلان حربصه على المواساة انه لي قريبات والدات فيه يعني عارفته

يتبععع